العشق الكربلائي

2022-07-24 18:51:18 صرخه تعلو في السماء **كربلاء يا كربلاء

آه منج كربله شفنه العذاب
نطلع امن امصيبه ونطب ابمصاب
بيج فارگنا يويلي كل الاحباب
جرح المفارگ يلجمه طاري الغياب
ارض هَّمٌ وعناء **كربلاء يا كربلاء

آه يلبيج انكسر ظهر الحسين
ضل ينوح اعله الثره دامي الجبين
صرخه تعله اِمن الگلب بيها ونين
يا حسين ويا حسين ويا حسين
يبقى عالي هالنداء ** كربلاء يا كربلاء

آه يلخذتي اعز واغلى الشباب
جنهم اليوث وغدو بلدم خضاب
عظم الله اجرج يرمله ابهل مصاب
نامو احيود المنايه اعله التراب
بيج مسفوحه الدماء ** كربلاء يا كربلاء

آه يلبيج الالم ماله حدود
علنهر عفتي الكفيل ابلا زنود
راسه ينزف بالدمه من العمود
والحرم ضل تنطره بلكت ايعود
جربته ما بيها ماء ** كربلاء يا كربلاء

آه يلبيج انذبح كل الحنان
وراح كلشي وصرتي ابلايه امان
كربله رحمي اليتامه ابهل زمان
بيج صار الما يصير ابكل مكان
بيج كربٌ وبلاء **كربلاء يا كربلاء

آه يلعفتي اليتامه بس تنوح
بين طف الفاجعه ودم اليفوح
آه منج كربلاء بس الجروح
والله منه هلوجع لا ما يروح
كافي ملينه البكاء ** كربلاء يا كربلاء

#حسن_المياحي باز کردن / نظر دهید

2022-07-24 18:51:18 خِدّمتَك.. والعمر كله اخدمك
خِدّمتَك.. فدّه رحت انه لاسمك
ماكو مثلك .. ما أمَلّك
خِدّمتَك
>>>>>>
بيه لهفه وگلبي رايد بس يخدمك
وادعي ربي كون يثبت گلبي يمك
ادري حيل امقصر انه، اعتذر منك
كون اكسر ضلعي لجلك واجلي همّك
جرحتك.. والعذر رايد تقبله
جرحتك.. سيدي وگليبي دله
ع الخدامه.. والسلامه
خِدّمتَك
>>>>>>
بيه كسره وروحي رادت بس تشوفك
كلشي عافت لاجلك انته وما تعوفك
كعبه انته او ياكبر حضي من اطوفك
والهج بذكرك اضل واروى ابحروفك
حنانك.. والعشگ تارس دليلي
حنانك.. يفك حزني وعويلي
افتحلي گلبك.. والله احبك
خِدّمتَك
>>>>>>
نظره منك اني رايد تشفي الجروح
انت روحي ابدونك ابقى ابلايه روح
بيه كلشي اخلافك اضلم وآنه مذبوح
ليلي بعدك تدري يخلص بس انوح
يحلمي.. تنذبح وآنه شبقالي
يحلمي.. تخنگ ابروحي الليالي
ما اعوفك.. حلمي اشوفك
خِدّمتَك
>>>>>>
بيه مدري اشصار حين اللي ذكرتك
اتذكرت جم مره ذنبي بي كسرتك
وانته كل هذا وتگلي! اي قبلتك
آنه ادري خَيّر انته او ما تركتك
احبك.. واليحب ينصر حبيبه
احبك.. والگلب انته طبيبه
فدوه لاسمك .. خلي اخدمك
خِدّمتَك
>>>>>>
روحي تدري بيها انته اشگد تحبك
يا اماني وكلشي عندي افتحلي گلبك
والله احبك آنه احبك والله احبك
ابكلشي ضايع فدوه خليني اعله دربك
يروحي.. الگلب بأسمك غرامه
يروحي.. ولا احس بندامه
انته كلشي..عيني رمشي
خِدّمتَك


#حسن_المياحي باز کردن / نظر دهید

2022-07-24 18:51:18 عليلتكم يبويه لا تخلوني
تروحون وعليكم يعمن اعيوني
................
بهالسفر بويه أنه اوياكم اروح
المن ابقى وگلبي ما يحمل جروح
بويه تدري افراگك يخليني انوح
والغرب بعدك ولا رحموني
..................
بهالمسه ضاگ الهوه وما بيه حيل
روحتي اوياكم تره تشافي الغليل
بويه اتحمل سفر واعله الهزيل
وي رقيه اعله الهزل صعدوني
...............
بهالوداع انه گمت اتنفس آه
وادري هاي الروحه مابيها لقااا
منين اجتني هالمصيبه كربلااا
وحدي اهلي بيا كتر عافوني
..............
بهالعباره انه صحت يااهلي وين
وين رايح بويه جاوبني حُسين
بعدك آنه اميتمه ياضوه العين
والدمع ذبل رموش اجفوني
..............
بهالخرابه التخنگ وما بيّه روح
اتخيل اصوركم تجي اگبالي وتروح
ما بيّه اتحمل هجر خلوني اروح
ابداعتي اعليكم يبويه اخذوني



#حسن_المياحي باز کردن / نظر دهید

2022-07-24 18:51:18 هل محرم علينه .. وللمآتم اجينه
نبجي وانوح.. عاللي مذبوح
اجينه اجينه

اجه شهر الحزن ها يالموالين
شهر زينب يشيعه وشهر الحسين
شهر بيه المواجع، بيه الونين
شهر بيه المدامع تترس العين

والفرح ما يجينه .. راح عنه ولينه
جرحه ميروح .. عاللي مذبوح
اجينه اجينه

اجه شهر الالم آه اشيحمله
شهر بي ينذبح خل اويه خله
شهر بيه الحسين ايودع اهله
ويشوف الحره امشبوحه اعله تله

والحزن ما يفيده ..الفارگ اهله وعضيده
دمعه مسفوح.. عاللي مذبوح
اجينه اجينه

اجه شهر القهر ويلي ابعذابه
اجه وجايب حزن شيب وشبابه
اجه معذب گلب ضال ابخرابه
اجه وجايب طفل دمه خضابه

والسهم ما يقصر.. بنحره ضل يكسر
الگلبه مجروح.. عاللي مذبوح
اجينه اجينه

اجه شهر الدمع جايب مصيبه
اجه ايعذب گلب فاگد حبيبه
اجه وجرحه ابد ماصح طبيبه
مصايب هالشهر كلش عجيبه

والشهر من يجينه.. يزيد الهم علينه
ويكثر النوح.. عاللي مذبوح
اجينه اجينه

اجه شهر الاخذ كل الغياره
شهر ليله صفه يشبه نهاره
وصل بيه المحب ياخذ قراره
ويضل يبجي اِولا تطفى ناره

والدمع ما يكفي.. الرايد اليوم يوفي
ينطي هالروح.. عاللي مذبوح
اجينه اجينه

ختم شهر الحزن هاي المعاناة
اخذ بنت الرساله اويه الاسيرات
اخذها امجتفه وتنضرها شمات
وإهي بهاللحظه صارت من الاموات

والسهر ما تحمله.. والترك بيها عله
الشافته ايروح.. عاللي مذبوح
اجينه اجينه


#حسن_المياحي باز کردن / نظر دهید

2022-06-27 21:45:33 هالليله ترحل يالجواد
هالليله ترحل يالجواد

حانت وفاتك يا ضوة العين
والشيعه تبجي ضلت إسنين
اعلينه بمصابك زاد الونين
وبصوت نادت هالعباد ... هالليله ترحل يالجواد

حزنت عليك وتبجي الاحباب
مثلك يوسفه يدفنه التراب
وبروحتك عنه الفرح غاب
والحزن بعدك هوَ الساد .... هالليله ترحل يالجواد

نوح وعذاب وغربه وآلآم
بفكَدك يغالي تدري ننضام
والله هضيمه بجور الايام
ماكو طبيب النه وضماد .... هالليله ترحل يالجواد

بعدك يمولاي الظلم شاع
وزادت علينه كل الاوجاع
لمن نضرنالك على الكَاع
والسَّْم يمرد الاكباد ... هالليله ترحل يالجواد

وحال اليفاركَ ! مثلك إشلون؟
مجرى دموعه يْجَرْح العيون
يبقه بهمومه وحزنه مسجون
والفاركَكَ جرحه ولا هاد ... هالليله ترحل يالجواد

تعجز توصفك كلمه وأشعار
وتاه العقل وبجودك احتار
وجمدت امامك كل الافكار
يالحيرت حي وجماد ... هالليله ترحل يالجواد

ويلي بغيابك شفنه لوعات
نمسي ونصبح صرنه بآهات
رحت وعفتنه مثل الاموات
وبروحتك كل القهر زاد .... هالليله ترحل يالجواد

عايش غريب بنص الاحباب !
جا شنهو حال ال ويا الاجناب ؟
مجتوفه تمشي ابين الاعراب
والكفل ليها ولا عاد ... هالليله ترحل يالجواد


تمت بحمد الله وتوفيقه
الخادم // حسن المياحي باز کردن / نظر دهید

2022-04-22 00:20:39 هذا يا عيد اليجيني** وآنه فارگت الابو
هذا يا عيد اليجيني** وحضني مابي دفو
الرايح للگبر.. عيشني ابجمر
هذا يا عيد..

آنه زينب وافگدت حامي الحميه
والدي الكله محنه..
هذا يا عيد اليجي وگليبي ملجوم
مصايب الدنيه اشدهنه
بويه فدوه امروتك.. لا تخلي ابنيتك
عگب اتضل وحيده
بويه شتحمل بعد.. گلبي تدريبه انمرد
مصيبه طلعت جديده
هذا يا عيد اليجيني** وآنه انوح وأون
هذا يا عيد اليجيني** او والدي مندفن
ولتالي العمر.. عيشني ابجمر
هذا يا عيد...

آ يجرحي البلگلب ما الك دوه
ولابعد يحصل طبيبك
ودعت اغله البشر واتعذبت حيل
وراح اليخفف نحيبك
آه بويه اتحيرت.. اِمن المصايب شيبت
وآنه بنتك اميره
بعدك اشيبقى إليه.. عني گالو سبيه
اويه العده هالاسيره
هذا يا عيد اليجيني** وآنه بنفاسي جمر
هذا يا عيد اليجيني** وآنه مكسوره كسر
الخلاني انتضر.. عيشني ابجمر
هذا يا عيد..

آ يگلبي الودعك ما منه رجعه
اتوسد اتراب الگبر
المن ايدگ النبض والغالي ميعود
وريتي متروسه جمر
بويه تدري بغيبتك..گلبي ينطر جيتك
وانت تدري بعذابي
من بعد كسر الضلع.. بويه يلجمني الدمع
بيك يكبر مصابي
هذا يا عيد اليجيني** وآنه اودع والدي
هذا يا عيد اليجيني** والمصايب تبتدي
العلمني الصبر.. عيشني ابجمر
هذا يا عيد..

آ يدهري هالخبر ما بيه اسمعه
حتماً يعذب الگلب
الابو لو راح اضل ابجي وانوح
آه يفراگه صعب
مصيبه والله مصيبتي.. راح عزي وهيبتي
وكلشي اضلم اشوفه
بعده بالدنيا شلي... شعندي غيره علي
صعبه هالليله اعوفه
هذا يا عيد اليجيني** وآنه ودعت الضوه
هذا يا عيد اليجيني** وگلبي بالفرگه انجوه
بخلافه انكسر.. عيشني ابجمر
هذا يا عيد..

آ يبويه هالعمر ما اريده بعدك
صعبه اعيش ابدنيتي
آنه واخواني ترا اتعذبنا الاطفوف
وابقى وحدي بغربتي
المن اشكي حالتي.. حيره بويه حيرتي
بعدك اصبح يتيمه
لا اخو اليفزع الي.. ولا يجيني كافلي
بويه وحدي هضيمه
هذا يا عيد اليجيني** وآنه مذبوحه هلي
هذا يا عيد اليجيني** ونايم ابگبره الولي
يا طاري اليسر.. عيشني ابجمر
هذا يا عيد..

#حسن_المياحي باز کردن / نظر دهید

2022-04-20 04:24:21 إجانه العيد واحنه ابلا ابونه
يتامه اْو محد إلنه ايعذبونه

اجانه العيد يَّخواني .. ورحل عنه اليحامينه
رحل واحنه على افراگه .. هلَّت دَّم بواچينه
نعيش ابلوعة اغيابه .. وكسرنه اللّي يأذينه
نصيح ابحسره وبآهات .. رايح وين والينه
صفينه ابلا حمايه اوشتمونه
يتامه اْو محد إلنه ايعذبونه

حلاة العيد من نلتم ..وننشف دموع العين
ونكابر عله اللي صار .. وننسى جور السنين
منخلي الهجر عنوان .. ونعيش اْبين وبين
فرحة لمة الاحباب .. وايام اليجن بعدين
نشكي الحال بلكي ويسمعونه
يتامه اْو محد إلنه يعذبونه

قبل بالعيد نتلاگه ..وابونه اويانه حاضر
يجبر خاطر المكسور ..ما يبقى بعد حاير
مابينا اليضل مهموم ..عايش كسرة الخاطر
وتالي ابرمشة اعيون .. لَنَكْ يا علي امسافر
هضيمه ابلا ولينه من اجونه
يتامه اْو محد إلنه ايعذبونه

صباح العيد عالفاگد ..كلش يلچم اجروحه
يذكره ابلمة الغالين .. وما يگطع ابد نوحه
علينه ويا حنان البيه.. واغله من النفس روحه
رايح واليتامه اتنوح .. منها الفرحه مذبوحه
خذوا منه الامان اوسلبونه
يتامه اْو محد إلنه ايعذبونه

بعد ياعيد النحسبه .. وكلشي بينه متيتِم
لاراحه ابعمرنه نشوف .. والطف لينه متحزِم
نتفارگ يخوتي اهناك ..اعلينه الدنيه اتضلِّم
ونشوف ابحوافر خيل .. صدر احسين متهشِم
بدرب الشام تالي يأسرونه
يتامه اْو محد إلنه يعذبونه

#حسن_المياحي باز کردن / نظر دهید

2022-04-14 20:02:29 ابويه وصعبه ياناس من اودعه
يروح وروحته ما بيها رجعه
عشت طفين.. يبو الحسنين
ءءءءءءءءءءء
أنه ابشوگي وحنيني عشت وياه العمر
غذاني ابحنانه ولحضه ما عشت ابهجر
صرت تالي ابغيابه حرمه مجتوفه ابيسر
ومن بعد عز ودلالي صار حدّاي الشمر
علينه او يا حنانه الماكو مثله
يروح ومدمعي من دم أهِلّه
الصبر لا وين.. يبو الحسنين
ءءءءءءءءءءء
أنه ابأول حياتي شفت لوعات اشكثر
الحزن خيم عليه وما بگه بس الصبر
الموت ياخذ والدي واني شلي بالعمر
ريت اني ولا علي متوسد اتراب الگبر
اعيش المن بعد شلي بحياتي
دعيت الله يعجلي ابمماتي
تعبت اسنين.. يبو الحسنين
ءءءءءءءءءءء
انه ابلوعة غيابه مدري شتحمل بعد
لجمه افراگه يويلي نحلت عظم الجسد
غير حزني والدمع بيه كلشي ما صعد
الصار بيه ابغيبته والله ميحمله احد
ابويه وغيبته زيدتلي نوحي
حنين وشوفته اتطيب جروحي
نظر هالعين.. يبو الحسنين
ءءءءءءءءءءء
أنه ابجمرة عذابي اتحملت كلشي جره
الصار بيه ابفرگته لا فلا اتحمله مره
عشت مفجوعه وانوح ونار بيه اموجره
لحضت اوداعه احسها جنها يوم الاخره
وداع الاب فلا هيّن عليه
يغيب وغيبته جنها المنيه
واضل بونين.. يبو الحسنين
ءءءءءءءءءءء
انه ابلحظة وداعه ودعت كلشي إلي
الله وياه والدي رايح لرب العلي
هو كلشي بدنيتي وهو اعز من كل هلي
رايح وتبقى ابد لا فتى الا علي
يخيمه وبعده ماضلتي خيمه
اميره امدللّه وتالي يتيمه
الهجر موزين.. يبو الحسنين


#حسن_المياحي باز کردن / نظر دهید

2022-03-27 05:26:00 ذكرى اربعينية السيدة زينب عليها السلام


هاليوم يوم اربعيني
عباس ماكو ولا احسيني
ما حضروا بالدفن.... لا اخ ولا ابن
هاليوم يوم اربعيني
_#_#___
عادة الميت تره يدفنونه اهله
وانا اهلي كلها راحت..
بس علي السجاد ضل عندي
اخوتي يا وسفه ماتت..
بين هم ونايحه.. ياهو يقره الفاتحه
بالشام ماكو كافلي
صعبه ينشال الجسد.. وآنه اتنطر بعد
يحضر الوالد علي

كل يوم احسب يجيني
والدي اليسمع ونيني
بالشام وحدي واون.. لا اخ ولا ابن
هاليوم يوم اربعيني
_#_#___
مرت ايام اشكثر صعبه وعشتها
وآنه وحدي ابلا كفيلي..
ساعه اتنطر يجي وساعه انوح
ونار مشتعله ابدليلي...
بين الآه اوحسرتي.. ضلت اتصب دمعتي
راحو اعزاز الگلب
دمعه دمعه بالسبي.. امشي ويه الأجنبي
وكلش يأذي الدرب

والشام يسلبلي كلشي
يخليني حايره وامشي
وليلي من يجن.. لا اخ ولا ابن
هاليوم يوم اربعيني
_#_#____#
لجمت الفارگ هَله اتعذب الگلوب
ويبقى يتنطر مماته..
الراحو احبابه بعد شيفيده الانياح
اتضل اوياه بس ذكرياته..
بين لجمات الزمن.. عايشه اوياي المحن
واتنطر ايجولي هلي
حالتي تبجي الصخر..ودمعتي تشرح صور
وحدي هسه ومنهو إلي

والسوط يجرحلي متني
بالشام كلها استوحدتني
ودم يجري المتن.. لا اخ ولا ابن
هاليوم يوم اربعيني
_#_#___#
عازت اخواني تره ياناس عازه
شگد ردت لمت شملهم..
ماتو ابطف كربله واني بقيت
اتلوع ابجمرة فگدهم..
اتوسدو همه الثره.. وآنه رحت اميسره
وبالغرب حانت وفاتي
عباسي وحسيني سوه.. ماتو ومات الضوه
وبانت الكسره ابحياتي

والنوح يتعاله بيه
من گالو اجت سبيه
والصوت بإذني يرن.. لا اخ ولا ابن
هاليوم يوم اربعيني
_##_#
جانت امنيتي يجي ليه الكفلني
وبيده يدفني اريده..
لاجن اتأخر كفيلي ولا حضرني
وشوفته صارت بعيده..
بين حسرات وألم.. ما اجه راعي العلم
وزادت اهمومي عليه
حسين شنهو العطّله .. آه منج كربله
ينذبح بيد آل اميه

والهجر يذبح الروح
مذبوح يبجي لمذبوح
وبيه يطحن طحن.. لا اخ ولا ابن
هاليوم يوم اربعيني


#حسن_المياحي باز کردن / نظر دهید

2022-02-26 13:05:03 لاستشهاد الامام الكاظم عليه السلام

آ يسجني ... راح اروحن للمنيه
آ يسجني ... شوفتني بس أذيه
آ يسجني ... زادت إهمومي عليه
☆☆☆☆
آنه موسى والظلم بعيوني شفته
ونِّي ما يتركني أو لاني تركته
والحجر من ونتي ذاب وفطرته
والله يعلم بالعذاب إلآني عشته
سجني أضلم ... والضوه ماجاني لحظه
سجني أضلم ... يا غيور بهذا يرضه
سجني أضلم ... وضلت ادموعي جريه
☆☆☆☆
سجني أضلم والنهار اتمنه اشوفه
وجرحي ليليه الحزن والوَّن يطوفه
جدي آني اللي عشت حربه وطفوفه
وآآآآنه مثل الكافل الطاحت جفوفه
بالكاظميه ... تكررت كل المأآآسي
بالكاظميه ... اتحيرت منهو أواسي
بالكاظميه ... آنه واسيت السبيه
☆☆☆☆
منهو مثلي بالبشر عاشَرْ ونينه
من بداية عمره ولآخر سنينه
العينه متشوف الضوه شتنفعه عينه
وآنه عيني بلا ضوه وروحي رهينه
عيني عميه ... وبالسجن خِلصَت حياتي
عيني عميه ... وانتضر ساعة وفاتي
عيني عميه ... والمواجع تسري بيه
☆☆☆☆
آنه اليسموني باب لكل حاجه آني
هسه ملجوم وقسه ويايه زماني
آنه عايش بس جسد مابي معاني
والسجن من عندي أخذ كلشي ورماني
لوني اصبح ... يشبه إخيام السبوهن
لوني اصبح ...لون اليونن لكَوهن
لوني اصبح ... يشبه الجثه الرميه
☆☆☆☆
آنه موسى البالهظم خلصت حياتي
وهسه ضليت انتضر ساعة وفاتي
السجن والضلمه خذن مني صفاتي
ل(الله) ضليت اتجه وأدعي بصلاتي
يا إلهي ... آنه عبدك واعتنيتك
يا إلهي ... غايتي عندك وأجيتك
يا إلهي ... سهل إعليه القضيه




تمت بحمد ألله وتوفيقه
الخادم//حسن المياحي باز کردن / نظر دهید