قصائد منبريه مكتوبة2

2020-12-29 02:21:27 على لحن
لمن ابدي الاسى يا سائلن عني

: أنه أوليدج حسن
: الشاعر زين العابدين الشمري
=============

عرف معنى الحزن بس الفگد غالي
ييمه لغيبتج بـي حرگه دلالاي
انه أوليدج حسن والدمعه تبرالي

========================

انه بجرج ييمه وفتشت اعيونج
انه ضنوه حياتج واسئل شلونج
انه اوليدج حسن بيه يسمونج
جنت ازغير وتأشرين لمتونج

ييمه ما عرفت بضلعج اتكسر
لحد يومي وانه اتاذه واتحسر
نزل وي دمعتج دمعي وبقه ايلاالي

========================
اجيت لگبرج اشجي الحاله والبيه
بجيت وفضفضتلج فگدج عليه
ارض طيبه نفس مابيها للريه
النسمه من غيابج يمه ماهيه

الهوه بدونج سموم وجني بالصحره
مثل كسره غيابج ماشفت كسره
وانا اتنفس بحزني الغير احوالي

========================

غريبه ووانظلمتي من الغرب يمه
وحزينه وصابره عالمعضل وهمه
ما زيد اجروحج بالحجي وهضمه
ولجن وين عطرج ذاك الاشتمه


ييمه اشتاك الج والبيه شيوصفه
اريد الثم جفوفج والبعد كلفه
اريد اتنفسج يالساكنه ابالي

========================

عصف ريح الفراك بسرعه بسنيني
وغده نهر الحزن يجري بدمع عيني
وصوت الهم عليه بون يواسيني
نفس كل يوم اعيش بذكره تاذيني


واگولن شايف وسامع گبل وضعي
لذاك وحده مني من نزل دمعي
مثل يومي جزاني وشفته بخيالي

========================

ارد للبيت واگله البيت ماكو انتي
شمعه بيتنه والخير بـي جنتي
راح وياج كلشي يمه من رحتي
حته الضوه غاب وياج من غبتي


اختفيتي منه يمه خفيت الكمره
بسحابه بابج وبسمار والعصر
لجنج ذكرج سمه وتبقين للتالي

========================

لبست اسود الثوب واسود بروحي
وحداد لحد مماتي وغمجن اجروحي
جبال احزن اني وحسرتي اسفوحي
اضل انعه وابد مايستكن نوحي


واضل نعه بالم وابجي واضل انحب
انه وحسينج وحيدر علي وزينب
يضل وحشه علينه امجانج الخالي

========================
: الشاعر زين العابدين الشمري
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4 باز کردن / نظر دهید

2020-12-29 02:21:27 ليالي الفاطميه 1442
(الجاني) المقصود القاتل
__
بين الباب والخيمه سوالف نار
وبين السهم والمسمار اكو اسرار
حزن يروي لحزن ثاني جريمه ومشترك (جاني)
________
جريمه وشتراك الفعل بين اثنين
بين حسين اروي وبين ام حسين
بين الباب والخيمه انكسر ضلعين
عبدالله ويه محسن ناتج الجرحين
الجاني بهل المقاتل مشترك اسمه
بعد ماتت الفشله وماتت الزحمه
جريمه وفعل شيطاني جريمه ومشترك جاني
______
بتفصيل الجنايه اشرح الاالام
نار الباب تشبه حركه الاخيام
عذاب السهم يشبه لوعه الاسهام
زينب تشبه امها ويختلف الشام
خطبه فاطمه الزهره بدمع يهمل
تشبه خطبه الحره بوقوف التل
علم والعلم رباني جريمه ومشترك جاني


__
حجه الباب الرزايه ويروي بالاحزان
وحجه مقتل الزهره والقتلها فلان
طلع صاحب محمد كان يا ماكان
أعوذ من الاسم ارجس من الشيطان
طلع صاحب الغار اهوايه افعاله
أحد تشهدله يم الجبل تمثاله
منافق هو سفياني جريمه ومشترك جاني
__
روه المسمار حزنه ويشرح الدمعات
يكول اني بصدرها وتالي محسن مات
تتنفس حزن منها اسمع الاهات
وشفت عالم الزهره كله تسبيحات
حجه المسمار هضمه وهو يتلوه
نمت اني بصدرها وهيه تتجوه
السب اقسم ولا اني جريمه ومشترك( جاني )
__
خلص مقتل الزهره والدمع غيمه
بحزن الطف ضلت تحجي الخيمه
روت مقتل حسين وحيرته وضيمه
وروت حزن العقيله بضلمه الهيمه
نار الخيمه تجوي وتجوي الفركه
جفوف الحره زينب حيل محتركه
عذاب الحره جواني جريمه ومشترك (جاني)


____
بجرح حسين يحجي السهم وبحسره
شفت لحم الجسم مفروش عالغبره
من شلعتني زينب انشلع صدره
الله يساعدج يا زينب الكبرى
مصيبه والمصيبه ليله العاشر
انكسر سهم الصدر بدوسه الحافر
مصاب حسين اذاني جريمه ومشترك جاني
__
تمت الحمد لله 28/12/2020
خادم الحسين/علي فيصل الكريطي الكربلائي
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4 باز کردن / نظر دهید

2020-12-29 02:21:27 ليالي الفاطميه 1442
_
مناجاتي ودعواتي يا رب البريه
صلاواتي ودمعاتي وخدمتي فاطميه
_____
انه العبد الفقير وهذا مكتوبي
استحيت ارفع اديه بكثره اذنوبي
أعوذ من النفس يا نفسي هم توبي
وأشهد يا الهي حسيني محبوبي
صيحاتي بحسراتي ربي ارفع اديه
مناجاتي ودعواتي يا رب البريه
__
قبل توفيقي لازم اعقد النيه
قبل المجلس انوي بقلبي لطميه
اجي مهموم عاالطف والحزن بيه
اكيد المهدي حاضر ينضر اعليه
راياتي وندباتي وندبتي مهدويه
مناجاتي ودعواتي يا رب البريه
____
توفيقي بمأتم كونه حضي اهواي
حلم خادم اصير وبيدي اوزع الماي
وجه الزهره ابيضه من اجي مشاي
عندي هاليقين الزهره تبجي وياي
كلماتي بدمعاتي ابجي اعله الزجيه
مناجاتي ودعواتي يا رب البريه
_____
بدون حسين ربي دنيتي هندس
برحمتك عايش اني ورحمه المجلس
ضميري بلا مجالس منعمي واخرس
تدري اني حسين واه اتنفس
وناتي واهاتي وحزني الغاضريه
مناجاتي ودعواتي يا رب البريه
_____
المجالس هم مدارس بيها اتعلم
وضمن بيها اجري اني من اللطم
بدرس حسين اصفن والمهم افهم
انكسار السيف بالطف وانتصار الدم
جمراتي وسحكاتي خيل الاعوجيه
مناجاتي ودعواتي يا رب البريه
__
بين حسين والهي حلقه ايماني
الفضل للحسين اني انسان سواني
بقه آخر حلم لمن أموت اني
اوراق القصائد تصبح اجفاني
امنياتي بمماتي خادم للمنيه
مناجاتي ودعواتي يا رب البريه
__
تمت الحمد لله
خادم الزهراء/علي فيصل الكريطي الكربلائي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4 باز کردن / نظر دهید

2020-12-29 02:21:27 بعيوني ما مر الوسن .. وغير الدمع ما ضل الي
وزينب والحسين وحسن .. وياهم اتيتّم علي
عندج يتامه امألمه .. فگدوا حنانچ فاطمة
و وياهم اتيتّم علي
.....
متحيرة نجوم السمه .. بدمعة علي يا فاطمة
ما عنده لفراکج گلب .. لا لا تروحين
يالرحتي مكسورة ضلع .. ما بطل لحيدر دمع
ينشاف هيج بيا وكت .. مكسور ابو حسين

يتجول ابيته ويصد .. على الباب
كل لحظة التمر بيه علي .. اله مصاب


جفن بجفن عند الولي .. يالزهرة عگبچ ما طبگ
لو شافت عيونچ علي .. چم شهگة يم بابچ شهگ
دمعه ودمع ولدچ همه .. فگدوا حنانچ فاطمة
و وياهم اتيتّم علي
...............

المشارك احزانج غده .. ينوح بجفاچ الوحده
محد على مصابچ اجى .. يبچي ويواسيه
الچان بأراكة يضللچ .. هسه بغربته ينوحلچ
للبير ضل عگبچ يروح .. وحزنه يحچيه

بس وحده هوه وبالدمع .. حچي اهواي
ضل رايح لگبرچ حزن .. وحزن جاي

بالدار يفتر وبچه .. جم ذكره يمه تعذبه
خانگته عبره وما حچه .. صد بعيونه لزينبه
ضاگت على عيونه السمه .. فگدوا حنانچ فاطمة
و ويّاهم اتيتّم علي
..........
امبين عليه من شيبته .. مكسور واهس دنيته
وبعيونه نلگى اشگد هضم .. لو يدخل الدار
لو شافه ميت ينقهر .. يالزهرة مهضوم شكثر
بالباب نار امصيبته .. وبالعتبه تذكار

بيچ الزمن لو يرجع وتردين
تنسين ضلعج ولعلي تنوحين

مختلفة مو زينة قبل مو هيه شدة عمته
وبغربة ضل عايش مثل طير ويشت عن زمرته
بس الله فگدج يعلمه فگدوا حنانچ فاطمة
و وياهم اتيتم علي
...........
بليل نگصد تربتج .. سلوة دمعنه ازيارتچ
ليليه كلنه للگبر .. لمن نجي انزور
چم روح يمچ نايحه .. ونقره بدمعنه الفاتحة
شيرجعه يا يمه المشى .. والساكن گبور

من الزهره صارت خاليه هالايام
وانه شكثر ليه الدهر دمع ضام
يمه وليالي شكد الي .. من بعدج بحاجة حضن
لبنتچ ييمه اتأملي .. ضلت حزن يقره بحزن

لولدج سما الله امغيمه .. فگدوا حنانچ فاطمة
و وياهم اتيتم علي
...........
يا يمه مكسور الگلب .. من گبرچ لبيتچ درب
اشكد شاف من ولدچ بچي .. يالزهرة أسأليه
گلبي بغيابچ منهظم .. والينكسر گلبه اعلى أم
حتى الهلا والمرحبا .. تكسره وتبچيه

عالباب يا يمه اذا يهب ريح
اسمالله يمه فاطمة سوى نصيح

چن نسمع يسولف ضلع .. لو بابچ ايدفعه الهوى
يا يمه كل ما يندفع .. نتگابل وننحب سوى
دمعه وجفن ضلع ودمه .. فگدوا حنانچ فاطمة
و وياهم اتيتم علي
.......
كرار الــــــمحمداوي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4 باز کردن / نظر دهید

2020-12-29 02:21:27 #شور فزاعي

كون الباب من أجذوع.. يعني يشبه الحافر
الحافر والجذع ويلي ضلع كاسر
..............................................
يا كسر الضلع محد عرف سرة
لا يحصل دوة ولا واحد يجبرة
من ضلع الحسين وفاطمة الزهرة

ودم أطهر بشر عالترب متناثر
كون الباب من اجذوع .. يعني يشبه الحافر
........................................... ....
الضلع شمسوي شيريدون من يمة
كبل ضلع الحسين اكسرو ضلع أمة
من عدهة وعرفنة اللطم والهظمة

يوم الباب يشبه ليلة العاشر
كون الباب من أجذوع.. يعني يشبه الحافر
..................................................
ذبو كل حقدهم ع النبي وآله
الكَعد وي السقيفة شتطلع أفعالة
بالطف عالسبط حشم الخيالة

مثل أمة الحسين بزمرة متحاصر
كون الباب من أجذوع.. يعني يشبه الحافر
.................................................
الحركَ باب الزجية أولا عرف شيمة
بالطف ولدة أجو وحركَو الخيمة
بنات الزهرة ركضن طرن الهيمة

وقنفذ سوطة بالطف ياخلكَ حاضر
كون الباب من أجذوع.. يعني يشبه الحافر
...............................................
مثل امها بقت محد فزع آلهة
زينب عالنهر مذبوح كافلهة
بعيد وكسر ضلع حسين يوصلها

وتشوف حسين جوة خيولهم صاير
كون الباب من أجذوع... يعني يشبه الحافر

كلمات خادمكم حسين حمدان الدلفي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4 باز کردن / نظر دهید

2020-12-29 02:21:27 يفتر اعله الدار حيدر رايح اوجاي
ويم رماد الباب شفته اتحسر اهواي
الطوله هيبه ضايع
واكف مدري راگع
ــــــــــــــــــــــــــــــــــــــ
لا ضله حيل ولا دمع كد ما شفت رايح راد
القاهر علي باب الجذع عالزهره خلوه ارماد
كل لحضه يعثر بالوأن يا حيله من عدهه الباد
ما باقي بس حجره وفجر وحيدر نشوفه ينكاد

اليكود الدنيه واحد ضل يكوده
اليرد الشمس بيده انكسر عوده
اعليهه ضل ينازع
الطوله هيبه واكع
ــــــــــــــــــــــــــــــــــــــ
الماهده خيبر لا ثكل اشويه من خيبر هده
اشلون انطلم خد فاطمه يلطم علي اعله خده
كل هاذه بس شفت الاشد اكباله العصرهه اتعده
بس جلمه (اصبر ياعلي) من طه هاي اترده

شفت ابويه بحركه خله ايده عالراس
لان شاف اللي عصرهه يشتم انفاس
اويه الوصيه ايدافع
واكف مدري راكع
ــــــــــــــــــــــــــــــــــــــ
اليچهب الجن بطن الارض غربه اعله داره چهبت
ابصطره ودفع كسرو ضلع واطراف شيله احتركت
التطلك تنادي يا علي وابلا علي فاطم طلكت
والباب جن ضغطت قبر واعليهه حيل انضغطت

يا عرب بالعصره تقبل حرمه تطلك
اويه كل طلكه التجيهه ابصوط تنطك
المنهه وبيهه واكع
واكف مدري راكع
ــــــــــــــــــــــــــــــــــــــ
الاصعب عليه ذاك المسه لمن نضر للزهره
ماتكدر اتفر الرحه كل فره تشهك عبره
كابلهه حيدر وانهضم وضم الزجيه الصدره
واطراف عينه دمعت يدري انكضت هالعشره

اكباله ماتبجي ولكن تبجي حسهه
لمن شاف اهدومه نكعت من دمعهه
كلشي بيهه دامع
الطوله هيبه واكع
ــــــــــــــــــــــــــــــــــــــ
ايعن الله كل اللي نضر روحه تلوج اكباله
ايعين الله كل اللي نضر تناشغ بجي ام اطفاله
ايعين الله كل اللي نضر محد اله ولعياله
ايعين الله كل اللي نضر من يمه مر چتاله


ابيته كل هاذه اللي صار وبعد اكثر
شاف مرته اكبال عينه خدهه احمر
جف ابخدهه طابع
واكف مدري راكع


سجاد الكعبي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4 باز کردن / نظر دهید

2020-12-29 02:21:26 فكري مِـحـتـار .. بمصاب الزچيّه
نِــســأل الـنـار .. عن هاي الرزيّه
-
(١)
صافن اُو چفيني حَسرَه اِتصافِگن
عـالـذي صـار اُو جـره لاُم الحَسَن
الـنـار تِسعَر مُـفـتَـرَض بالكافرين
ليش إجَـت مِتلهفه الجنة عَـدَن؟

تِــســتــعــر دار .. للباري اُو نبيّه
نِــســأل الـنـار .. عن هاي الرزيّه
-
(٢)
نِقره بالتاريخ وانشوف اِشكِتَب
النار هـيَـه النار بس كِلِ العَجَب
چان “بَـرداً” من إجـه يم الخليل
بَس على بِنت النبي هاج اللَهَب

شنهي الاسـرار .. بـالـنـار السِريّه
نِــســأل الـنـار .. عن هاي الرزيّه
-
(٣)
النار تِـتـرك بالگلب ذكرى اُو اَثَر
عِـدهـا عِشره لَچِن عِشرَتها كِدَر
مِثل ظِل اُو رافُگت زينب سِنين
اِمنِ المدينة اِلليلة الحادي عَشَر

نــفــس الآثـار .. بارضِ الغاضريّه
نِــســأل الـنـار .. عن هاي الرزيّه
-
(٤)
النار اَشَد عالحُره من ضَرب السيوف
بالأخص لـو جـارت اعليها الـظـروف
الـسـيـف يِگطعله نَـحَـر بس اللهيب
اِشسوه بِـالايـتـام مِن وَج بالطِـفـوف

تِـسـحـگ اِزغار .. جمر الـعـالوطيّه
نِــســأل الـنـار .. عن هاي الرزيّه
-
(٥)
والأشـــد والله نــيــران الـگـلُـب
عـالـعـفـيـفـة لمن اِتصير اِبغُرُب
حگها تِـتـنَـفَـس جَمُر بِنتِ الكرام
لو يِـسـيـره الإبـن مَرجانه تِطُب

الـزمـن يِــنــدار .. والـحُـره سِبيّه
نِــســأل الـنـار .. عن هاي الرزيّه
-
(٦)
واحنه عِشنه ابـنـار بس نـار الـزَمَـن
اِنتاني مُصلِح يِظهر اُو يِمحي الفِتَن
نِقبُض اعله الـجَـمُـر وانصيح اِبنداء
“عـجـل الله فـرجـك يبن الـحـسـن”

صـاحـب الـثـار .. يِنهيهه القضيه
نِــســأل الـنـار .. عن هاي الرزيّه
-

عبداللطيف خالدي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4 باز کردن / نظر دهید

2020-12-29 02:21:26 باز کردن / نظر دهید

2020-12-29 02:21:26 فزاعية :

شحال احسين وامه اكباله مرميّة
.
.
.
شحال احسين يوم الطاحت الزهرة
فوك الكاع بت الهادي منكسره
يشاهد دمعة امه او عينها الحمرة
يحاجيها او تون وِتكلّه ما بيّه
.
.
.
يشوف بعينه قنفذ حيل طكّاها
زورك جفها والملعون دمّاها
يضحك والزجية ايزود مبجاها
يسبها او تلتفت صوب السمه هيّه
.
.
.
بين الباب والحايط يشوف امه
عَليها ارجاس بالأحقاد مِلْتمّة
هي النعمة بس رفسوها هالنعمة
مَرَة او يا حيف طكّوها ثلثميّة
.
.
.
طاح اعله الأرض يا ناس محسنها
ظلموها ولا بت النبي جنها
غمّض عينه من كسروا ضلع منها
او مكسورة ظهر ام احسين مَحنيّة
.
.
.
تشاكف بس ولا واحد يحاميها
غريبة بعد ابوها أو سيف واليها
مسمار بصدرها او دمعة تجريها
هي الجانت بْظل طه محميّة
.
.
.
يشوف امه العزيزة الغربة ضربوها
الزجية اكبال عينه الزمرة رفسوها
وِإشسوّه الْحُسين او امه دمّوها ؟
اشكال او زَهْرِتَه اعله الكاع مدميّة ؟
.
.
.
إحتركن جِفوف الطاهرة الزهرة
بيش اتشيلِ الحْسين او تشم نحره ؟!
اشلون اتشبكه ؟ .. بالمسمار متعوّره
مصيبة اعله الأرض هاي او سماويّة
.
.
.
فاضل عباس الخزاعي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4 باز کردن / نظر دهید

2020-12-29 02:21:26 حال مولاي أمير المؤمنين وغربته
بعد رحيل فاطمه ع وفراقها..


عالزهره عايش وروحي انه بيهه
وحال اليتامى ابچي عليهه
بالغربه ضليت اوحشى صفى البيت
انطيها ايدي ومتمد اديهه

عافتني اتلوه
ونفسي عليّ گوه
يخنگني حتى الريح
فاگد علي سلوه

مو هينه انزلها وهيل اتراب عالزهره
الترب خشنه اعله وجه الله وعدها ضلوع متكسره
ادفن روحي اتمنيت يفاطم فرگتج مره
___

محتار اروحن وشعدي بالبيت
تفز اليتامى لو يمها ضليت
احچي اولا صوت منها وخفه الصوت
مني ولا اجاوب وشكثر ناديت

فاطم انه حيدر
حاچيني ما اكدر
ما اسمعچ تحچين
مو گلبي اتفطر

اكللها علي انه وما تقبل تحاچيني
الچانت بلهلا وحياك من اگبل تلاگيني
يفاطم وحدي ضليت وانحب هيج عفتيني
___

اگعد واگومن يرجعني الشوكَ
وكل خطوه امشي من عمري تبوكَ
الهاضمني عمرچ چم ورده وزغير
يندفن بتراب التراب ميلوكَ

چنتي ضوه عيني
چا ليش تاذيني
بفراگچ انهديت
ومحد يواسيني

ما عندچ نسه مشيعات وحدي انه انعالچ
ولا حضرو عمامي اوياي تشد انگابي لمصابچ
اول مره اضل مهضوم وتضل دمعاتي تبرالچ
___

گصرت خطوات رجلي برجعتي
يوجعني البيت المن عده رحتي
اصفن على الباب ونكسر بالشوف
يذكرني بالباب ويمه انتي طحتي

يذكرني بالعصره
وحيلي انكسر ظهره
شيب علي بلياچ
يوم الدفن عمره

اثر عالباب دم مطبوع والدخان اسود بيه
امشي واعثر ابلا شوف كل مره امن اصدن ليه
ورد اعتب على البسمار ويضل يصفج علي بيديه
___

ودخلت مكسور ولا گتني زينب
دمعتها تجري وظهري تحدب
گالتلي امي وكلتلها انه
والدچ وامچ وضلينه ننحب

امسح علي راسي
وجرحتني بحساسي
مثل اليتامى انه
فارگت اعز ناسي

نوبه فز حسن وحسين وتعاونه عالدمعه
واضلم چان كل الدار مفارگنه ضوه الشمعه
منها وأيست يهواي ما عندچ بعد رجعه
___

حسين سعد البهادلي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4 باز کردن / نظر دهید