- ما اكدر كلمة نستخدمها هواية ودائماً نخليها عذر لأغلبية أخط | ستوريات ترند 🕊️
- ما اكدر
كلمة نستخدمها هواية ودائماً نخليها عذر لأغلبية أخطائنا بـمختلف جوانب الحياة ( ما اكدر ابطل العادة الفلانية - ما اكدر احفظ - ما اكدر اكمل - ما اكدر اتجاوز هاي المرحلة - والاخطر بينهن ما اكدر اتغير ) من تجي على شغلة معينة وتكول ما اكدر هاي مو حقيقة ، الحقيقة قبل لاتنطق هاي الكلمة فكر بيها انتة صدك ماتكدر ؟ شوف الاشياء الي متهيأتلك حتى تسويها وشوف الاشياء الي تمنعك من انو تسويها اذا مقومات النجاح طغت انت تكدر تسويها حالك حال غيرك ، المفكرين والعلماء والاذكياء وحتى الانبياء كلهم بشر ماكو واحد انولد بقدرات عقلية خاصة الفرق بينك وبينهم هوه تفكيرك فقط لان هذوله الاشخاص ماعدهم كلمة اسمها " ما اكدر " الشي الي رادو جربو وثبتو نفسهم انو همة يكدرون ، هسه عرفتو تعريف الما اكدر واضح هوه طريق الفلتة الي الكل يستخدمة ، خلي اوضحلكم شي مهم جداً ( الناس تشوف شخصيتك مثل ما انت تشوفها ) اذا شفت نفسك فاشل وماعندك ثقة بنفسك راح الناس تشوفك فاشل واذا شفت نفسك ناجح وثقتك بنفسك عالية الناس راح تشوفك ناجح وشخصيتك قوية ، يعني كل هذه الشي يعتمد عليك انتة انت تكدر تتحكم بنفسك وتكدر تكون شخصيتك مثل ماتريد ، عقلك مايعرف المستحيل عقلك هوه سلاحك الاقوى ، حفز نفسك دائماً كن الاحترام لنفسك انطي وعود لنفسك تحدى نفسك اثبت لنفسك انت قوي لاتكول " ما اكدر " ، الخوف والتردد الي بداخلك تكدر تتخطى وتكسرة لاتخلي يسيطر عليك ولاتتعذر لنفسك بكلمة " ما اكدر " ، مرة سمعت مقولة تكول ( لاتقلل من اهمية الايمان والحب والسعادة لان كل هذه الاشياء تحقق التوازن الداخلي ) حتى تحقق الشي الي ابالك يرادلك ثلاث شغلات ( ايمانك بنفسك وبقدراتك ، تجربة اولية للعمل الي انت تريدة ، الاستمرار علية ) نستنتج من هذه الكلام تفكيرك واصرارك هم طريق نجاحك او تغييرك ، وهنا بلنهاية راح تشوف نفسك انت انسان ناجح .
