كتبت هذه القصيده على طور يامحله الوداع بهالمسيه بدموع الحزن ن | الشاعر حيدر مطر العبادي

كتبت هذه القصيده على طور يامحله الوداع بهالمسيه
بدموع الحزن ننعى الزجيه ..
وبهاي المسيه ..
نواسي المرتضى وهادي البريه ..
......................
هاذي فاطمه بنت النبي المختار . مرضاته برضاهه ..
بوجود النبي مالحظة مرهه الخوف . ولا مر بسماهه ..
من نوره قبس وأختار ألهه النور . لحيدر زوجاهه ..
ربت بجفوفهه شمس الحسن وحسين . وزينبهم ضواهه ..
حتى الحاربوهه .. يعرفوهه أم أبوهه
الما خافو غضب ربنه ونبيه ..
بدموع الحزن ننعى الزجيه ..
.......................
أختلف حيل الوضع من رحل عن الدار . نبي الله ورسوله ..
أصحاب السقيفه تضحكلهه أسنون . نسو طاهه بسهوله ..
احتفلو مابجو عدهم ضمير ومات . ولا ذرة رجوله ..
هجمو هجمه سوده وآية التطهير . محتاره التكوله ..
بحقدهم حركو النار .. وداسو عتبة الدار
دار المصطفى وحيدر وصيه ..
بدموع الحزن ننعى الزجيه ..
......................
عصرهه الأول الملعون خلف الباب . وبرجله رفسهه ..
بوصية طاهه ظل مجتوف حامي الجار . حاميهه وحرسهه ..
سطرهه على الوجه وبخدهه ظل نيشان . الماواحد لمسهه ..
غراب البين ظل يحوم فوك الدار . لمن طفه شمسهه ..
النذل بيده دفعهه .. لمن كسّر ضلعهه
الله يا صبر حامي الحميه ..
بدموع الحزن ننعى الزجيه ..
.............................
أشد من الضلع خاطرهه هم مكسور . بدمهه خضبوهه ..
لأن بضعة نبينه وشمعة الكرار . بغدرهم عذبوهه ..
(وإن ) كالو وصبو زيت فوك النار . والنوب أضربوهه ..
حمره العين ظلت والوجه مسطور . زغيره وشيبوهه ..
على الحايط دماهه .. والمحسن وراهه
كبل شم الهوه شم المنيه ..
بدموع الحزن ننعى الزجيه ..
.............................
لآخر يوم ظلت فاطمه الزهراء . تدعي على الظلمهه ..
على العاش الوصيه وخالف المضمون . والبضعه شتمهه ..
عصابه تآمرت جوه السقيفه بليل . الغدر نعرف شيمهه ..
وثيقة حيدر وحق الخلافه أنباك . وحرامينه ختمهه ..
أياديهم أثيمه .. رسموهه الجريمه
بحقد أسود وِلد هند وسْميه ..
بدموع الحزن ننعى الزجيه ..
..............................
مظلومه وبقت وسط الكلب شوغات . وماتت من حزنهه ..
راحت آية التطهير والقرآن . غسل بيده بدنهه ..
غسّلها بدموعه أشلون روحه تروح . بليل أظلم دفنهه ..
وظلت عالوجه مطبوعه أيد فلان . وظل أزرك جفنهه ..
دفن وياهه الأحلام .. ورّد يخط بالأجدام
يقره الفاتحه بوّنه خفيه ..
بدموع الحزن ننعى الزجيه ..
................................
حيدر مطر العبادي