حيدر نوري الاسدي

2019-09-28 15:05:09 من بعد اخوتي وحـرك الخيام
صوت اسمعت نسـاني الايتام
اخـت الكمر طــبـــوهـا الشام
~~~~~~~~~~~~~~~
انه زيـنـب انه الحنــيــنـه الجبيره
عشت بين اخـوتي اميـره بعشيره
حرت من بعـدهم ولا مـنـها حيره
لكطع نحر الحسين خذاني اسيره

يخزرني وي كل جرت انفاس
يضربني كل ما حاجي عباس
كل خطوه امشيها بالف عام
اخـت الكمر طبــوهـا الشام
~~~~~~~~~~~~~~~
كطعت الصحاري على ناكه هزلـه
وصـراخ اليتــامـه اخــذ حيـلي كله
مشـيت بدرب بي شمــاته ومـذلـه
اليفاركها اخـــوهــا تـرافـكـها علـه

تمنـيـتـه جـف الكـافـل ويـاي
وتبــوشـه من الرايــح وجــاي
نضراتــهم اقسى من السـهام
اخـت الكمر اخـذوها الشـام
~~~~~~~~~~~~~~~
الهضمني والجمني وحنه ضهري ليه
شفـتــهـم يــأشـــرون بـأديـــهم عليه
يســألــون اضــن ذيجـــه زينب سبيه
ويجــــاوبـهم الحـــادي واصفك بديه

جبنـاهـا كلهم اخت الحـسـين
مجـتـوفه من بـين الصـواوين
وعليه تتمرجل هــل الاقـــزام
اخـت الكمر طــبــوهـا الشام
~~~~~~~~~~~~~~~
دخلنـه على الشــام والحـبــال بدينه
بوسط سوك مشينه ويضحكون عليه
اذا ردنــه نســرعــه يبـطـون مشــينه
خزونـه بكثر مـــا يصـيـحون عـلــينه

تخيلها بس نسوه بوسط سوك
والسـوك كلــها عيــون وحلوك
والكل تنــــادي بذيــج الايــــام
اخـت الكمر طــبــــوهـا الشام
~~~~~~~~~~~~~~~
دخلت القصر والرأس تـنزف ادماه
شفت موقف كبالي ما اكــدر انساه
تمنيت بالطفوف انـــه ميـتـه ويـاه
ولا شوفه عصه يزيد تضربه بثناياه

صـدلي يزيــد وكـلي تدرين
كل ما اشتمج يغمض العين
وبيقضه انــه مــدري بوهام
اخـت الكمر طبـوهـا الشام



حيدر نوري الاسدي باز کردن / نظر دهید

2019-09-28 15:04:31 من خذوها مجتـفه بدرب السبي
الحادي كلهم هاي زينب لو نبي

نبي جنها ماكو منها
~~~~~~~~~~~~~
الما طالعـه باللـيــل من خيمـتها
الشمس لو شـافـــتــها ما عرفتها
مكسـوره بس مــا بينت كسـرتـها
كدامـهم كشــخت بروس اخوتـها

وكبالها ما رفع راسه الناصبي
الحادي كلهم هاي زينب لو نبي

نبي جنها ماكو منها

~~~~~~~~~~~~~
العفه مــن عدهـا خذت عفتها
والكعبة كلــها تبوشت بشيلتها
هيية الجنــة تضيع يم هيئبتها
والسمه تدخل حذر من مشيتها

والارض رفعـتها من كلها ركبي
الحادي كلهم هاي زينب لو نبي

نبي جنها ماكو منها

~~~~~~~~~~~~~

مچتوفه اديها وكلهم يهـابوها
عـباس ثاني عالـهزل شــافوها
صعدت شمس عالناكه من صعدوها
طـفـتـهم ومــــا كــدروا يطفوها

مو عبايه الوجه لفته بعبي
الحادي كلهم هاي زينب لو نبي

نبي جنها ماكو منها

~~~~~~~~~~~~~
صح تعبت وما نـامت ولا رتـاحت
بس من على الناكه ابد ما طاحت
كــــدامـــهم لا جزعت ولا صاحت
بس الله يسمع صوتها لو نــاحت

صوتــها ما مـر على اذن اجنبي
الحادي كلهم هاي زينب لو نبي

نبي جنها ماكو منها

~~~~~~~~~~~~~
مـتـقــصـد الله لـســـبــي ســـواها
لا ما سبــوها ســبــت هــي عـداها
هي الاخــوها حســـين من يدنــاها
يتراجف الحـــادي المــشـه ويــاها

والزلم بالخيل صارت تختبي
الحادي كلهم هاي زينب لو نبي

نبي جنها ماكو منها

~~~~~~~~~~~~~

حيدر نوري الاسدي باز کردن / نظر دهید

2019-09-14 11:01:47 محبــتك سيـــدي سلوه
جروحــك تلـجم و حلوه
حبيبي حبيبي
—--------------------1
ربــك الك ســـوه العشك
وعشكتك السبعة الزرك
المـا بـاجي دمعــاته الك
جذاب مـا عاشــك صدك
-
اليبــخـل علــــيـك بـدمع
ما يدري عندك كم ضلع
متهشــمات مـن السحك
وتفتــفتن خيــــط بشمع

الغـيرك مـــا نـزل دمعي
اكسره من اللطم ضلعي
دمعي بمجــلــسك يسوه
جروحــك تلـجم و حلوه

حبيبي حبيبي
—--------------------2

يالشــلـتــك براســي الم
رف كلـبي الــك رفت علم
نصبتـــلك جفــوني عزه
وتبجيـلك عــيـوني خيم
-
يمعزب الشــاطي بكمر
ويمعزب الســيف بنحر
عبدك انه وعنــدي طلب
اعله جروحك ارزقني قهر

عزيز وجرحـك بروحي
اداوي بجرحك جروحي
جروحي بمجلسك تروه
جروحــك تلـجم و حلوه
—--------------------3

وين اكو مثل مصيـبـتك
وين اكـو مثــل محـنـتك
عينك على ايتامك تصد
والشــمر سيفـه بركبتك
-
علــيك حـسرات اشتري
حز نحرك وضل منحري
ياهو اللي ســواهــا قبل
كطعو وريــــده لخاطري

اعليه معــتطش ايتــامك
وحركو بالفله اخـيــامك
اضل انعـــاك كل خطوه
جروحــك تلـجم و حلوه

—--------------------4
الما ساحك بعمره الجمر
ما باجـي دمـعة عالخدر
تخلص حيــاته بلا لجـم
وما يعرف شسوه الشمر
-
شنهي العذر من فاطمه
وصـدره ابــد مــــا لاطمه
من يوكف بيــوم الحشر
وراس الحسين يصب دمه

اخـافن لو كرب حدفي
مقــصر باللــطم جفي
مثلها ما اضن بلوه
جروحــك تلجم و حلوه
—--------------------5

من وجهك انصاغ الفلك
يالمدري شنهي اتخيلك
تخـيـلــتـك بكــد الـعرش
تالي طلع عرش الله الك
-
من ريتـك انشـم الهوى
ومن نحرك يشع الضوى
غار النجم من كشختك
عالكاع من شــافـك هوى

حـــتـار بلمعت عــيـونك
وصـــار من اليعشكونك
اليحـبك بالعــشــك يروه
جروحــك تلـجم و حلوه

—-----------------

حيدر نوري الاسدي باز کردن / نظر دهید

2019-08-20 19:46:42 فوكـج تــــرف رايتي
انه كـد حجــــــايتي
يا زينب يا زينب
~~~~~~~~~~~~~~1
والله يا زينب اوعـدج والـــوعد دين
هيبة تبقين بوجودي وراس الحسين
علي كلفني بخـدمـتــج وانتي تدرين
يختي مــا زال انــــه يمج لا تخافـين

خدرج اصبــح غايتي
انه كـد حــجــــــايتي
يا زينب يا زينب
~~~~~~~~~~~~~~2
فـــارس ومن ضربتي تدكـــدك جبال
حجايه وحــده حجايتي تدريني رجال
ما اسولف شـي خفيف سوالفي ثكال
افني كــاع الله اذا رســـمتــلـج خيــال

من يسوي سـوايتي
انه كـد حــجـــايتي
يا زينب يا زينب
~~~~~~~~~~~~~~3
ما اعوفـج يالعقيـلة لكطع الانفاس
وانتي اعرف بيه مـني كلــج حساس
قررت زينب قراري ويمشي عالناس
الثــره التمشـين فوكــه لا مينداس

ياهو يـكـرب ثـــايتي
انه كـد حــجـــــايتي
يا زينب يا زينب
~~~~~~~~~~~~~~4
من زغر سني رفيجـج وامشي وياج
جنتي ترعيني بصباي وهسه ارعاج
افكس اعيون اليشوفج حتى ينساج
الهوء اليشتمه خصمج حاشه يدناج

والمــــراجـــــل ايــتي
انه كـد حــجـــــايــتي
يا زينب يا زينب
~~~~~~~~~~~~~~5
لا بعيني ولا دليلي بروحي اخليجج
من الضوء مرات اغار اليصطـدم بيج
حتى من ضـلج يزينب خــايف علـيج
شكد اكل الســاني احذر من احاجيج

الغيرة حتى بصايتي
انه كـد حــجـــــايتي
يا زينب يا زينب
~~~~~~~~~~
حيدر نوري الاسدي باز کردن / نظر دهید

2019-08-20 19:03:34 اجيتـــك والعتب نار
تدري باختك شصار
نفس الحركــوا الدار حركوا خيمتي
~~~~~~~~~~~~~~1
اجيتك خويه اشكي اعله السطر خدي
احشمك يا كفيل غيرك شعـندي
من شـافونـي اجيـتـك صيحوا ردي
يخويه بشاربك ترضاها اظل وحدي

كوم افــزع يعبـاس
تشتم زينب النـاس
ابشرك شيب الراس تدري بحـالتي
~~~~~~~~~~~~~~2
اجيـــتـــك والسيـــاط بمتنــي تتلوه
ردت بس كـون اوصـل ووصــلت كوه
راح احجي واجرحك يـــا نبي الخوه
الشمر بحسين تدري شسوه ماسوه

خويه ياضـوه العين
الشمر حز نحر الحسين
وحرك فوكي الصواوين يخدري وهيبتي
~~~~~~~~~~~~~~3
حاجيني يخويــه ليـــش هل سكته
مقعوله شتبهت وصــوتــي معرفته
ما اخفـــي عليــك الكلب ســـالفـــته
الخدر انت كفيــله وهسـه شو عفته

يـــأذي صـح العــتـــاب
ويزيد مصابك امصاب
لاجـــن رتـــك الحجــاب وانه بغربتي
~~~~~~~~~~~~~~4
مخنوكـه بســـوالــف لازم احجـــيها
ما يحمـــلـها كلـبــي صعبــة اخليها
رقيــة من الجـمـر محــتــركــه رجليها
حركوهن خيمـــنه وطـــاحن اعلـــيها

بهدمـــها شبت النــار
حتـــارت وين تـــنـدار
حـــافــي والرمـل حار زيدت حسرتي
~~~~~~~~~~~~~~5
الك خويه بدليــلي ســـوالف هوايه
راح احجي بعد بس هاي الحجـايه
ســـوو يا عضيدي الـــمـا مســـوايه
عليـه تمرجــلــوا من طــاحت الــرايه

الحمل ياخويه لو مال
يريد جـــفـــوف كـــفال
تعال وشـــوف الانـذال فتو مهجتي
~~~~~~~~~~
حيدر نوري الاسدي باز کردن / نظر دهید

2019-08-20 19:03:34 تبجي الابطال اذا صال عليهم بالحرب
جنـــه زلـــزال ااذا شـــال يميـنه لضرب

شهم ومربيه شهم
ابو فاضــل والنعم
~~~~~~~~~~~~~1
جف كمر هاشم تره جف الجليل
يعني بأمر الله يسوي المستحيل
لو غضب وتمشه كـــاع الله تميل
هو لو مو كده ما خـــلـــوه كفيل

الله ويـــاه عــلـه اعـــداه اذا رايـــد يكر
ياهو يدنـاه التلـــكاه جذب يلحك يفر

ترجف بذكــرى الزلم
ابو فـــــاضـــل ونعم
~~~~~~~~~~~~~2
خــزرة عيــونـــه تـــذوب كـــل حديد
بنضره وحده تموع السيوف وتبيد
ماكو واحـــد مثـــلـــه بالدنيـــه اكيد
يخير الفـــارس يموت شــلـون يريد

مثله بالكون يعرفون فلا يـولــد ابد
شما يدورون ميلكون مثل هذا فاسد

يكـدر يطـفــي النجم
ابو فـــــاضـــل ونعم
~~~~~~~~~~~~~3
هواي اكو فرســـان لـــو طـبو نــزال
القــاده بيـــهم تفتخر وكت القـتـــال
لجن لو طــب الكمر وبســـيـفه جـال
تخاف حته النطف بأصلاب الرجال

تحسه مرتاح اذا صاح انه أبـنُ حيدره
همــه ينزاح بـــالارواح اذا طب مجزره

للشـــدايـــد ما يــهم
ابو فــاضـل والــنعم
~~~~~~~~~~~~~4
كلبه مـا يرجــف اذا ملــيــار اجوه
شلون سبعـــين الف راح يرجــفوه
شحدهم اخصومه يجون يواجهوه
بروســهم يطحن طحن لــو زعـلوه

يخبص الكون والعـــيـون علــيه لمن يشد
بسيفه يدرون يشـــردون عـلـيـهم من يهد

والبطـــل يشـــرد حلم
ابو فــــاضـــل والنعم
~~~~~~~~~~~~~5
العنده والد مثل امـيـــر المؤمنــــين
وعنده ام مثـــل الوفيـــة ام البنــين
يلاوي كل الدنيــه بجفوفـــه الثنين
ويضحـــك بوجـه المــنيـة وما يلـين

سيفه بتــــــار اذا الثار حلم يسلم نحر
زغار وكــبــار الاشــــــرار يـهابون الكمر

من اهله ماخذ هل عزم
ابو فـــاضــل والنعم
~~~~~~~~~
حيدر نوري الاسدي باز کردن / نظر دهید

2019-05-06 01:13:42 https://www.facebook.com/815202611861863/posts/2090596730989105?s=100008665833702&v=e&sfns=xmwa باز کردن / نظر دهید

2019-02-09 01:07:24 صفاتج ماهي مال ثمنطعش عام
لو ما انتي مـاصــخ صـار الاسـلام
--------------------------1
زغيره بس چبيره هواي شخصيتج
بس الله يعــرف يم الحسن صـيتج
حنيـنه واكبــر مـن الســمه حنيتج
الكوثر منبــعه وتحـليته مـن بيـتج

السمه بكدها تجي وبيتج تنام
لو ما انتي مـاصــخ صـار الاسـلام
--------------------------2
من اسولف بيج فكري رتاح احسنه
شحـلاته الحجي العنــج يم المحنه
احجي بكل يقــين ومــا اضـن ضنه
انتي الجنــــة مو تفــــاحة من جـنه

منـــج مـــا اكو حتـى بالاحــــلام
لو ما انتي مـاصــخ صـار الاسـلام
--------------------------3
من المـــاي كُل حـــيٍ يخـلـقونه
بس الشيعي مــن نورج يصيغونه
صيت المـــاي لونه الما يوصفونه
ما يــدرون من لـونـــج اخــذ لونه

بلونج الله شنهي مخـلي وشضام
لو ما انتي مـاصــخ صـار الاسـلام
--------------------------4
شبعتي اليتـــامه بخبــزت وليدج
متعوده اليتــامه تاكل مــن ايدج
الفكد امه الوحيدة انتي اليريدج
مو بحضــانــج تنيميــنه بوريدج

يا نسمت محــنــه بريت الايتام
لو ما انتي مـاصخ صـار الاسـلام
--------------------------5
الهظيمة القرروا ضلـعج يكسرونه
الكون بكد ألــج مخــلـوق يـدرونه
والاكثـــر بعـــــد لاجـــن ينــكرونه
الهوء لو ما رحمـــتج مـــا يشمونه

الحق يدرونه انــتي وهـــما ضلام
لو ما انتي مـاصــخ صـار الاسـلام
--------------------------6
مثـل الله انتي لجـن محـد يطــوعج
بأمر مٓن من اجوج وطفوا شمـوعج
شيــــكل الله كل من نـــزل دمـوعج
الف لعنه على ذاك هشم ضلوعج

بس انتي الصحيـح وكلـهم اوهام
لو ما انتي مـاصــخ صـار الاسـلام
---------------------------
حيدر نوري الاسدي باز کردن / نظر دهید

2019-01-20 13:22:45 قصيدة مقام الزهراء

مصحف أنتي بلايه تفسير
وأفكاري يم أوصافج تحير

يا فاطمة يا فاطمة
~~~~~~~~~~~~~~~
الله من خلق نورج خله أوصـــافه بوصـافج
بكل خطوه الي تمشيها وياج ولحظة ما عافج
الشمس والكمر ونجومه وكفهن على جتافج
اذا عنـــج يبــاعدهن يطفن كـلهن خــلافج

كلشي يضــوي بنورج ينير
وأفكاري يم أوصافج تحير

~~~~~~~~~~~~~~~
ربج مــا خلق مثـــلج ولا يخـــلق وتدرينه
الوحيدة أنتي مخلوقة من تفاحة مو طينه
بيده صاغج الخـالق وبعيــنج وضع عينه
من وجهه خلق وجهج وصرتي انتي التمثلينه

حيدر بوجــهج لكه الخـير
وأفكاري يم أوصافج تحير
~~~~~~~~~~~~~~~
شكبرج وشكبر قدرج الكون الاجلج تكون
سبعة بأسمج ادحاهن والسبعة بأسمج ارتفعن
لمن ضلعج اتكسر اوتاد السمه هتزن
لو ما حيدر يكضهن سجيل بغضب مطرن

ويوم القيامة يومج يصير
وأفكاري يم أوصافج تحير
~~~~~~~~~~~~~~~
صحيح ثمنطعش عمرج بس افعـالج چبيره
قلمي شما كتب عنـــج احســـه واگع بحيره
ما سامع مره بكدج الكـــون بمغـــزل اديـره
ولو رتي السـمه تنـــزل تنــزل يمـــج ازغيره

كل جبـيـر كبـــالــج ازغـير
وأفكاري يم أوصافج تحير
~~~~~~~~~~~~~~~
جبـريل بعظم شــأنه القريب اليملك القدره
بكل شي يعلم ويــدري ومــا تخـفه عليه ذره
لجن هذا العلم كله يخدم خادم الزهره
زحمه نقــارنه بفضه البحر منـقارن بقطره

يردد اســـمج لو نوه يطير
وأفكاري يم أوصافج تحير
~~~~~~~~~~~~~~~
يورده الما خلص عطرج يمحلاهن حروف اسمج
تشتم هوى الوادم بس انتي الهوى يشمج
بخرتي الارض كلها بيوم اللامست دمج
حسراتج عطر بيهن رغم حسراتج اتألمج

شـما امدحــج بيه تقصير
وأفكاري يم أوصافج تحير
~~~~~~~~~~~~~~~
حيدر نوري الاسدي


تمت 2019/1/19 باز کردن / نظر دهید

2018-11-05 22:17:26 حكه يكثر نوحه علي شيع روحه
حكه يكثر نوحه علي شيع روحه
~~~~~~~~~~~~~~~~~~~~~~1
نـفــس طـــــه حـــــيـدره الله يكول
يعني مات المرتضى بموت الرسول
بيــده شيـــع روحـــه كــدام البتول
يا كبـــر صـبـره عـلي فحل الفحول

بكلبه نار جروحه علي شيع روحه
~~~~~~~~~~~~~~~~~~~~~~2
بيده يحــفر كبــره حيــدر وبنحيب
حــالتـــــه تفت الصخر فاكد حبيب
يشــعر بحـــالــه بعــد طــه وغريب
فاكـد الدنيـــة علي وكلـــــبه كأيب

حزنه لله يبوحه علي شيع روحه
~~~~~~~~~~~~~~~~~~~~~~3
بيا صبر حيــــدر تلكه هالمـــصاب
وسـد بـأيـده عـضـيـــدة بالـتـــراب
يدفن بطــه علـــي ويحجي بعتاب
يابو فـــاطم من يسد هــذا الغيـاب

صعبة صعبة لروحه علي شيع روحه
~~~~~~~~~~~~~~~~~~~~~~4
فـــارك الكـرار اعـــز وأعضم نظـير
الجان بالشـده لعلي حزام وظهير
بيـوم رد لــداره رد مــــثــــل الاسير
حيـــدره مكسور مــــا جنــــه امير

فرحته مذبوحه علي شيع روحه
~~~~~~~~~~~~~~~~~~~~~~5
الدمع يتجـاره من عيـــنه بسكوت
بلا محمد علـــي كل لحظــة يموت
بكثر ما يبجي بعد ما عنده صوت
جروح يتنــفس علي بكلبــه تفوت

ودمعته مسفوحه علي شيع روحه
~~~~~~~~~~~~~~~~~~~
حيدر نوري الاسدي باز کردن / نظر دهید