2022-05-27 02:29:14
قصيده مع هوسه الى مولاي العباس ع
اهتز الكون يوم الصال ابن حيدر
امبجيها الجيوش وطشر العسكر
اهتز الكون والله استقبل الحومه
مثل حيدر شجاع ويشبه ارسومه
امضحي اجفوف اديه ولخته ادمومه
( الروح الزينب ا وضحاها)
ضحه الروح لخته وزوج الجفوف
هز كيعانها ورجفها الطفوف
ماكو جيش بس لمعات السيوف
( شردت من صوته الخياله)
ابو فاضل سبع لو نزل بالساحه
يكطع روسهم من يلزم سلاحه
صاح انه الكفيل وبعالي صياحه
( وصاني حيدر بالحره)
وصيه حيدره العباس وفاها
كافلها العقيله وحرم وياها
شايل رايته العباس ملفاها
( اعله متونه البيرغ رف)
عله متون النشامه شايل الرايه
تعناها الشريعه معتني عنايه
شاف الجيش صوبه وختلف رايه
( راح امحي الجيش وطاريه)
ماهاب العساكر وعتنه ليها
عله سيوف المنايه اله مشيها
افدي الروح لحسيني انه فديها
( الخيل اتعنت ردت بس الخيل)
تمت بقلم خادمة اهل البيت
الشاعره
*هيلين الساعدي*
https://telegram.me/Healea
185 viewsخادمة اهل البيت هيلين الساعدي, 23:29