قناة الشاعر حمید خنفري

2020-07-22 20:37:30 *قصیدة(یالزارع أمل)*


*یالزارع أمـل بیه*
*هم تحصل بعد جیه*
*حسره ابنظرتي*
*وآني ابغربتي*

فاطمه الطفله العلیله المابطل ونهه
ضاع من عندها املها وانگطع ظنهه
ارحلـو منهـا الاحبــه وبعـدو عنهه
غابت انجــوم المدینه بالسما منهه

*تصــرخ والدمـع هالي*
*من راح ومشى الغالي*
*ظاعت حسبتي*
*حسره ابنظرتي*

لیش عافونــي وحیده وآنه مابیه
خیّمَـت سود اللیالـي یا تُرا اعلیه
والظهر مني احسه اضلوعه محنیه
ولابگــت مـن امنیاتــي لیه امنیه

*بالهامـــه نزل شیبي*
*من گد ما عله انحیبي*
*بیضه هامتي*
*حسره ابنظرتي*

مارحــم بیه زمانــي وگلبـي اتفطر
لاگمر هاشــم اجانـي ولاعلي الاکبر
عایشه ابهمي بگیت و وحدي اتحسر
گام یتخاطــف اشوفا اَبْعیوني الشر

*ماخذ مني عافیتي*
*ظلما صارت امسیتي*
*کثرت لوعتي*
*حسره ابنظرتي*

طال موعــدکم یبویـه رفقاً الحالي
ابسفرکــم چــن احس انگطعت آمالي
خاف من کثر البواچي توصل آجالي
وآنــي ابغربه بگیـت ومـا الـي والـي

*اتسلـه ابدمــع عیني*
*وارسم صوره لحسیني*
*آني ابدمعتـي*
*حسره ابنظرتي*

عادت اهل الي یسافر بالألم تشعر
چم قدح ماي الرجعته من ورا تشمر
وآني اعیوني اشمرتهه والدمع یمطر
بالصبر مذبوحه روحي وعالدرب تنطر

*من گد ما کثر نوحي*
*اقره الفاتحه الروحي*
*سوده صفحتي*
*حسره ابنظرتي*

*حمید خنفري*

#قصاید_العلیله_ع
@hooosssin باز کردن / نظر دهید

2020-07-19 22:35:45 قصیدة(طفله وعلیله)


طفله وعلیله وما افتر النوح
ابقـا غریبه ولدمع مسفوح
لیلـي ونهاري انطـر وداري
اهلي جفوني ولگلب مجروح

آنـي العلیلـه..نار المصیبــه تسعــر ابدلالــی
آنـي العلیلـه..وکــت الـوداع اتکــدرَت احوالي
آنـي العلیلـه..اتعَثـر ابهمـي ودمعتـي اتلالـي
آنـي العلیلـه..حـرمـه وغریبـه ابلایـه اُم و والي

ابقـا ذلیلــه ابفرگة الاحباب
ابکل مسیـه انطر اعله الباب
یکثـر عتابـي یکبـر مصابـي
ناظر عیونــي علدرب مشبوح

انطــر وتانـي..جــدّ بلمسیر ومـن حـده الحادي
انطــر وتانـي..ابدمعـة حزن اصرخ گمـت ونادي
انطــر وتانـي..گوطـر ظعنهــم مـدري ابیا وادي
انطــر وتانـي..رحتو وحـرگتـو ومرمریتو افـّادي

صوتي ابهمومـه یعتلـي لیهـم
مدري ابخبرهم وشجره اعلیهم
عشتْ ابمصیبه طفلـه وغریبـه
مـاونهــه ونـي حته ون الدوح

ساعــة رحیلـه..ویلـي الأبـو یـومٍ سـدر بظعونـه
ساعــة رحیلـه..مــن الهـوه اسـأل وگـول اشلونه
ساعــة رحیلـه..عبدالله ظل یبچـي ویدیـر اعیونه
ساعــة رحیلـه..ما اگــدر اصبـر یاخلـگ مـن دونه

ویلي وا ویلي وحدي خلوني
یصرخ دلیلي اویاکم اخذوني
اشهل مصیبه ابقـا غریبــه
طفله وعلیّه الحزن ممنوح

بویــه یبویــه..چنهـه طویلـه ویلي هـاي الرحله
بویــه یبویــه..غربه عگبـهم بس اعیـش ابذلـه
بویــه یبویــه..شیصبــر الیبقـا ویتانـي اهلـه
بویــه یبویــه..فـوگ السگـم زادت علیـه العله

ماعنـدي والي ویـن ادیر العین
اتهـل ونـادي یلولي یحسین
یا للخســاره مختلیه داره
لیلـي ونهـاري الدمع مسفوح

یاعظم المصاب..سهرانه عیني وعلـدرب مشبوحـه
یاعظم المصاب..ابحظـن المنیـه ولأجل مطروحـه
یاعظم المصاب..کل یـوم امـوت وبلصبـر مذبوحـه
یاعظم المصاب..لحظـه الگلـب مافتّـر ابـداً نوحه

مشبوحه عیني تنظـر الخوان
یمتـه یجونـي الجسم نحلان
رفـرف علیــه جنــح المنیه
اخیـال الأحبـه ریته لیه ایلوح


حمید خنفري
#قصاید_العلیله_ع
https://t.me/joinchat/AAAAAEJWAKIzSrPjcw8qYA

@hooosssin باز کردن / نظر دهید