2022-07-01 18:04:57
" ما تحط تراب ع قالب الكيك "
_ في ناس بعد ما بتعمل قالب الكيك بترش عليه تراب قبل ما تقدمو !!
_ رح قلكن كيف !؟
لمّا أب يجيب لولادو تياب أو أي شي غالي و بضل يقلن :
أنتو عارفين أنا دافع دم قلبي كرمال جبلكن هالأشياء و يا ريت ببين معكن !
لمّا أم بتتعب في الأكل و هي و عم تقدمو بتقول طلعوا عيوني و أنا عم أعمل أكل ..
لمّا زوج يطلع مع مرتو مشوار و لمّا يرجعوا بقلها ما كنت بدي أطلع بس طلعت كرمال ما تنكدي عليي !
لمّا أم تروح تجيب أغراض لأولادها و تلبيلن طلباتن و بعدها بتشتكي لكل النّاس قديه هيي تعبت ..
لمّا شخص يوقف مع رفيقو بأزمتو و بعدا بصير يقول تعذّبت من وقفة المشفى و المشاوير بس مو مهم يا رفيقي كلللللو كرمالك ..
_ كل هي الجّمل ممكن تبين عاديّة بس هيي بتكون متل كأنّك تعبت و عملت قالب كيك و بالآخر رشيت عليه تراب قبل ما تقدمو !!
ف الشّخص ما بيبقى حسنان يستمتع بالكيك اللي أنت عملتو ..
_ لمّا بدكن تعملو عمل حلو لو شو ما كان هالعمل كملوه للآخر حلو بمحبّة و رضا من القلب ..
_ قال تعالى :
" يا أيّها الّذين آمنوا لا تُبطلوا صدقاتكم بالمنّ و الأذى "
صدق اللّه العظيم
343 views15:04
H
