دا چەند جودا بیت شەڤەكێ دەستێن من ژ نڤیسینا نامەیان سڕێ ن | انها لي ♥️.
دا چەند جودا بیت
شەڤەكێ دەستێن من
ژ نڤیسینا نامەیان سڕێ نەگرتبان
دلێ من و شەمالكا من
ژبەر دوورییێ ب حەسرەتا وی نەسۆتبان
یان ژی بیناهییا چاڤێ من
ژ وەستییانێ نە مربا
ئەڤ پرچێ ڕەش
ژبەر خەم و پەژارەیان سپی نەببا
دا چەوا بیت خودایێ من؟
ئەگەر تە نانێ وی ژ باژێڕێ من نەبربا؟
سفرەیا وی دگەل یا من ڕێكخستبا
دا چەوا بیت خودایێ من؟
ئەگەر تە خەوا وی
تێكەلێ شەڤێن من كربا
دەنگێ ئاوازێن من
تژی سپێدەیێن وی كربان
دا چەوا بیت خودایێ من؟
شوینا دەردان تە بێهنا خوەشییێن من
ل باژێڕی بەلاڤكربان؟
دا چەوا بیت خودایێ من؟
ئەز نزانم، لێ هەمی ئەوا ئەز دزانم
ئەز دئێشم
ئەز دئێشم و هەست دكەم
بلبل یێ ژبەر خەمێن من لال دبن
گول ژی ب خەمن، ئەو بۆ دێمێ من ژار دبن
كەوێن سپێدا ژ دەڤێ خوە ئاڤێ ددەن من
تێهنا دلەكی كو ئەشقێ بایێ خوە لێدای
ب چپكەكا ئاڤێ ناشكێت
كانی بزێن و دەریا شەق بن
تێهناتییا دناخێ مندا پێ ناشكێت
ئەز تێهنییا ئەشقەك پاكم ژ دلم ئەز
ئەز وەكی كەسێ نینم ژبیرناكەم گەر بمرم ئەز
#زیتون﮼میرشام
