#ايسكريم #ايس_كريم_التوفى كلمة روووعة قليلة عليهو طعمو لا | 🍩عالم حواء للطبخ🍔

#ايسكريم


#ايس_كريم_التوفى

كلمة روووعة قليلة عليهو طعمو لا يقاوم..

في الاول نحضر التوفى ونخليهو يبرد..

التوفي..

كوب معياري سكر عادي+نص كوب موية نخت على النار لما يدوب السكر ويبدا يتحول للون البنى الفاتح نضيف ليهو علبة قشطة بحرارة الغرفة واعملو حسابكم لا بيتطاير وممكن يحرق..نحركو لحدى ما يتجانس الخليط ويبقى ناعم نضيف ليهم م ك زبدة ورشة ملح نخليهم دقايق على نار هادئة مع التقليب لما يبدا يتقل..نطفى عليهو ونخليهو يبرد تماما..

الايس كريم..

مغلفين كريمة +250مل حليب مثلج نضربهم بمضرب الكهرباء لما تبقى كريمة ثابتة نضيف ليهم رشة ملح وعلبة قشطة باردة من التلاجة ونضربهم كويس نضيف ليهم نص كمية التوفى ونضربهم كويس بالمضرب..نضيف شوية من التوفى ونقلبو بدون ما يدوب في الكريمة ونجمدهم..ممكن نعملهم طبقات يعمى نخت كريمة تانى توفى واخر شئ كريمة بس انا سوطتهم ساااي ههههه وممكن اضافة مكسرات او بسكوت مكسر..ونجمدو وبالهناء..

#عالم_حواء_للطبخ