° - كلّ حدا منّا عنده حرب بيحارب فيها بينه وبين حاله ،، ماحدا | Hope for paths of despair 💚
°
- كلّ حدا منّا عنده حرب بيحارب فيها بينه وبين حاله ،، ماحدا غيره بعرف ايش هيّ هي الحرب وعلى شو و ليش !! في يلّي يحط كل يوم هدف قبل ماينام و حربه بتكون إنه يحقّق هالهدف... في يلّي بيكون غرقان بالاكتئاب والعزلة وحربه إنه يحب الحياة... في يلّي انجرح من عزيز وحربه إنه يصلح قلبه... و في و في..... كلنا بنحارب من جوّاتنا ولو ما بيّن هالشيء علينا ك شكل فـ هو من جوّا بمشاعرنا بتفكيرنا ،، ماحدا منا بيعرف اشي عن التاني ،، ماحدا بعرف اشي عن الحرب يلّي شغّالة جوّا الثاني... اوعى تحكي عن حدا إنه عايش بلا فائِدة ؛ لإنه إذا هو مظهرلك فشله ف حربه لسا شغالة جواته بـ إنه يطلّع حاله من هالفشل ، حربه بالتفكير ، كيف حيطلع... اوعى تستقل بقدرات أي حدا ، أو تحطم من معنوياته وتقله إنت ما حتقدر أو إنت عايش زيادة بالمجتمع ، إنت عاله ، إنت رقم وبس ،، لا... كلنا بنقدر ، ويلّي قدروا قبلنا كانوا مفكرين متلنا إنهم ما حـ يقدروا بس فازوا بالحرب . - كون لطيف مع الكل ، وخلّي الكل يحارب بحربه بدون أي تدخّلات خارجية من طرفك؛ لإنه مش ناقص . - لا تيأس ولا تستسلم أبداً و لا تدع الإحباط يتمكّن منك و تمسّك دائماً بحلمك ..
