عندي واهس للدراسه .. واجيب الكتب كدامي .. بس ما اكدر ادرس من ا | ملازم السادس الاعدادي 2023
عندي واهس للدراسه .. واجيب الكتب كدامي .. بس ما اكدر ادرس من افتح الكتاب ما اكدر ادرس بسرعه أمل وأتركه . شنو السبب ؟
اللي ميخليك تدرس هو انه انته ماعندك
#أيمان_بالهدف ..
كل أنسان بينه عنده هدف . ويعرف هدفه ومخليه كدامه . لكن المشكله مو كل أنسان بينه عنده أيمان بهدفه ..
شنو يعني #أيــمان_بالهدف ؟ يعني أن تستميت وتضحي وتقاتل وتتأذه وتخسر وتتعب وتسهر وتبجي لأجله ..
اذا جان هدفي الطب . هذا هدف فقط .لكن الايمان بالهدف . هو أنه أأمن بقدراتي بأنه راح اكون دكتور يوما ما ..
هواي عدهم هدف .لكن هواي من عدنا ميؤمن بهدفه لأن بداخله ألف سبب يعارضه ويكوله #لا هذا مستحيل وهذا صعب وهذا ميتحقق وهذا يحتاج تعيد سنه وهذا يحتاج ان تكون مخلص الماده ..
لكن لو كنت مؤمن بهدفك . جان فتحت كتابك رغما عن داخلك ودرست وسويت صولات وجولات بكتبك .لأن تؤمن انته مكانك مو بهذا الصف . ومكانك مو بالاعداديه . انته مكانك بمكان وظيفتك وأنته تؤدي ولابس بدلة حلمك
لكن لأن نفقد الأيمان بأهدافنا واحلامنا فنتراجع ونكون مستسلمين لأي وسواس بداخلنه