الزواج مو حياة ورديه مثل ميشوفوكم بالافلام والمسلسلات البعيده | همس الكلمات

الزواج مو حياة ورديه مثل ميشوفوكم بالافلام والمسلسلات البعيده كل البعد عن الواقع الزواج تكامل تفاهم اليوم عدنه اكل باجر ماعدنه اليوم فرحانين ومرتاحين باجر عدنه ضرف اليوم اكو شغل باجر ماكو

الزواج هوه مشاركة شخص على الحلوه والمره وهو انشاء جيل مهدوي وتربية جيل من القادة لصاحب الزمان

الزواج مشاركة
واحد يشيل عن الثاني
واحد يخفف عن الثاني

الزواج يبدي بالدنيه وينتهي بالجنة
هوه السعي للوصول للجنه سويه

الزواج هوه كد الاب على عياله
شغله علمود يجيبلهم لكمة حلال
حته يكبرهم ويوصلهم لمستقبل حلو

الزواج هوه سهر الام على طفلها الرضيع
هوه تعبها بالبيت و وكفتها بالمطبخ
تربيتها لاولادها و صبرها عليهم
الزواج مو سهل و هامش مثل متصورلكم الافلام الرومنسيه الزواج مشروع الهي الله كرم بي الانسان ورفعه مشروع مليء بالتنازلات و التضحيات و الصبر مثل ما مليء بالسعادة والحب والمشاركة والسعي مع الرفيق للكمال المطلق

الاستاذة_امـنـه_إبـراهـيـم