تراث القصائد الحسينية

2022-08-31 21:35:28 نعي +ابوذيات
https://t.me/affeff باز کردن / نظر دهید

2022-08-30 22:00:39 #تراث

رجوع ضعن الحسين يوم الاربعين

زينب يخوتي صاحت اجينه من اليسر جينه
ما تدرونه ابيا حال رحنه وبيش ردينه
ــــــــــــــــــــــــــــــــــــــ
ما تدورنه ابيا حال رحنه وبـيش اجيناكم
مـا والله علينه يهون على التربان عفناكم
بكت بكلوبنا حسره مشينه ولا دفناكم

ومـن الشام اجينـه اليوم
مضلومات للمضلوم
حله بعيون اخوتي النوم

واحنـه وكفت الـديوان بالشام او جرت بينـه
ــــــــــــــــــــــــــــــــــــــ
وصلت الشام مسبيه عسـاني لا وصلت الشام
الزلم ويه النسه طلعـت تتفـرج علـى الايتـام
جمـع ضـلام والنسوان تتراجف مـن الضـلام

ولا واحد من اخوتنـه
يحظر ويشوف حالتنه
بالديوان وگفتنه

يهل الشرف والغيره تاذيكم وتاذينه
ــــــــــــــــــــــــــــــــــــــ
ردتكـم يخوتي بالشام تحظرون وتشوفونه
بالديوان يالوليان والشمات هضمونه
وكل واحد من المجلـس علينـه شـابحه عيونه

وينادون يخت حسين
وين اولاد عمي وين
يزينب ليش ما تحچين

ننشد عـن اخـوچ حسـين وحمـاي الظعـن وينـه
ــــــــــــــــــــــــــــــــــــــ
ذيج السا صحت يحسـين العمر لا طالت ايامـه
يخويـه الشـام هد حيلي ودعاني الليل ما نامه
علـى يزيد الـرجس طبيـت وراسـك چـان جـدامـه

ويضرب راسك اكبالي
وهــيج نار دلالـي
صـحت لا تظرب الـوالي

عسـه شلت يمينك ليش تـظرب راس والينـه
ــــــــــــــــــــــــــــــــــــــ
يزيد ومـن سمـع حجيـي نهض سب والدي وسبني
بذاك المجلس الميشوم كام يريد يظربني
عمـت عيني الـدهر لشام عكب حسـين دولـبني

وعگب الخدر ذاك الفات
لني بمجلس الشـمات
يعود النه الدهر هيهات

وتعود اخوتي وبالخير تتعمر نوادينه
ــــــــــــــــــــــــــــــــــــــ
هم تعود الي يحسين حي وتعـود ايامك
انت السيد الجانت تحب الوادم اجدامك
امس واحد من أهـل الشام يتضرج على يتامك

وچانت يالولي نيته
بتك تخدم ابيته
حرمه وكمت رديته

وبجيت وصحت ، بالديوان خويه حسـين ذلينه
ــــــــــــــــــــــــــــــــــــــ
هذا الشام يبن امي مصايب بي شـفـت كثره
شوغه اشد من شوغه وجمـرة أشـد مـن جمـرة
مصايب كصـن ضلوعي وحك ضلع امك وكسـره

وهسا يالولي جيتك
بعيالك وأهـل بيتك
يبن أمي تمنيتك

عـدل وتشوف حالتنه ونحاچيك وتحـاچينـه
ــــــــــــــــــــــــــــــــــــــ
جيناك وتمنيناك حـي وتشوفنه بعينـاك
اوتشـوف اشلون يتهاون على كـبرك نساوينك
متكلـي يخويه شحال بـين أعيالـك وبينـك

ماني اختك المضلومه
وعيالـك المهضـومه
نمـت عـنهم فرد نومـه

شكول أنسـيـت يبن امي عـزيـزة كلبـك سـكينه
ــــــــــــــــــــــــــــــــــــــ
لا والله اعتذر ما كول اخـوي حسين ينسـانه
اخـوي الشـرف والغيره وحفـظ الـخـدر مـن شـانـه
لا چـن صـار ذاك الصـار وبهالحـال خلانـه

اخـوي ومـا لـوه جيـده
وللذل مـا يمد ايده
يخسه العدو وتهديده

اخـوي بمهجتـه ضـحه وبعيالـه لجـل دينـه


الحاج المرحوم مُعين السباك

#اللهم_عجل_لوليك_الفرج

(140) باز کردن / نظر دهید

2022-08-30 21:29:34 #تراث

صـدت للـغري المـيمــر نـحلها
تگلــــه فـزعتك هـذه مـحلها
ــــــــــــــــــــــــــــــــــــــ
یبویه اتگول زينب لو مشت خـاف
يــــــبـويـه طـولهـا بـالليل ينشاف
يبويه اميسّره هـذا امـن الإنصاف
اومجالس كـل بـني أميه تصلها
ــــــــــــــــــــــــــــــــــــــ
يبويه يـا هـظـم طـبت الكـوفه
يبويه اشـلـون كـل مـجلس نطوفه
يزيد ايشـوفنه اشلون اونشـوفه
يبويه اشـلـون هـالهظمه انحملها
ــــــــــــــــــــــــــــــــــــــ
تغيث النـادبك مـيمر يسامي
لكــل البـلبحر والبـر تـحامي
الحرم شلها اوشلي اوشـلهم أيـتامي
مهي بـحماك يا مندوب شـلها
ــــــــــــــــــــــــــــــــــــــ
چا مـرد النخاك انـته اوحضرته
وهـو بـاقصه الديـر بـويه اونصرته
ابسيفك مـن عـدو كـافر اظهرته
اوبــناتك بـاليسر مـا تظهر إلهـا
ــــــــــــــــــــــــــــــــــــــ
اصـوت يـا عـلي والصـوت وافـاك
أذبـن مـعصبي كـل سـاع وأنخاك
أذبـهـا نـادبك لو گـال بـحماك
تگله النـادبك مأمـون خـلها
ــــــــــــــــــــــــــــــــــــــ
الدفـن سـلمان تحضر بـالمـدايـن
او تخلي هـالجثث بالطف رهـاین
تــعدت مـحنتي كـل المـحاين
گــــــــلها اولا بـعـد يـصـدر مـثلها
ــــــــــــــــــــــــــــــــــــــ
يبويه ايهون إلك للشـام مـاشين
اوضل احسين ما تگعد يبو احسـين
يبويه العـايله أيتام اونساوين
يبويه اوي الغرب مـن يـرحـم إلهـا
ــــــــــــــــــــــــــــــــــــــ
يـلويه العـابد السـجـاد بـالقيد
يبويه امـجتف اوللشـام الـبـعيد
يبويه مـن تشـوفه عمته اتهيد
يبويه مـن تـكـع مـن يـرجب إلهـا
ــــــــــــــــــــــــــــــــــــــ
تندب ياهـلـي الحـلوين مـرين
تندب يا هلي وهـلي بعيدين
تندب يـا هـلي وهـلـي بـعـد ويـن
تندب یـا هـلي اويـا بـعـد أهـلها
ــــــــــــــــــــــــــــــــــــــ
صـاحـن يـا هـلي النسـوان كـلهن
صاحن يا هـلي اويـا بـعـد أهـلهن
الحـادي طـوح اوگوطرت بـلهن
عـلـه حـنهن تحن اوبـچـت بـلها
ــــــــــــــــــــــــــــــــــــــ
كـل الآه والويـلي عـليهن
غــــربه والغـرب غـربـت بـيهن
مـدري عـين زينب تصد ليهن
مـدري يـم عـلـي مـدري الجـملها
ــــــــــــــــــــــــــــــــــــــ
ابكـل أقطارها ومـصار والبـيد
طـافـو بـيهن الطـيبات شيفيد
نـوح الطـيـر عـدهـا أطـوار تغريد
حــــــــمام الدوح مـا نـاوح مـثلها
ــــــــــــــــــــــــــــــــــــــ
كـل مـا تـجبل اعـلـه ابـلاد مـعلوم
يودون الهـله لازم أومـلزوم
تطب لیکم سبايه الخـارجـي اليـوم
تلگوها ابـطرب عـدكم محلها
ــــــــــــــــــــــــــــــــــــــ
نـزلـو گـاع عـيـب ابـجـدم تـنداس
شبه الجـير يغلي اشلون ينگاس
الفخر صبر العليل امـچشف الراس
ابونينه الصخره الصمّه يفلها
ــــــــــــــــــــــــــــــــــــــ
منها تستظل ابـظلة النـوگ
مـنـهـا مـن يـتيم ابـحبل مشـبوگ
يــــــراوح بـالجدم ويلوج ويفوگ
اومـنـهـا مـن صـريم الشجر ظـلها
ــــــــــــــــــــــــــــــــــــــ
العـصـر مـن ركـبـو جـملة العيله
اجـه للـــراس راعــيـه يشـيله
يـصد لن حـملته صـارت ثجيله
نـده والتـمت الحـراس كـلها
ــــــــــــــــــــــــــــــــــــــ
اجـو ليـه أربـعين الزوم بـيهم
اوخـطـو بـالجنايه كـل إديـهم
ثبت والأمـر هـذا أشكـل اعـليهم
گـــــــــالو للعليل اشـعندك إلهـا
ــــــــــــــــــــــــــــــــــــــ
صـد الراس أبـوه اوعـرف مـعناه
عله تالي الضعينه ايشـوف مـنواه
گـال اتـفگدو اعـياله اويتاماه
فـگـدو لن يتيمه اهـناك ولهـا

عبد الامير الفتلاوي

#اللهم_عجل_لوليك_الفرج

(139) باز کردن / نظر دهید

2022-08-22 16:40:09 #تراث

کسره او هاشم ابها اليوم فگدت بدر علياها
او ظلت من عگب عيناه تجري ادموع عيناها
ــــــــــــــــــــــــــــــــــــــ
يا من تنشد اعلى الجود وینه اوین عنوانه
روح اختبر من البيت ومن الحجر واركانه
ياهو الشرفه ابجدمه اومثله انشكر سعوانه

غير السيد السجاد
فضله اعلى الخلايگ زاد
خصه ابشرف بالميلاد

بي کسره ارتفع شانه او هاشم بيه يتباها
ــــــــــــــــــــــــــــــــــــــ
هذا المادحه الباري ايعرفه البيت واستاره
هذا البي اعگول الناس شرگ او غرب محتاره
هذا الما ينوش الضيم ويذل الدهر «چاره»

هذا الجود والمعروف
افضل من يحج ويطوف
هذا البلكرم ماصوف

بسما تجبل الوفاد بالمعروف حياها
ــــــــــــــــــــــــــــــــــــــ
ابد ما ولدت العيله او لا تولد بعد حرَّه
مثلك يا فخر هاشم او یا رافع مجد کسره
درَّه ابطالع الاسلام وبغرت الدهر درَّه

مثلك ما سده او لا صار
جدك حيدر الكرار
وامك بضعة المختار

ما طلعت شمس علناس واشرگ گمر لولاها
ــــــــــــــــــــــــــــــــــــــ
جدك شرفه الباري وزاد اعلى الخلگ شانه
وابوك اشچم ملك لجله رد اعلیه جنحانه
بي صارت على ابراهيم برد او سلم نيرانه

او آدم بي غفر ذنبه
او عن یوسف چشف کربه
او یعگوب انبجح گلبه

او بي سارت سفينة نوح ومن الغرگ نجاها
ــــــــــــــــــــــــــــــــــــــ
لو ما بلوجود انته يوم العاشر ابعاشور
لمن طاح ابوك احسین وبسيف الشمر منحور
چان انگلب عاليها وامر الله نفخ بالصور

لاچن الكفر جازوك
بحبال الیسر چتفوك
لبن ازیاد من ودوك
عماتك تون وتنوح وانته اتنوح وياها
ــــــــــــــــــــــــــــــــــــــ
اشحالك من وصلت الشام وانته امیسر اومچتوف
اوعماتك على الهزَّل تتراجف واخذها الخوف
اوشفت الوادم امعيده اوفرحانه اوتدگ بدفوف

صارت عالضعن داره
وانتم بینها ایساره
اودمع العين يتجاره

خواتك عالهزل تبچی اوتتفرج على ابچاها
ــــــــــــــــــــــــــــــــــــــ
والاعظم مصيبه اعليك من طبيت للديوان
شفت ایزید عالكرسي اويمه اعلى التخت مروان
طشت الذهب گدامه لاچن مطرب اوفرحان

يضرب راس ابوك احسين
وانته اعليه تصد بالعين
منه ایگول اخذت الدين

وستافیت کل دیني من حیدر ومن طاها
ــــــــــــــــــــــــــــــــــــــ
اومن رديت بضعونك لعد طيبه اوصلت الدار
گامت تگصد الشیعه تنشدك عالسده والصار
تصيح الشام آ یا لشام اصعب كل هظم وامرار

ظعنه من وصل ليها
طلعت کل اهاليها
شفت كل الهظم بيها

اشحال البليسر تمشي اوتمشي ابولية اعداها
ــــــــــــــــــــــــــــــــــــــ
تمیت اعلى هذا الحال لاچن ابسگم حالك
لمن جرعوك السم والسم مرد دلالك
على افراگك يبو الباقر الله ایساعد اطفالك

ظلت عگبك ایتامه
او عزَّك فگدت ايامه
اوخصمك حصل امرامه

واظلمت على اعيالك عگب عيناك دنياها
ــــــــــــــــــــــــــــــــــــــ
«الباقر» غسلك بيده او حزنك تلتهب ناره
اوشاف الگید بعيونه بعده ابرجلك آثاره
جروَّنه او صفگ بیده اوصاح ابدمع يتجاره

یا ذنب من عندك بده
اوساگك اعداك اتگیده
اوچبدك السم ايمرده

اوهاي امصيبتك هيهات بعد امصاب جاداها


السيد المرحوم عبدالحسين الشرع

#اللهم_عجل_لوليك_الفرج

(138) باز کردن / نظر دهید

2022-08-10 13:43:57 #تراث

ياطريح بيا كتر جسمك طريح
انجانك يحسين بعدك مو ذبيح
اسمع اعيالك واطفالك تصيح
وبيك تنخه والعدى ايضربوهه
ــــــــــــــــــــــــــــــــــــــ
كوم شوف اشلون حالته غدت
اتسلبت واتشردت واسحكت
والخيام الي عليهه اتحركت
وهايمه ابطف كربله خلوهه
ــــــــــــــــــــــــــــــــــــــ
طفله تنخه بيك يضربهه الشمر
ابصوطه والصوط ابمتنهه ينكسر
حرمه تبجي عليك من بيت الخدر
بسياط اعدائك ايستوهه
ــــــــــــــــــــــــــــــــــــــ
الفزع من المعركة عل الخيم غار
والخيم يحسين شبت بيهه نار
لن الايتام الزغار أعله الاكبار
وكعت ابهنار من شبوهه
ــــــــــــــــــــــــــــــــــــــ
خوية لو عندك بعد يحسين حيل
كوم خلص الحرم من هجمت الخيل
ولون حيلك جي دمك يسيل
انعذرك وخلي الحرم يولوهه
ــــــــــــــــــــــــــــــــــــــ
لجن يامظلوم ياريتك تشوف
حالت اختك زينب ابوادي الطفوف
زينب الجانت تضللهه السيوف
بس رحت عنهه العدى سلبوهه
ــــــــــــــــــــــــــــــــــــــ
اتحوم ضلت حايرة من كل كتر
اتلم حرم واطفالهه متيه الذخر
شرد اكول اشكثر اطفال اشكثر
هامت وبخيولهم سحكوهه
ــــــــــــــــــــــــــــــــــــــ
جم طفل من هل الاطفال الهايمه
راحت ادوره يبن حامي الحمه
ولنه ميت عل الارض من الضمه
وجم يتيمه امن العطش جتلوهه
ــــــــــــــــــــــــــــــــــــــ
كوم ارحم زينب المظلومه كوم
مو محلهه اتعوفهه امحيره اليوم
اتحشمك وعليك ياويلي تحوم
اتريد يمك توصل ايمنعوهه
ــــــــــــــــــــــــــــــــــــــ
ياحسين اشلون ياوالي الحرم
صوبوا گلبك العدوان ابسهم
هسهم بيه والله ياراعي الشيم
امك الزهرة أظن صابوهه
ــــــــــــــــــــــــــــــــــــــ
ياحسين اشلون نايم عل الثره
ونار گلبك من ضماك اموجره
وجثتك ابضرب المواضي اموذره
ومهجتك من عطش كل كطعوهه
ــــــــــــــــــــــــــــــــــــــ
انت فوگ الثره امكطعه جثتك
وتشتجي امن العطش جمرة مهجتك
والعدى يحسين تسمع نخوتك
وتسكت ولاجنهم يسمعوهه


الشاعر المرحوم ياسين الكوفي

#اللهم_عجل_لوليك_الفرج

(137) باز کردن / نظر دهید

2022-08-09 17:15:49 #تراث

سـاقَ الـمطايا بـنا لـلشامِ حادينا
ولا مـحـامٍ لـنـا إلاّ أعـاديـنا
لـم يـبقَ مـن إخوتي حامٍ فيحمينا
أضـحى الـتنائي بديلاً من تدانينا
وجـارَ حـكمُ الـليالي بعدهم فينا

فـسوف نقضي الليالي بعدهم أرقا
ونـملا الـقلبَ مـن تذكارهم حرقا
كـنّا جـميعاً فـأضحى جمعنا فرقا
سـرعانَ ما عادَ ذاك الشملُ مفترقا
ونـابَ عـن طـيبِ لقيانا تجافينا

هـل ينجلي ليلُ همّي عن صباحهمُ
وهـل لـهم غـدوةٌ عقبى رواحهمُ
وكيفَ والأرضُ فاضت من جراحهمُ
مَـنْ مـبلغُ الـملبسينا بـانتزاحهمُ
وجـداً يـبزُّ كـرانا مـن مـآقينا

كـم مـن يـدٍ بعدهم مُدَّتْ لتسلبنا
سترَ الوجوهِ وضربَ السوطِ جلببنا
وأظـمأونا فـعادَ الـدمعُ مـشربنا
وقـد خـلعنا رداءَ الـصبرِ أعقبنا
ثـوباً مـن الـحزنِ لا يبلى ويبلينا

يا مَنْ تفانوا إلى جنبِ الفراتِ ظما
وروَّوا الـبيضَ في يومِ الكفاحِ دما
مـضوا عطاشى ولكن روَّوا الخذما
لـيسق عـهدكم صـوبَ الغمامِ فما
سـقاكمُ الـنهرُ عذبَ الماءِ ظامينا

كـنّا وكـنتم وكـانَ العيشُ قد نعما
بـكم وثـغرُ الـليالي كانَ مبتسما
كـنّا لـكم يـا أحـباءَ النفوسِ كما
كـنـتم لأنـفسنا أنـفاسهنّ ومـا
كـنـتم لأرواحـنـا إلاّ ريـاحينا

فـالهمُّ طـولُ الـليالي لا يُبارحنا
والـذكرُ إن لا يُـماسينا يُـصابحنا
نـالَ الـشماتةَ فـينا اليومَ كاشحنا
بـنْتُمْ وبـنَّا فـما ابـتلَّت جوانحنا
كـلا ولا أورقـت يـوماً أمـانينا

كـنّا ولا حـادثاتُ الـدهرِ تطرقنا
ولا لـيـاليهِ بــالأرزاءِ تـرمقنا
والـيومَ عادت سهامُ الخطبِ ترشقنا
بـالأمسِ كـنّا ولا يُـخشى تفرّقنا
والـيوم نـحنُ ولا يُـرجى تلاقينا

كـم أنجمٍ منكمُ فوقَ الثرى ركدت
وكـم بـدورٍ بـأبراجِ الرماحِ بدت
وقـد أفـلتم وفـيكم كربلا سعدت
حـالـت لـفرقتكم أيـامنا فـغدت
سـوداً وكـانت بـكم بيضاً ليالينا

رضا الهندي

#اللهم_عجل_لوليك_الفرج

(136) باز کردن / نظر دهید

2022-08-08 23:55:11 تنويه ✿

العلامة الاميني (قدس سره)
كان من عادته أن في ليلتي التاسع والعاشر من شهر محرم الحرام يخرج صدقة باسم صاحب الزمان (عجل الله فرجه) وكان يقول أن في هذه الليالي يكون قلب الحجة معتصرا بالألم والحزن ... إرسل هذه الرسالة إن استطعت لتكثر الصدقات في سلامة قلب صاحب الزمان روحي فداه باز کردن / نظر دهید

2022-08-08 18:05:47 زينب تعتب وتنده يمن بالبخت جبتوني باز کردن / نظر دهید

2022-08-08 15:52:42 قصائد تراثية لليلة ويوم العاشر

يالليل طول ساعات
يحسين الخيم يحسين كوم ولحك عليها
زينب ياعلي زينب الخيل من اوصلت حدها
زينب شافت الميمون مجبل والگلب فرفر
گلي يالميمون وين والينا
يامحله الوداع بهل مسيه
هله هله حسين وينه بالسيوف مگطيعنه
انده وارد اوجه انداي لعد المرتضى حيدر
زينب تنشد امن احسين من طبت الصيوانه
زينب ياغريبه الله شمصيبه
ادور عليك يبن امي ولا واحد يدليني
لو بيدي يحسين جنت اضل يمك
هاي ام الحزن زينب
زينب صارت بيا حال من خان الدهر بيها
شلون ليلة يودع حسين العقيله باز کردن / نظر دهید

2022-08-08 15:07:24 #تراث

زيـنب لفت للـحادي او گالتله يحادينه
مر ابحـومة الميدان حتى انودع اهالينه
ــــــــــــــــــــــــــــــــــــــ
الله اعـليـك يـا حـادي مـر بـيـنـه اعـلى وليـانه
ووچب بـالهزل ساعه وبمسراهـن اتـوانـه
نـريد انـودع اهـالينه او نخـبرهم ابممشانه

يحـادي (الحـرم) مهظومه
اونريد انـروح للـحومه
نشـوف اهـلي تظل نومه

يو تنهض تلوح الخيل ويانه اوتبارينه
ــــــــــــــــــــــــــــــــــــــ
هـاي النـوگ مهزوله اوحدج ما تِلتَگه اعـليها
يحـادي اشـلـون نـركبها ونأمن تمشـيـها
نريد انـروح للـوليان نخـبرها اونحاجيها

مــرنه اعـلى المسنايه
وأّگف يم صاحب الرايه
نشـوف الضيغم اشرايه

يرضه ابولية العدوان ابوفاضل يخلينه ؟
ــــــــــــــــــــــــــــــــــــــ
ما نگدر نروح اوياك یا حادي اعلى هالحاله
نطب اعلى (ابن مرجانه) ابذل اليسـر وحباله
نریدانشوف اخوی احسين عـدمن ودع اعياله

ياهو اللي يباريها
لوسـار الظــعن بـيها
الكوفه اشلون اطب ليهـا؟

واشوف الوادم ابـعيني واحنـه الـظـيـم عـالينه
ــــــــــــــــــــــــــــــــــــــ
اسـولفلك يهـا الحـادي لمن چنت بالكوفه
ابويه اعلى الخلگ سلطان بيامه المعروفه
مـن يـجـبـل عـليها (العيد) تحب الوادم اچفوفه

یگلوله نســانه اتريد
تعيد (زينب ابها العيد)
تحب مـنها الجدم والأيـد

مـنـك نـطلب الرخـصة ( تـعايدها) او تـرد ليـنه
ــــــــــــــــــــــــــــــــــــــ
(ابوي) الفحـل ما يـرضه يـرخـصهن يعيدني
خـايف للـزلم يـرحن او يحچـن مـن يشـوفني
مـن ذاك الخـدر لنهـن يسمـعـن عـالهزل وني

يحـادي المـوت أشـوالي
اولا تتشمت ابحـالي
شگـلها التـوگف اگبالي

اوتنشدني اعـلى وليـاني اوعن ذاك الخـدر وينه ؟
ــــــــــــــــــــــــــــــــــــــ
الحـادي مـن سمـع زينب مر بالضعن عالحومه
زيـنـب شـافت الوليـان كـلـهـم عـالأرض نومه
تــــتهاوه الحــرم گـامت والعـبـرات مسـجومه

او زيـنـب تجـذب الونه
تگـلهن گومن امشـنه
لعـد النهر نتعنه

نريد (الجـابنه) لهـنا هـوه اللي يـودينه
ــــــــــــــــــــــــــــــــــــــ
اخـذت زيـنـب العـيله اوراحت للمسنایه
وگــفت يم (ابـو فاضل) اوشـالت بـيدها الرايـه
صاحت گـوم يـا عـباس لخـــــتك راحت اسـبايه

لحد يسبع الگطره
نايم يخـويـه اعـلى الثره
إخـتـك خـذوها اميسره
ــــــــــــــــــــــــــــــــــــــ
يـا عـبـاس مـانـي اخـتك واجـيـت انـخـاك يـالوالي
اگعد نشـف ادمـوعي اوعـاين لعـد ذل حـالي
يـخـويـه نـاگـتي (عجفه) او شمـر اوزجـر يـبرالي

إنهـض يحـداي الظعـن
سـدر خـواتك للوطن
عكبــك يـعباس انـولن
ــــــــــــــــــــــــــــــــــــــ
يخـويه النـوگ مهزوله اوشمـر اوزجـر يـبـراهـا
عـريّه ابـلا حـدج كلها اوتــــــتعثر ابممشاها
مـن تـوگع يتيمه الكـم ياهـو البعـد يـتناها

وزنودي مجتوفه ابحبل
يا طفله اباري او يا طفل
متحيره اودمـعـي يـهـل
ــــــــــــــــــــــــــــــــــــــ
ماچان ایخطر عـالبال يـا عـبـاس تـنساني
او تظل اعـلى النهـر نـايم فـدوه اتـروح (ذرعـاني)
يبو فاضل (الذرعانك) واروح ابـيسـر عـدواني

(اوعيني) لعد (عينك) فـده
بـالحومه يمچيد العـده
عـگــبك ولونـه اهـل الرده

ظلينه عكب عينـك ندور اعـلى اليحامينه

عبد الحسين الشرع

#اللهم_عجل_لوليك_الفرج

(135) باز کردن / نظر دهید