2022-08-16 14:06:21
لسان حال مولاتي العقيلة صلوات الله عليها
بمحطة كربلة وسافرت عني هناك
وانة بغير صوب امسافرة ابلياك
اول مرة احس بغربة السفرة
واول مرة اسافر وانة مو وياك
وسافرت بسفر كثرة المواقف بيه
وبداية هالسفر بالحبل يتلگاك
من شفت الارماح
الوسعة احسهة اتضيج
طلعت روحي احسهة امن الرمح علاك
كل ما يعلة راسك يهد بية الحيل
كل ما صلي و اوصل للقنوت الگاك
بين ضلوعي احسك موش عالتربان
ومن تخلص صلاتي اتسبح بذكراك
صورة بعيني شلتك خاف تعمه العين
انة ابالي رسمتك حتى ما ينساك
تدري بشوفتك ترجع علية الروح
ما ترجعلي خوية وبلكت انة ارتاح
انة محتاجة احضنك
حتة اموت اعليك
تدري بشوفتك كل التعب ينزاح
مشوني بدرب ما ادري يخلص وين
صعبة امشي بدرب بي غربة والذباح
انة لو بيدي ارفعك
نجمه فوگ الغيم
اعلة اقل النجم عالي بسهم ما ينلاح
1.8K views11:06
ل
