السعـادة السعادة متجينه احنى الي نصنعها زين شلون نصنـعها ؟ | ملازم السادس الاعدادي 2023
السعـادة السعادة متجينه احنى الي نصنعها زين شلون نصنـعها ؟ نصنعها بتحفيز انفسنا للافضل ونركز عله هاي الفترة المفصلية بحياتنه الي هي السادس فيا جماعة صح الانسـان يواجه مصاعب بحياته بسبب ضغط وامتحانات وتعب وارهاق بس هاي هيه الدنيا لازم نتقـبل أي مشاكل وضروف تصير بيـنا ملازم نخليها تأثر على نفسـيتنا وتفكيرنا ووقتنا ودراستنه لازم نتحـكم بمشـاعرنه وسعادتنا لا تخلي المـشاعر تتحكم بيك حتى تكدر تركز على حلمك وطموحك لا تخلي الافكار السلـبيه تتحكم بيك انت تحكم بتفكيرك تحكم بعقـلك تحكم بوقتك وبحدولك لتكلي ماكدر ؟ لتكلي الانسـان ميكدر يتحـكم بكل الذكرته اني دا اتحـكم بسعادتي وتفكـيري ؟ الشي الي يضرني ابتعد عنه الشي الي يحـزني ابتعد عنه شما جانت المصاعب احاول شكد ماكدر اشد حيلي واتخـطاها احنا الي نشالله نغير كلشي واحنا الي راح نثبت نجاحنه للكل ! اذا اكو اشخاص بحيـاتك يحزنونك او يسببولك مشاكل ابتعد عنهم شما جنت محتاجهم و تحبـهم ماكو شخص مستعد ينجحك ويطلعك من تعبك وارهاقك او يروح يمتحن بدالك ليش تتحـمل على شنو تتضيع وقتك عل ناس حاول تركز على دراستك اكثر لان كل الناس راح يتغيرون بسبب الضروف ابد لتكلي شخص يبقى ونكدر نكول نادراً بس افصل دراستك ومستقبلك عن كلشي وركز بيها وابتعد عن الي يحطـمك ويهبط معنـوياتك انت انسان ناجح لتخـلي أحد يحطمك
