قرب مني، انت بس قرب مني لحتى تعرف اذا بتحبني أو لا، قرب مني لح | ♧كَلۛمۘاּت مۘبعּثرُة♤
قرب مني، انت بس قرب مني لحتى تعرف اذا بتحبني أو لا، قرب مني لحتى تشوفني بحبك أو لا، قُربك هو اللي راح يخلينا نعرف نهايتنا.
لا تشوف لي من بعيد وتحكي لي بحبك!، وبنفس الوقت لا تشوف لي من بعيد وتنتظر مِني أحكي لك بحبك، البُعد اللي بيني وبينك هو (حاجز) راح يمنع صوت الحُبّ اللي داخلنا مِن إنّه يوصل للطرف الثاني.
ليش انت بتشوف البُعد اللي بتسعى له أنت هو الحلّ!، بعدك عنّي ما راح يخليني اشتاق لك نهائيًا ولو طلبت منّي احكي لك السبب فأنا جاهز: انت قادر تبعد عني، يعني قادر ما تتكلم معي، يعني قادر ما تعرف تفاصيل يومي، وقادر ما تطمن عن صحتي وعن دوامي، وقادر ما تعرف ليش حزين وليش مبسوط، بينفع تقول لي وين الحبّ اللي داخلك، اذا كُنت قادر ما تعمل هذه الأشياء؟
انت بتبعد عني عشان تشتي تشوفني ضعيف بدونك؟، انت كيف بيهون لك أساسًا تشوف اللي بتحبّه وهو ضعيف وتكون انت السبب!، طول عمري بقول الحُبّ قوّة وبعمره ما كان ضُعف، حتّى احنا ما بنوقع بالحبّ، الحُب بنعيشه؛ لأنه الحُب مش حُفرة، الحُب حياة.
يا الله، يا الله كم راح تستحقر نفسك، وتستحقر اللي بيحاول يشوفك من بعيد مكسور الخاطر، انت بتعرف كيف راح يكون شكلك لو اشتي ارسمه بمخيّلتي!، هكذا راح يكون تمامًا:
ماسك بيدك سيف، كل ما أمد يدي لأمسكك وأكون معك، بتمسكني بالسيف حقك، وبتقطع يدي، وبتبدأ تعتذرلي؛ لأنه مش بقصدك، وبرجع بمد يدي، وبترجع تقطعها، بالآخر بترمي السيف مِن يدك، بس بوقتها، ما بيكون عندي يد لأقدر أمسكك، ف انت خسرت يد كانت متمسكة فيك رغم ضررك.
ابعد عني كما تقدر، تفرّج عليا من بعيد، بس لو بيوم قررت تقرّب منّي، راح يكون قربك مني ضرر لك؛ لأنه راح تلاقي غيرك ماسك يدي، وأنا ما أشتيك تشوف هكذا منظر أبدًا، بتعرف ليش؟؛ لأنّه بحبك وما بتمنالك غير الخير.
