جودك وياك سيفك بيمينك الله اليرعاك هوه اليعينك هد يابو الغيره ضلينه ابحيره الله اللي يعينك. الله اللي يعينك يبو فاضل تعناهه وجيب المشرعه بزودك ابوك الفارس المغوار وفنه اليوصل احدودك سهم العين ماكفه فديت الزينب ازنودك خلصت العمر قائد ابد ما واحد يقودك من اطب ليهم زودك راويهم الله اللي يعينك الله اللي يعينك $ $ $ ادري لوتشوف حسين طايح جسمه عالغبره جاكصيت روس الكوم وتسوي الارض حمره لو شايف رقيه شلون خلت بالكلب جمره جاكمت وكتلت الكوم مو بالسيف بالحسره عباس امحيهم واكلبهَ اعليهم الله اللي يعينك الله اللي يعينك $ $ $ لوتدري بغيابك ليش عن الخيمه ماتذهب ربك ماخذك عن لا تسمع باليسب زينب وعلا تدري بالخيمات بالعاشر جمر تنشب وعلا تدري اخوك حسين فوك الغبره يتسلب من توصل ليهم بالدم غطيهم الله اللي يعينك الله اللي يعينك $ $ $ اريدك تدري يابو الجود للناذرلك اسنينه راح انقلك المطلوب جاوب واستمع لينه اليلطم واليحب والمات وحسين ويسبعينه كلهه اتنادي ياعباس جيب الماي لسكينه المطلب بيهم رد وحاجيهم الله اللي يعينك الله اللي يعينك $ $ $ اجيتك والكلب ملهوف رايد يوصل المجلس حتلو ما اوزع ماي اقبل حته لو اكنس احس روحي بامان تصير تحت المنبر امنجلس الشيخ اليقره والرادود عليهم خيمتك تحرس الله امسويهم عطرك ماليهم الله اللي يعينك الله اللي يعينك $ $ $ انه شايف خدامه اهواي من املوك تتعجرف بس خدام اهل البيت خدم بالخدمه تتشرف ياهو الي يصير وياك ياهو الضدك انته اعرف هاي الدنيه بيهَ اشكال كل يوميه صاير طف الجنت امبجيهم لا ماناسيهم الله اللي يعينك الله اللي يعينك $ $ $ #لاتنسوا_صاحب_الزمان_من_دعائكم قناة الرجوع الى الله @h_ameer1 قصائد منبريه مكتوبه @h_ameer2 مجالس خادم الحسين @h_ameer3 قصائد حسينيه مكتوبه @h_ameer4 3.5K viewsلاتنسوا صاحب الزمان من دعائكم, 08:51
