طيب اول شي لازم تعرف جانب النقص عندك او تعرفين جانب النقص عندك | قناة قدرات الحُلم 🕯
طيب اول شي لازم تعرف جانب النقص عندك او تعرفين جانب النقص عندك، ليش؟ عشان تركز عليه أكثر يعني مثلا اذا كنت تعرف ان مستواك بالكمي ضعيف(مثلي قبل)هنا تبدأ تركز عليه أكثر، طبعاً ما تسحب أو تترك مذاكرة اللفظي، ابداً، لكن تبذل جهدك اكثر في الجانب اللي انت ناقص فيه طيب
نقطه مهمه *اذا ما كنت عارف وش جانب النقص عندك لازم تركز على اللفظي و الكمي بنفس المقدار* .
طيب عرفت جانب النقص عندي وش اسوي ؟؟ كيف تذاكر عندك ٣ خيارات إما تذاكر من كتب او من يوتيوب أو تدخل دورات . طبعا باليوتيوب الاساتذة اللي ينزلون المقاطع تكون مشاهدتها مجاناً،بالنسبة لي انا ذاكرت من اليوتيوب ما جبت كتب وكذا، عندنا اثنين معروفين يشرحون قدرات كمي، 'عاد اطلعوا جدد ما اعرف' لكن المشهورين عندنا اثنين يشرحون قدرات، عندنا الاول اللي هو فهد التميمي ''سعودي'' والثاني اللي هو عماد الجزيرة 'مصري' هذولا الاثنين معروفين بمجال الكمي والرياضيات حق القدرات .
طيب كيف بديت انا اذاكر؟ رحت اليوتيوب كتبت اساسيات القدرات عماد الجزيري او تكتب عماد الجزيري قدرات راح تطلع لك قائمة التشغيل كذا صورة حمراء مكتوب فيها اساسيات القدرات باللون الاصفر، ادخلها، تقريبا هي حول خمسة وعشرين مقطع، في بعض المقاطع ثلاث دقايق في بعض المقاطع خمسة وعشرين دقيقة على حسب المضمون او الموجود اللي قاعد يشرحه، كان اختباري محوسب ف كتبت باليوتيوب كيف اذاكر محوسب طلع لي مقطع لواحد اسمه عمر ^^ف اللي حاب يطلع على المقطع يستفيد راح أستأذن من المشرفين وأرسل الرابط حقه ان شاء الله^^ الزبدة عماد الجزيري تدخلين على مقطعه تبدى تكتب معاه وش قاعد يقول وتكتب القوانين وكذا و ممكن تكتب سؤال و حله، هو راح يشرح القانون وراح يطبق عليه، ازين شي انه يطبق عليه من التجميعات، يعني المقاطع هذي اساسيات القدرات نازلة من عام ٢٠١٧ فهو يطبق على تجميعات ١٤٣٥ و٣٦ و٣٧ اتوقع، فيبدأ يطبق عليها على حسب القانون اللي شرحه، طبعاً انت تكتب معاه كل شي حرفيا أي شي يقوله تكتبه معاه وتحاول انك تحل السؤال قبل ما يبدا يحله، هذا افضل لك انت، وهكذا إلى أن تخلص المقاطع، اذا بتدخل الحين محوسب تذاكر نموذج ٨٥ .
طيب وش هو نموذج ٨٥ ؟؟ على ما اعتقد انه عبارة عن جميع أسئلة السنوات السابقه، الكمي تتكرر بنفس الفكرة ولكن اختلاف الأرقام، اللفظي يتكرر حرفياً نفس القطع الموجوده، نفس الكلمات نفس العبارات، والى اخره، يعني اللفظي نسخ لصق، الكمي تقريبا نفس الافكار، طيب الحين خلصت من الكمي، شوفوا اللفظي انا ما اقدر اعطيكم تجربتي فيه لان مستواي حلو فيه ف ما ذاكرته ذيك المذاكرة .
طبعاً لازم تحدد لك وقت لااازم طبعا حدد لك للمذاكرة، نموذج ٨٥ اكيد كثير لأنه عبارة عن اسئلة السنوات السابقة، ف حدد لك ايام، طبعاً على اي اساس تحدد ؟ اما على عدد اسئلة معينة او عدد صفحات معينه، تحدد وقت معين ما ينفع ابداً، يعني بس كل يوم تذاكر نص ساعة بدون ما تحدد عدد أسئلة أو عدد صفحات ما ينفع. اما تحدد عدد اسئلة معينة او عدد صفحات معينة ما تذاكر على حسب الوقت .
يعني مثلا لو انا ابي كل يوم ٢٠ صفحة اخذ ٨٠٠ اقسمها على ٢٠ يعني وشوف الناتج اللي يطلع لك هذا هو الايام تبدأ تمشي عليها، وتصير صارم على نفسك انك تمشي عليها بالضبط ما تروح لا يمين ولا يسار، لازم تسوي لك جدول؛ لان الجدول مرة راح يخليك تنتظم وما تضيع وقت، اذا انت مفكر انك تخلي الاختبار بعدين يعني انفكت الازمة هذي ان شاء الله وصار فيه قدرات ورقي تقريبا اذا عندك وقت ممكن تقعد في الكمي شهر أو ممكن أقل و ممكن أكثر، على حسب استيعابك ومقدرتك ومعرفتك، انا اختلف عنك وانت تختلف عن فلان وكلنا نختلف عن بعض، فممكن تقعدين شهر شهرين لين تفهم الكمي يعني خلاص تحس انك صرت دافور فيه، بعدين تنتقل لفظي انا ما اعرف كيف طريقة مذاكرته. لكن ممكن تفتح نموذج ٨٥ وتطبق عليه أو تحفظه، انا اشوف ناس يقولون حفظناه، انصدمت مرة ٨٠٠ صفحة كيف تقدرون تحفظونها ؟؟ انا اللي اعرفهم يمدحونه في مذاكرة الفظي ايهاب وتكميلات ايهاب شي زي كذا، هذا طبعا بالنسبة للمذاكره من اليوتيوب .
اذا تبي كتب فيه كتاب المعاصر معروف للكمي واشوفهم يقولون الرابح باللفظي عاد ما اعرف الرابح لكن كتاب المعاصر معروف، واتوقع اذا شريت الكتاب تقدر تدخل له دورات مجانية يسويها للي شارين الكتب حقته .
هذا هو المقطع اللي ذكرته كيف اذاكر اختبار قدرات محوسب
مقاطع تأسيس عماد الجزيري من اليوتيوب https://youtube.com/playlist?list=PLHqDSX_NhqPqni2Jmq4VRR78IcmDGzb3l
هي يوم اختبرت كان قبل كورونا وكان فيه نموذج ٨٥ الحين طلع نموذج اجدد منه اللي هو ١٠٥ فما تذاكرون ٨٥ ذاكروا ١٠٥ بداله مع باقي التجميعات + الدرجة اللي جابتها ٨٥ في القدرات المحوسب
