اصبحتو كيف يا أغلى ناس ... اصبحتو كيف يا نغمة .. يابسمة ور | حروف من غير ترتيب

اصبحتو كيف
يا أغلى ناس ... اصبحتو كيف
يا نغمة .. يابسمة ورزاز
يانسمة باردة
وجو لطيف
يا لحظة قبال الشمس
تكشف نقاب الليل
تقيف
قبل انحسار توب الظلام
عن عورة الزمن المخيف
تحية فى لحظة صدق
جات طالعة
من قلبا نضيف
لحظة فرح بان ... منسرق
سافر ..
مع ملك الرزق
قول يالطيف
صحيت مع البياح عشان
امسح دموع حظى الكفيف
قبال شعاع نور الصباح
يمرق
قبل يملانى زيف
والليل يجر توبو ويروح
يقطع علي أحلامي
خيط أملى الرهيف
تكشف شموس الحسرة
عن عالم مخيف
تفتح نفافيج الوجع
يدخل شعاع
واقع سخيف
وجيتكم .. لقيتكم
انتو لى .. ضلى الوريف
انتو الصباحكم باقى لى
قهوة عشم ..كيفنى كيف
آملا يظلل بالجمال
شتاى ربيعى
خريف وصيف
مابدخلو رقراق من نفاق
بحر فرح ماعندو .. قيف
اجمل تحيات الصباح
يا أغلى ناس
اصبحتو
كيف