2021-08-15 00:31:03
الحياة لعبة طرنيب كبيرة
ممكن تتعب وتقدم شي كتير عظيم وقيمته كبيرة مقارنة مع غيره ( قص بستون ) وتفكر انك قربت خطوة زيادة من الفوز
ويجي حدا يطرنب عليك بجويزة كوبة تافهة مالا قيمة بين الوراق و يسحب اللطش منك لمجرد انها ( طرنيب )
الطرنيب ممكن يكون مكانة علمية او منصب اداري او رأسمال مادي ضخم او حتى واسطة بامكانك من خلالن تقلب كل وراقك ل طرنيب
وتختصر وقت وجهد سنين عن غيرك
الطرنيب عبارة عن ١٣ قطعة بس
ويمكن ما يكون موزع بعدل باللعبة
بالتالي لما يكون حدا معه ١٠ قطع وبيطلب ١٠
يعني غيره معو قطعة او يمكن ما معو ورح يلعب مجبر ع ٢ وبينكسر
و بالواقع بتلاقي شي مشابه
ناس بسهولة بتمتلك اشياء مستحيل يوصلها البعض ، وناس بتحارب لتأمن أساسيات وما تنكسر
الشي الملفت باللعبة انو كل جولة بيتغير الطرنيب
وحياتنا هيك كمان
#مثلا بتعدي فترة بيزدهر فيها الطب الكل بيركد يدرّس ولاده طب
بعدا بيلمع نجم التجارة الكل بيقلب عالتجارة
تُتاح فرص أكبر للي سافروا برا البلد بيصير الهم الاكبر كيف نسافر
كله لهدف واحد ... زيادة عدد الطرنيبات بحوزتك
بس بالاخير الطرنيب مو ثابت ... ويمكن الأصوص اللي تعبت عليها وجمعتا كلها يتطرنب عليها بجويزات
لهيك باللحظة اللي بصحلك تتطرنب على اص بلطش مالك بحاجته تذكر انه يمكن تكسره للي قدامك
وانو الطرنيب ما بيدوم
والكوبة اليوم بستون بكرا
عن نفسي ف انا #pass
#خواطر_جواكر
#سلحفاة_تلعب
108 viewsjoma'a kasab, 21:31