2022-08-25 16:47:12
#رسالة_للنساء_المتبرجات_بزيارة_الأربعين
للموكـــب اتروحين ومكحله العين
والحمره ثلث الوان چا وين الحسين
،،،،،،،،،،،، ،،،،،،،،، ،،،،،،،،،،،،،
#رسالة_إلى_البعض_وليس_الكل
#إلى_كل_فتاة
#تذهب_إلى_زياره_الأربعين_وهي_متبرجة
#أقول
ما محتاج حمره حسين دمه هواي
صار سنين ينزف ما برد نحره
تچملينه سهم لو فتي ع الزوار
صوتج لو طلع هم يعتبر عورة
بوشيتج حجابج خيمة للحوراء
اليبركع شرف ميطلع الشعره
تجين بوجه اسمر حارگة الدخان
مو وجهج طماطة وگذلتج شگرة
بدخان الخيم تتعفر الحوراء
لو تجهب ع العباس بالحظرة
ما توصل لاخوها ازوره من بعيد
عدها المستحة الحوراء فد مره
وانتي وي الزلم چتف بچتف تمشين
اطيهم مجال مكيفة عالحصرة
اظافيرج حمر لو خضر مصبوغات
لو عينج كحل لو شفتج حمره
لو ميت ابوج،؟ بروح ابوج المات؛؛
هم خدج تلوحه الفرچة لو حمره
هم جبه حصر بالفاتحه تلبسين
لو جسمج يبين كل شبر نظرة
هم ضحكج يجيب التايه البصين
لو عينج تسيل العلگمي بگبرة
لو نفرض ؟؟ابوج واربعينه يصير""
اصورين سلفي اهناك يم گبره
تره الحسين ما ماخذ صو عالماي
وانتي السلفي مالچ مشتعل عمرة
ما عدها رقم زينب رقمها اثنين
اخوها حسين والعباس والزهرة
وانتي بلاخجل نقالج وتمشين
وتوزعين رقمج گوة عالفقرة
من تمشين كون العطش يمشي وياج
وتحسين زينب رادت الگطره
كون عيونج تهل دمع تزگي ايتام
كون الشيله خيمه اصير عالفطره
كون السبحة بيدج سبحه الزهراء
كون الگاع بيچن تنگلب حضره
كون حسين بيچن ينخلق مرتين
من يشوف وحدچن تطب حرة
مو مشايه بس بالاسم للأمام
وانتن بالاصل تتمشن بسفرة
تره الزهرة تسجل واكفة عالباب
ديرن بالچن ما تقبل الزهرة
والعباس واكف بالطريق يشوف
لا بسهن چفوفة امتانيه السطرة
حسين يريد وحدچن مثل قرأن
وبعفة الحورا اجود وتقرة
عذرا وأعتذر ما اكول كلهن هيج
بيهن فاطمه وسكينه والكبرئ
راح انه انكره بس احچي واقع حال
كل هذا اليصير اهناك بالحظره
#محمد_البصراوي
https://t.me/haninihussain/28038
266 viewsStop Me Top , edited 13:47
م
