(( .. لقد عبرت محيطات لأجل أشخاص، لم يعبروا الشارع لأجلي .. )) | Black🖤
(( .. لقد عبرت محيطات لأجل أشخاص، لم يعبروا الشارع لأجلي .. )) !!
مفيش حد فينا معندوش مشاكل ... ساعات المشاكل بتبقي شخصية زي (ماضي الانسان ، ظروفه نفسية او صحية .. إلخ .) او مشاكل في حاجات محيطة بالشخص زي ( أسرته ، طبيعة شغله .. إلخ .) ... و اللي بيوصلنا إن مفيش حد كامل او مثالي ..
فيه بقي بعض الشخصيات بتتعامل مع طبيعتها الغير مثالية ديه انها مبرر لعدم استحقاقيتهم للحب !! .. قال ايه ؟! حيكونوا عبء علي الناس اللي بيحبوهم !!
و مش بيدركوا ان هو ده اصلا الحب ! ان الانسان يشوف الغير كامل كامل بعيون المحبة و الرحمة .. او زي ما بيقول عمنا نجيب محفوظ :
( الذي يُحب ، يُحب رغم العيوب..بل يُحب العيوب أيضاً )) .
للأسف ساعات الكلام عن ان العلاقات تبقي سلسة او مفهاش خناقات بيتفهم علي ان العلاقات لازم تبقي وردية بلا عيوب !! .. بالرغم من ان السهولة المقصودة مش في غياب العيوب ، إنما في التعامل الناضج مع العيوب .
ف سر سهولة العلاقات اساسه درجة التفاهم و التواصل بين اطرافها .. في ثباتهم و ترابطهم .. في انهم مستعدين يواجهوا اي أزمة عشان يبقوا مع بعض ! .. فمش واحد بيحارب لوحده ، إنما اتنين علي قلب و فكر واحد بيحاربوا سوا .
.في النهاية كان فيه مشهد في فيلم The Kissing Booth 3 البطلة بتقول لحبيبها جملة عظيمة جدا :
" I don’t like fighting ... But I’ll fight for you. "
يعني = " انا مش بحب ادخل في حوارات و مشاكل .. بس عشانك انا أقلب الدنيا."
...
ففي وجهة نظري ، اللي مش مستعد يحارب عشان خاطر الانسان اللي بيحبه ، أكرم له و أشرف له يسيبه لحد تاني مستعد يقلب الدنيا عشانه ! ولا يحسسه لحظة انه عبء او حمل تقيل عليه ، وشكرا .
