#مُقتطفات. '16' في مسلسل 'ليه لا ' في مرة عليا كانت مضايقة | Black🖤
#مُقتطفات. "16"
في مسلسل "ليه لا " في مرة عليا كانت مضايقة شديد بسبب مشاكل حاصلة ليها في البيت دا غير ضغط الشكل حسين سالها: "مش محتاجه حاجة..!؟)
في اللحظة دا جا في بالي كم مرة في ناس كانت متضايقة ومحتاجة بس شخص واحد على الاقل يسأل عنهم ..! مجرد سؤال بدون ما يضغط عليهم يحكوا أو يقدم ليهم أي نصايح أويخت أي أفكار نوع إنهم لو كانوا عايزين يحكوا حكوا من تلقاء نفسهم.
فقالت ليه: "محتاجة أفضفض حاسة إن أنا حنفجر"
في ناس كتيرة ما بتعرف تمشي لزول من غير ما يحسسهم إنو مهتم يسمعهم. في ناس حتى لو حسستهم إنك حابب تسمعهم برضو لسة بكونوا عايزين شوية تحنيس ومعافرة.
بحب جملة "إنتَ/تِ كويس/ة " اللي بتجي بعد السلام ورغم إنو الشخص بكون رد اول مرة بإنو كويس. بلفت نظري الشخص الحنون اللي لما يسلم على أصحابو بتفقد أحوالهم ويعرف من ملامحهم إذا هما كويسين بجد أو لا.
مرة حكيت لصحبتي عن موضوع مؤرقني فضلت أيام تسألني عنو أنا لما نسيت إني كنت بفكر فيه.
وقتها حسين قال ليها: " تعالي نلف في الشارع واحكيلي مالك))
إتذكرت صحباتي لما أقول ليهم زهجانة فبردوا لي - دقيقة أتصل ليك .. -وين إنتِ؟ -أرح نتلاقى. -إستني جاينك في البيت ونشوف مالك.
الكلام دا بدون أي أحداث تانية كافي جدًا يخلي الزول يبقى كويس. يخليه يحس إنو ما براهو .. وإنو المشكلة اللي هو فيه ليها حل. وإنو الحواليهو حاسين بيهو وما حيسبوه.
"في وسط ما عليا بتحكي ليهو عن مشاكلا والقرف الي عندها .. وداها مكان بسيط تاكل بطاطس من عربية في الشارع وقعد يكلمها عن الذكريات ويفتكرو مشاهد من أفلامهم المفضلة وأغانيهم الي بيحبوها وإشتركوا في أغنية لأنغام "أكتبلك تعهد" وفضلوا يرقصوا وهما بغنوها بصوت عالي في الشارع لحد مهي نِست أصلًا كانت زعلانة على شنو))
منار الصفتي لخصت الحكاية دي بإسلوب لطيف فقالت: "في أوقات بيبقا الانسان مُحتاج شخص خفيف .. شخص واحد يروحله يقوله أنا مُضايق ومُحتاج أفضفض .. شخص يفضل ما يمشيش .. يسهل الحياة الصعبة ويهون الظروف السيئة علشان نقدر نكمل .. شخص شبهنا يعمل حركات مجنونة علشان تطلعنا من المود والقرف والكأبة الي إحنا بنكون فيها في فترات حياتنا بسبب مشاكل الشغل وضغط الأهل .. يقعد معانا في أماكن بسيطة وفي قعات بسيطة ويحاول يخفف عننا. الحياه جمالها مش بالمكان الحياه بالأشخاص.
#على_الهامش: "كان كافيًا أن تلمس يدي يدك، ليذهب عن قلبي كُل هذا التعب، لأشعر بأن الحياة تفيض من كفيّك.))
