من يومين بالظبط كنت بصلي، ووقت سجودي جه على بالي دعوة عمري ما | حَياه.
من يومين بالظبط كنت بصلي، ووقت سجودي جه على بالي دعوة عمري ما دعيت بيها ولا جت على بالي خالص، بس بقالها مدة بتلح على دماغي كتير، فضلت مستغربة .. وحكيت لصاحبتي لأني فضلت محتارة هل أدعي أو لأ! لحد ما لقيت امبارح فيديو بيقول ان لو ربنا أوحالك تدعي دعوة معينة فجأة وتيجي على بالك كتير ف الدعوة دي هي قدرك ونصيبك وإن ربنا هيستجيب ليك بإذنه.
أنا كل مرة بنبهر بإشارات ربنا ليا وقت إحتياجي الشديد ليها، وبحاول كل مرة متجاهلهاش ولا أتجاهل إحساسي، الحمد لله إن ربنا بيختار كل مرة يوجهني، الحمد لله.
