#تحفيز.. • الى كل طالب سادس يائس و ما عنده واهس للدراسة هاي | ملازم السادس الاعدادي 2023
#تحفيز..
• الى كل طالب سادس يائس و ما عنده واهس للدراسة هاي الرساله الك...
لحظه...لحظه نرجع لي ورا تعالوا نفكر سوه كم سنة دراسية درسنا حتى نصل لهاي المرحلة كم بذلنا من الجهد حتى نصل لهاي الايام ؟!
انا راح اكللكم!
12سنة و احنا ندرس و نتعب من اول يوم اخذتنا امهاتنا و سجلتنا بالمدرسه الى حد هسه احنا نتعب و نجاهد حتى نصل هاي المرحلة من التقدم، حتى نصل الى اخر خطواتنا لتحقيق احلامنا....
و اخر شي تجون تكولون ماكو واهس و مستحيل نطلع معدل و ما اكدر و صعب!!.
مع احترامي الك بس اذا تفكر هيچ تعتبر انسان فاشل و بالخط الغامق همات, تعرفون شي توماس اديسون يكول:-
"الفاشلون لم يعرفوا كم كانوا قريبين من النجاح حين توقفوا..!..!"
يعني شنو المعنى المعنى انو الفاشل بقاله شمره عصه،، بقاله بعض الخطوات حتى يصل لطريق النجاح بس للاسف توقف..
و انا ما اريدكم هيچ اريد تكونون مثل ما كال ديل كارنجيني:-
انا مصمم على بلوغ الهدف فأما ان انجح و اما ان انجح.
هيچ اريددكم بهذا الاصرار اريد تمسكون احلامكم بيدكم و ما تفلتوها قاتلوا افعلوا المستحيل من اجل تحقيقها...
باقي اشهر معدودة و تحقق حلمك و حلم اهلك حلم امك .. الي تعبانه عليك من اول يوم دخلت مدرسه من اول ما بديت تتعلم الحروف و هي تتهجالك و تنقطلك الالف و الباء... و من هذاك الوكت تكلك اريدك فخر اريدك مهندس اريدچ دكتورة...
ابوك .. الي يتلكاك بابتسامه و يكلك ها مهندسنا ها دكتورتنا مقصر معاكم بشي اكو شي ما موفره الكم اريدكم تفرحوني بمعدلاتكم و تكسرون خشم الي يكرهنا....
هذوله الناس همه الي يستحقون الفرحه... فرحوهم.
ارجوكم ما ضل شي بس هاي الكم شهر و ترتاحون بعدها مستقبلكم يتحدد بس هاي الكم شهر امنع نفسك عن رغباتها و الله كلو يتعوض الموبايل و النت و الاصدقاء و الونسه كلها كلها تتعوض... بس انت اقره و عوفهن و الله سبحانو و تعالى راح يفرحك بس يشوفك تتعب و تدرس لانه هو الي قال(ان الله لا يضيع اجر من احسن عملا)...
و لو كنت متأخر و متندم لان ما درست من البدايه لا تخاف بعدك ببدايه الطريق اي اي بعدك ببدايه الطريق.... الي وصلو قبلك ما يختلفون عنك بشي بس انت اخلص النيه لله تعالى و ابدي اقره و انت على يقين انو راح يتحقق حلمك لان الله معك و الله ما يخيب ظن عبادو بينو حاشاه.....
استحلفكم بكل شي غالي و مقدس عدكم ادرسوا ادرسوا و الله ما بقى شي و تفرحون و تخلصون من شي اسمه سادس.... اخر شي اكوله الكم حط ببالك انو "اراده النجاح هي التي تصنع النجاح"
