للسيدة خوله عليها السلام الراحن بيسرهن إني من ظمنهن خوله اخت رقيه..الماتن بزغرهن +++++++++++++++++ حسين ابوي الغالي لمدلل بناته ياغلاتي ابعين ابوي ويا غلاته آنه يم سكينه من ودع خواته خوله ناده واسمي بلسانه شحلاته جانت آخر بويه اله/واخر هله/ لمدللـه/دون ابتسامه تالي شفته اعله الرمح/وجهه السمح/ بشفته جرح/بدمعه كلامه بنتي من حچاها ابدمعته البجاها خوله اخت رقيه. الماتن بزغره +++++++++++++++++ انه لبحرگ الخيم ازغر اميره الضلّت بذاك الظهر حيرتها حيره ركضه صعبه عليه خطواتي زغيره اهواي ضربوني لأن چنت الاخيره حالي حال ام الخدر/ذاك الظهر/ لاح الجمر/أطرف عباتي اني اولهن طحت/من اركضت/ شوك اسحگت/اكثر خواتي العثرت بضماها والشمر وراها خوله اخت رقيه..الماتن بزغرهن ++++++++++++++++ امتربه الحاچتني بس ارقيه چنها خوله صاحتني التراچي اتخلصي منها شوفي يختي شسوه بيه وشفت اذنها وطابع بخدها اثره چف شثخنها ريته ساطرني ومتت/ذاك الوكت/ لمن شفت/اختي والمها ضاميه وخدها الترف/ما ينعرف/ من النزف/وبس انه يمها بدمعي صبرتها يختي واشبگتها خوله اخت رقيه..الماتن بزغرهن ++++++++++++++++ الماعرف عني وسبب گبري وغربته من الم درب السبي وظيم الي شفته اشويه دمي وكله من متني نزفته امن التعب سلهم جفن عيني بدمعته اوگعت وكعت طفل/ بيده حبل/ من الهزل/والوگعه كلفه كلشي بعضامي انكسر/گلبي انفطر/ حسره وقهر/هيچي انه وسفه امدللة ابوها اگباله عذبوها خوله اخت رقيه..الماتن بزغرهن +++++++++++++++++ جاي اموت وصاحت بوجهي رقيه صبري خوله هسه مو وكت المنيه بالخرابه خلها مو تتنه سويه راس ابوي انحضنه بيديج واديه احچي مابيه بعد/نفسي صعد/ حان الوعد/يختي الحبيبه الشام الي مامنقسم/عندي المهم/ يبقى الاسم/خوله الغريبه بدمعه ودعتها روحي هذا حدها خوله اخت رقيه...الماتن بزغرهن ++++++++++++++++ #ثائر الربيع 113 viewsقيصر الإمارة, 10:43
