منهاج محرم ١٤٤٤هجرية الليلة السابعة مقدمة عزاء تقول السيد | قصائد منبرية مكتوبة 2k
منهاج محرم ١٤٤٤هجرية الليلة السابعة مقدمة عزاء
تقول السيدة زينب عليها السلام في وصف الإمام العباس عليه السلام من المهد إلى اللحد وموقفه في كربلاء وعبادته لله و....... يكفي فقط هو العباس عليه السلام. حرت اوصفنه الكمر........... بجوده يتروه النهر خَيَرَه كفاني وغمر...........(مااعيش ابدونه/2) ########################### انته يااول نجم مايطلع بليل انته ياشمة هوه ياريحة الهيل انته يلمرقد عشك بس داسته الخيل بفراكك اعيوني طفت وميت الحيل بحسرتي اكظي العمر.......... دمعاتي نزلن كالجمر ليلي يصعب لو يمر......... (مااعيش ابدونه /2) ########################### انته يااول نهر ومعطش الماي الذكره البالي عجيبه تحير الرأي من تسامرنه سوه وتسولف وياي كلت عذريني تراني مقصر هواي خويه حاشاك القصور.......... نلتقي بيوم النشور الشوفته روحي تفور.......... (مااعيش ابدونه /2) ########################### انته يااول جرف متهزه موجه انته يحجاية بخت مخرس العوجه حرت شكتبك وصف يالماتوصفه اهزوجه انته ابو فاضل بعد متهمه روجه انته ابو الفضل واباء.........للوفه يضحي الدماء فرقتنه كربلاء........... (مااعيش ابدونه /2) ########################### انته ياأوفه البشر ياكمرة الكوم ردت ارسمنك عِلْم ماتكفي الرسوم انته بن خير الوره المحير العلوم من رحت مني تره رافكت الهموم بهمي وعيوني تفوح..........كبرت هواي الجروح وأنه أظل اذكر ونوح.......... (ماأعيش ابدونه/2 ) ########################### انته ياأكرم رجل بالكرم معروف معزب الظيف اليجي ديوانه موصوف يذبح النفس وهواه الخاطر ضيوف انطه لحسيني تره عينه والجفوف حارت بوصفه العقول.......... هذا ابن فحل الفحول وأنه من بعده اكول............. (مااعيش ابدونه/2) &&&&&&&&&&&&&&&&&&&&&&&&&&& انته ياشرف نسب يانسل الايمان انته بن فارس مضر وابن اعبد انسان (المقصود علي ابن أبي طالب عليه السلام) ذلّل الباري إلك كل هاي الأكوان اسأل الله بغيبتك يالهمني سلوان راحت ايام الدلال.......... همي متشيله الجبال بموتته ضهري هلال........(مااعيش ابدونه/2)
