مافيش اجمل من الرزق اللي يجيك علي هيئة صاحب العمر ، الصاحب الل | هـبـة شُـكـر💙

مافيش اجمل من الرزق اللي يجيك علي هيئة صاحب العمر ، الصاحب اللي يكون موجود في كل المناسبات و الذكريات و حتى المشاكل و الفترات السيئة ، الصاحب اللي معاك علي مدار السنين كلها و يعرف عليك كل شي و تكون قدامه مش مضطر تبرر او تشرح و يكون فاهمك من شبحاتك و عارفك شن بدير و متأكد من رد فعلك للمواقف و يكون ديما واثق من قدراتك و ديما داعمك الاول في كل خطوة ، اللي ياخدك من كل طريق غلط و يخاف عليك من اي حاجة تمسك ، الصاحب اللي يمروا عليه كل صحابك و يمشوا و هو ديما قاعد معاك ، الصاحب اللي اسمك مربوط بإسمه و الناس لما تعرفك لازم تعرفه و تربطه بيك ، الصاحب اللي تفكر فيه اول حد في اي شي بديره ، الصاحب اللي مايعوضه شي في الدنيا و اللي مايعبي حسه حد في حياتك ، الصاحب اللي تقدر تقوله كل اسرارك و تشاركه كل حياتك و مشاكلك و حتى عقدك النفسية و تكون واثق من انه عمره ما يتأثر بشي ، الصاحب اللي ساندك في الدنيا و ديما معاك و ماتلقاش نفسك في غيابه .