2021-07-27 20:04:23
اكو شيخ عشيرة سير بالليل هو وواحد وياه
على عشيرة ثانية بليلة شتوية تعللوا ومن رجعوا طگهم مشهاب برد وهم بنص الطريق فلا يگدرون يرجعون ولا يگدرون يكملون من شدة البرد
فألي وية الشيخ كاله محفوظ ماكو غير نرتچي على صويلح الي معزب بزرعاته يمنة.
الشيخ گاله هاي هيه.
راحوا على صويلح الي رحب بيهم وشعللهم النار وسوالهم چاي ومن هفتت النار گالوله صويلح انريد انام .
عندك فراش عندك غطا؟
گاله لا والله محفوظ ما عندي بس ازار ومتغطين بيه آنه والمرة والجهال
گاله خوش روح نام انت واحنه نلتف كلمن بهدمه.
نص الليل الشيخ گال لصاحبه: ما تاخذ عيني نوم من البرد صيح عليه هذا منعول الوالدين ما عنده بطانية زايدة لحاف ؟
فالولد صاح: ولك صويلح ما عندك بطانية لحاف للشيخ.
صويلح گاله لا والله بس الازار ومتغطين بيه انه والعويل.
الشيخ گاله ولك تذكر مناه مناه
فصويلح گاله محفوظ عندي الخرج مال المطي اجلكم الله انطيك اياه؟
الشيخ گاله : انچب انچب ونام.!!!
المهم الشيخ وصاحبه ما گدروا ينامون والليل بعده على اوله.
فهم رجع وصاح على صويلح. وگاله: ولك تذكر انريدنه شي انذبه علينا من البرد.
فصويلح وهو حدر الازار صاح : لا والله محفوط بس خرج المطي ..اجيبه؟
فالشيخ هم غلط عليه وگاله انچب ونام.
فالشيخ وده يتغطى بخرج المطي بس يستنكف وخاف صويلح يگول غطيت الشيخ بخرج المطي!
وهم ما گدر ينام فصاح بيه ولك تذكر بلكي تلگانه شي!!
اصويلح گاله محفوظ وداعتك ماكو غير خرج المطي اجيبه ؟
فالشيخ طگت روحه وصار عصبي وگاله:
لك ابن الكلب دبدل اسمه وجيبه مو ذبحتنه.!!!!
رباط السالفه ..!
الجماعه بدلو اسم القوات الامريكية
من قتاليه الى مستشارين
https://t.me/hagiZkeer
2.1K views17:04