يالرايد تشوف بعينك الجنه اترك دنيتـــــك ولمسلم تعنــه ** | الشاعر حيدر حسين الگرعاوي

يالرايد تشوف بعينك الجنه
اترك دنيتـــــك ولمسلم تعنــه
**
شيل هموم كَلبك وأمشــي لعتابه
تنســه الدنيــا كلها هناك يم بابه
كريم ومــا يردهم مسلم أحبــابه
ما ننســـاك حتــى لو تغربنـــــه
**
بنـــي أميــــة لحد الآن مقـــهورة
رغم كل الظلم بس ما طفــه نورة
مســلم ما يفشـــــل واحد يزورة
حاجـــات البشـــر يكضيها يتمنه
**
كل اليعتنيلــه ينكشــف همــــة
بالفردوس چنــــك لمــن تشمــــة
نحمــد الله ونشكره على هالنعمــة
تقهرهم قـــهر هـــذي مواكبنـــه
**
ذاك الجيــش كلــه وهو بس وحده
كَاع الكوفـة لسه تخاف من عنده
ملك الموت چنــه المحــــد يـــرده
كابوس الحـــرب صيـــد الزلم فنه
**
خيـــل بخيـــل يردم من طلع ليها
شمر أولــها من هد على تاليـــها
من اسرافيل اخذ رخصه ونفخ بيها
أخو خيتـــه اليجيله ويمــه يدَنـــه
**
لكل العنده حـــاجه وشيبت كَلبــه
تخلص بس يطب لصحنـه ويندبه
اليحب حسين مسلم كــلش يحبــه
شيعة ونبقــه يا مســلم على حبنه
**
من تنوي الزيـارة وتوصـل الحضرة
ببنيتــه حميدة لو زرت ذكــــــــرة
روحه وعنـه چانت اغلى من عمرة
مســـلم عافيتها البيــها تتهنــــه
**
نبقـــه علــى العهد ويـــاك يا مسلم
مفـــاخر تضحيـــاتك منهـــا نستلهم
قالقــــهم لطمنــــه وللأبـــد نلـــطم
حلو شكَد صــــار بأهل البيت موطنه
**
حيدر حسين الكَرعاوي

https://t.me/HaiderHaider313HH