حسام الغراوي.

2022-08-01 15:18:17 لو صح الخبر تموت من القهر
يم جرف النهر مذبوح الگمر
ابگلب اخته لهب نار وعنه اتاني الاخبار
.......................................................
بيوم العاشر وديرة ارض غربه
ركبها مطهمه وبچفه اخذ جربه
رغم جانت جيوش وترسته صعبه
وصل جرف النهر راح وگعد گربه
.....
نزل كل قارعه گصد للمشرعه
وحشود اطالعه ورماح مشرعه
وزينب تنشد شصار وعنه اتاني الاخبار
.......................................................
شال الماي بيده بچفه شاف خيام
وشاف أطفال سهرها العطش متنام
وشاف ام الخدر وتصبر بأيتام
سطر وجه النهر من شاف اخوه ضام
.....
كسر ظهر النهر وگال انه الگمر
گلبي صح جمر دخل اعطش دهر
ليل وچانت اخطار وعنه اتاني الاخبار
.......................................................
رجع من النهر والرايه بچفوفه
بگلب كل العساكر والله حط خوفه
جيش ومو فرد واحدهم يشوفه
يذبحه الگابله و الشارد يعوفه
.....
التگرب يسطره وجنه حيدره
يصول بمفخره ألوف وحايره
يشبه علي الكرار وعنه اتاني الاخبار
.......................................................
سهم لاحه بغدر طاح بوسط عينه
دم ويه الدمع غطاها خدينه
يموت من الخجل لو شافته سكينه
شجاوب من تگلي عمي روينه
.....
تشوفه من الخيم يرفرف بالعلم
ماتدري بسهم وعينه تجري دم
بگلب اخته الحزن صار عنه اتاني الاخبار
.......................................................
دم عينه ونزف غطاهن عيونه
صابو جربته وهمهم يأذونه
جفوفه تگطعت لازمها بسنونه
وعليه تگربو گامو يحيطونه
.....
الجيوش تعنته وهمهم جربته
غيور وغيرته تصعب حالته
وجهة للخيم دار عنه اتاني الاخبار
.......................................................
هاياخويه صاح ادرگني يحسين
افديلك وجودي لنصرة الدين
لا رايه بقت لاعندي جفين
وراسي بالعمد طروه نصين
.....
ادرگني بعجل گرب مني الأجل
عباس البطل متگطع وصل
ومخسوف الگمر صار عنه اتاني الاخبار
.......................................................
محمد صادق الدراجي باز کردن / نظر دهید

2022-07-30 13:22:08 محرم ١٤٤٤هـــ #شور

بگلبي امشي_ انته متريد العيون
النيه تحچي _ واللسن ماتحچي كون
الخدمه نعمه ل الأناس الغارقون

جربت يم غيرك امشي وما لگيت اليسوى گلبي
جاي مولاي بندامه واعلنت وي نفسي حربي
هواي شفت دروب لكن ماشفت بس انته دربي

يطشرني التعب وانته
احتظنت اگليبي بالسكته
وسرك مااا طلع لسه
وبيري بدمعتي ادفنته

شفتك تعشك الغربه وعشگتك
ولوما اظلوعك بحيلي شبگتك


#######

السكته حلوة _ لومچاني كله صوت
الرحله خطوة _ بيهه اقرر من سكوت
النسمه اذا ما بيهه حبك ما تفوت


بعدت كل ناسي يلا متاني هسه تلمني اديك
ولو الف ايد التجرني هم اردارجع عليك
انه ضيعتني الليالي وگلبي اعمه اشلون اجيك


واشوفك يابعد شوفي
وتجي وتلزمهن چفوفي
وافرع مستحه البيه
وطلع روحي من خوفي


عفت اهمومي والبيه وبچيتك
ومن بين الخلگ كلها هويتك

#####

الخلوة تبني _ الهدمته روحي قبلك
وهاك شدني _ متاني يامولاي حلك
انته سالفتك طويله وما املك


مال اروح لغير بابك انته ما تقبل عليه
بابك بگد رحمة الله اشلون ما يوسع اليه
ابعدني عنك لو شفتني لغيرك مفتحات اديه

اليجيني منك اااااشكرته
وحچي ناس العوج عفته
البشر بگليبه من يحچي
وهذاااا. البـيـه سولفته

اليحب لا مستحيل يقنعونه
يضل سالفته مفضوحه بعيونه

#####

الدنيا تدري - ماهي للناس التحبك
الدمعه يجري - ادري ما ترهم يتعبك
يعيش كل عمره غريب الي يغربك

شلي بالقمه التجيني لو ادورها عله رمحك
ما اريد اتسمه خادم لو بچلماتي اجرحك
امنيتي اخسر كلشي بيه حته يامولاي اربحك

خل اخسر شكو بروحي
المهم بس انته مذبوحي
بالعنده الشخص يكشخ
وكشختي صارت بنوحي

ما اريد ابقى جاهل ما اعرفك
ولا بعيون غيري ابقه اوصفك

#####

ابچي واكتم - لو ضجيج الدنيا بيه
بدمعي ارسم - دربي وعيونك عليه
حسين وحده اللي فهمني وكض اديه


بوكت چنت بسوگ ناسي ورحي الدور عليك
رفضت الدنيا شروتي وماعرفت شلون اجيك
هناك لن فززني صوتك وگتلي گوم انه اشتريك


وبعتلك روحي يالشاري
ومشيت بكلشي ما داري
اليحبك عينه بعيونك
وعيني بعينك اجباري

جذبتك صحيت روحي الغشيمه
وبدلت راحتي بطعم الهظيمه
*

ابو فضه الحميداوي

قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4 باز کردن / نظر دهید

2022-07-22 21:01:10 نضرت زينب تكسر كلبي .. شلون بهاي ابين فراك اختي محيرني .. وبين الماي من حسين الباب الخيمه .. رايح جاي _____ من صار الموادع صدك رجليه ماشالني خايف تكلي ام الخدر عباس لا تتركني محتار مابين العطش وزغار ألتحشمني ومتحير بزينب بعد يفراكها شيوجعني تتناثر… باز کردن / نظر دهید

2022-07-22 20:58:37 نضرت زينب تكسر كلبي .. شلون بهاي
ابين فراك اختي محيرني .. وبين الماي
من حسين الباب الخيمه .. رايح جاي

_____

من صار الموادع صدك رجليه ماشالني
خايف تكلي ام الخدر عباس لا تتركني
محتار مابين العطش وزغار ألتحشمني
ومتحير بزينب بعد يفراكها شيوجعني

تتناثر دمعاتي بخدي .. ويضيك الكون
مو هين للوداع الخوه . يراد عيون
وحسيت الدنيا شمثكلها ..صارت فوكاي





__
من باوعتلي من الخيم فززت دمعي ونوحي
علا اطيح من المهر بلكوه لازم روحي
ما مهتم السيف العده من زينب انه جروحي
يا ريحة فراك الاخت من عدها صاير نوحي

من طرف الخيمه تباوع . ودموعي تسيل
وتمنيت بذيج الحضه .. تسحكني الخيل
ولا شوف العلويه بعيني .. تتاأذه هواي

____

توادعنه وندار الضهر وعباس كامت تندب
شاب وطلعت من الخيم من الوداع مشيب
زينب مره وما تتحمل ليش الحسين محدب
ياكــلـبـي ماتـرهـم تره يـتـعـذب الـمـتـعـذب

وبرداناتي امسح دمعاتي ..كدام الناس
نضرت زينب چنها تكلي .. ضل يلعباس
كلهن ذني التمن بيه .. وما املك راي


__


للشط مشيت بلا فكر يم زينب يضل بالي
الله يساعد بت علي كل ساعه تفكد غالي
من الفرات اغله واعز ذيج الدموع تلالي
مختنك حتى من الهوى مصيوب كلش حالي


انطي اجفوفي بذاك الموقف.. وانطيها العين
ولاتعطش زينب كدامي .. ويشوف حسين
خلص عمري كبال الخيمه بهداي هداي


____

من طحت يم المشرعه ضليت اون وتعذر
ادري الحسين بطيحتي يباوعلج ويتحير
هيه التضل ابلا اخو برض الطفوف شتكدر
بحر الصحاري بلسبي يضربونها وتتعثر

باجر بلهيمه يركضونج .. ويعم الخوف
يا جف يصعدج علناكه . متضل جفوف
انه مكطع يختي وطايح . ومحد وياي


علي مخيلف باز کردن / نظر دهید

2022-07-22 20:37:45 ما دام زينب تمشي انه امشي
منا لحد ما ينطبگ رمشي
ما اعوف درب حسين والخدمه
وكل يوم اصلي الشكر علنعمه
ما اريد كلشي وهمه شو كلشي
ما دام زينب تمشي انه امشي

لرعد الفريجي باز کردن / نظر دهید

2022-07-21 16:52:15 شيبت كلبي برحيلك وين ادور حتى اجيلك
عايف ابديرت غرب
طفله مكسورت كلب
بويه مسلم بويه مسلم
؛:؛:؛:::؛::؛:؛؛::؛؛؛
طفله مكسورت كلب من ودعتها
روحي جن ورده بغيابك ذبلتها
ليش بويه عذبتها الدللتها
بنيتك بويه حميده موتتها

حيرت الفكدت ابوها حايره روحي لكوها
بين بوجهي التعب
طفله مكسورت كلب
بويه مسلم بويه مسلم
؛؛؛؛؛؛؛؛؛؛؛؛؛؛؛؛؛؛؛؛؛؛
سفرتك هايه بعد مابيها جيه
جني اعلم تاخذك مني المنيه
الطم الطم عالوجه بثنين اديه
افراك التحبه صعب اكبر اذيه

افراكك معذبني حيل بالهوه من امشي اميل
انت وين بيا درب
طفله مكسورت كلب
بويه مسلم بويه مسلم
؛:؛:؛:؛::؛:؛:::؛::؛
وجهك الفاركته مالحضه نسيته
غمضت عيني بحلم دامي لكيته
راح ابوي الغالي مني وعاف بيته
الك بيت من الحزن بيه بنيته

حيرت الفاكد جبيره عايف ابنيتك زغيره
تدري بفراگك صعب
طفله مكسورت كلب
بويه مسلم بويه مسلم
؛:؛:؛:؛:؛:؛؛:؛؛:؛؛؛:؛؛:::
اسمع ابطاري القصر منه شمرتك
تطفه كل اسنيني من تطفه شمعتك
روحي انذره نذر بويه برجعتك
عايف ابغربه تون وحدها بنتك

روحي مشتاكه لعيونك هم تغير بويه لونك
نار الموادع تشب
طفله مكسورت كلب
بويه مسلم بويه مسلم
؛:؛:؛:؛:؛؛::؛:؛؛:؛؛؛:؛؛
طارش المنك اجه عذب دليلي
ماطبگ جفني يبويه ونمته ليلي
حيلك مطرش تعال واخذه حيلي
لوني متغير تره رايح خليلي

من على قصر الامارة تقره لحسين الزيارة
جسمك بدمه انخضب
طفله مكسورت كلب
بويه مسلم بويه مسلم

هاشم الدراجي
اهدي هذه القصيده الى روح والدتي باز کردن / نظر دهید