الشاعر حسين علي الياسري

2022-08-01 16:25:41 بويه لو تاركلي من ثوبك خليل
يمسح دموعي لون عالخد تسيل
__
بويه لو تاركلي من ثوبك ذخر
لريحتك اشتاگ واشتم بي عطر
قطعه من ثوبك اشمهه وانتظر
خاطر تصبرني لو طال الرحيل
____
گلبي اخذته وياك من عني رحت
وانه راحت روحي لمن ودعت
من بعد فگدك احس روحي متت
بويه گلي شيحمل گليبي العليل
_
بويه وتفارگني ابد ما حسبت
ايجوز تبعد بس ترد انه گلت
بويه دمعاتي اعله فگدك وزعت
ودمعي صار بفرگتك ماي السبيل
__
بويه لمن ودعت عندي شبگه
گلبي بس الهم يغالي رافگه
انه متعوده اعله حضنك اشبگه
وتالي حضنك عافني وحيلي يميل
__
رحت عني وانه اصرخ يا حسين
شلون عفت ابنيتك بهذا الونين
ياحنين وكلشي منك بي حنين
حتى لو عايفني هم فعلك جميل
_
گلبي اخذته وياك يالغالي ومشيت
انه لوداعك حزينه شگد نعيت
بويه اخذني كتلك ادخيله ونخيت
خذت گلبي ماترد انت الدخيل
___
بويه من گلبي اخذته يواسي بيك
وخاطر يخبرني لو شر مر عليك
والله لو اگدر زحف انه اجيك
من اجه بروحي حزن فگدك دليل
__
#حسين_علي_الياسري باز کردن / نظر دهید

2022-07-31 14:30:18

باز کردن / نظر دهید

2022-07-31 11:49:01 السلام على عريس الطفوف القاسم ابن الحسن

للشاعر علي عطيه البهادلي
الليله فرحه بالمخيم الجاسم.. وليدي العرس
هذا يوم الي نطرته وعايش ... الاجله النفس
____
احسب أيام وليالي .... المثل هالحضه انتضر
وافرح ابعرسك يغالي... وحتى كلبي يبتشر
ابدي اشوفن ثمر تعبي .. البي كضه هذا العمر
أنه أمه ... ارد اشمه... يسعر ابروحي الجمر
جنت اباريه واخافن اعليه... جنه من هبت الهوه
لو يغيب لحظه وحده ... بغربه جني بلا حرس
---------------------------
امن الترافه البي اشوفن ... ابني احله من الورد
ولو يحاجيني اشحلاته ... اتصير جلماته برد
الله ياعشكه وغلاته ... قصه مابيهه سرد
روحي فدوه .. اليسوه هوه .. حيل اظمه من يرد
لويكول وليدي يمه حلوه منه ... مالي قوه اعله البعد
بدون ما يحجلي اعرفه شصار.. ويه كلبي حس
______
أقره جم سوره بسوره .... جي لان وجهك كمر
والفرش يغار شفته .... يلي مامثلك بشر
بالحمد من جنت احوطه ... حته خاف يمسه شر
يبقه سالم ... طوله غانم ... ويبتعد عنه القدر
صغير بس جنه الحسن لو طلع ... بعمامته
وبيتي يزهي السبب واحد... وبعطر شخصه اتنرس
------------------------
اتوسط الديوان عمه.... وين المهيل سئل
وكلله هذا اني يمك ... عنونك بنربة خجل
صعبه هاي الليله يبني ... شوفه عيونك امل
انحني جفه .. اليوم زفه .... واتبشرو كل الاهل
والرباب اتهني ببني والصواني .. اتخصرت
والدمع وما يصلح ادري بالعيون.. من الحبس
_______
لحضه والموقف تبدل ... اوبانت ارسوم الحزن
يسئله عن الموت اسمع ... بصوت خافت ظل يون
وتكله احله امن العسل ... بحذاك يامحله الجفن
هيه هايه ... احله غايه. .... الوالي يالحضنك وطن
اوصيه العود تنافد.... والاماني بنصرتك
هذا سر الماعرفته ... اوبوسط عوذه نحبس
---------------------
للشاعر علي عطيه البهادلي
لحن من سكط منك علمنه
تراث باز کردن / نظر دهید

2022-07-31 11:42:09 السلام على مولاتي فاطمه العليله

للشاعر علي عطيه البهادلي

حيرني الطيف المر بيه٠٠ وبجاني اهواي
حاير مدري شظاع منه ٠٠ ويعاين اعله الماي.
وسئلته اشلونك وتغير لونك
ويعاين اعله الماي
_____
من اجاني الطيف بويه الدمع باك السوالف
ظلمه صار البيت بعدك برد جانون المظايف
انكسرة لحي الله دونك والحزن غطة الشفايف
الروح مشتاكه الك ولفي عباتك
ياهو بالدنيه يجي يعوض صفاتك
ويكل ليله وشغل شمعه ترسم جف تفرهد صبعه
وتعاين عالماي
_____
الضعن مابيه رايه يمشي المسره تطشر
صوره كمره عالشريعه تثلمت بخنجر الشر
وطلفله تفتر بالمخيم وبكلبها الخوف يفتر
يبجي عبدالله بعطش جبده
دمه من فوك النحر يرسملي بعده
امه تكول لحضني اترده ويه الموت ولدي شعنده
تعاين عالماي
_____
ليش ذابل وجهك انته ومنه ماخوذ الصبح
وبجبينك هذا واضح حجار مظروب وجرح
جم علامه موت طلعة ترسم بسيف وذبح
لعينك شما جنت اصد يتراوه دخان
حيره مثل مال حمله وبلايه خوان
روحك ناحت لجل وليدك لومن صابو جفه عضيدك
تعاين عالماي
_____
من حضنتك اثر بيين حسين حافرعالظلع
حيل سحكن فوك صدرك وشلعن عظام شلع
الغالي بوساتي العفتهن ماكو الهن اي طبع
انته نعمه وداستك مدري شجاهن
بذني اسمع صوتهن واسمع صداهن
مدري شعدهن وشيردنه فوك الدوسه تشوف الجنه
وتعاين عالماي
____
بالطفوف يسيل دمكم ونخلط ويه الترب
وبعبيهن نار تاكل وحقد صار الضرب
حيل صعبه لمن زينب ظلت تحشم الغرب
احتارة بين الخيم وبين الايتام
اتطشرو باليهيمه انفاس السلام
كله تنوح وتصرخ عمه ترفين ومانحمل لجمه
وتعاين عالماي
_______
جن انجوم الروس صارن ارفعن بجد السمه
يظون وسحر ضواهن مفطرات امن الظمه
ويمشن ويبجن بناتك والكلوب امهدمه
تكصص جم ظفل من شد الحبال
الدمع مثل الجمر فوك الوجه سال
جم صوره شفة اموتني يانار فراكك تحركني
وتعاين عالماي
_ __ __
للشاعر علي عطيه البهادلي باز کردن / نظر دهید

2022-07-30 15:00:51 أنّ الإمام الباقر(عليه السلام) تقديراً لمواقف عمّه أبي الفضل العبّاس(عليه السلام) المشرّفة، وشكراً لمساعيه الطيّبة، وإعلاناً عن مقام عمّه أبي الفضل العبّاس(عليه السلام) عنده ومنزلته لديه، قد لثم يدَي عمّه المقطوعتين، وقبّلهما بحرقةٍ ولوعة؛
وهذا من اعلى مقامات الشكر
فكأني به روحي له الفداء يقول :

چفك من يحارب. راعبهه الكتايب
__
چفك الانه اقبله وچم انام امقبله
صار لاحباب ابو الاكبر اتجاه وقبله
چفك الحيدري اصله وصان كلشي باصله
وانه باقر بيت هاشم مثل ابوي بفعله
من قبل چفوفك. واتبارك حروفك

___
چفك بجيش اميه ضل يصول ابكيفه
مابقت كل كتايب من تهزهز سيفه
والكرم عنده واجب والملاحم ضيفه
عزب بگص رگبهم من علن عن حيفه
بإسم الله يقينك. وفعل الله بيمينك
__
شكراً هواي ابو فاضل يامربي الغيره
اشكرك يابدر هاشم ياامان الديره
يامسنع يالمخلي اعدانه بيهم حيره
ميت ومامثلك احد يرعب اعله السيره
من اسمك رعبهم. يمرجف زلمهم
_____
ها يعمي يبو الغيره يبقه ذكرك هيبه
يرعب حشود آل اميه اسمك امن انجيبه
يعني ذكرك يذكرهم انت اصل النيبه
مسوي بيهم ذكر اسمك رعب خوف وريبه
ذكر اسمك مقاتل. ويشرد الجحافل
__
راسك اعله الرمح لاچن بيك اشدن عزمي
من اشوفك يعم عالي وطاغي نورك يعمي
حگي بيك افتخر انه من اگولن عمي
انت غيره وفخر هاشم بيك ارفع اسمي
يمضحي بدمائك. من أجل انتمائك
___
#حسين_علي_الياسري باز کردن / نظر دهید

2022-07-30 15:00:51 شنهو السبب. بقسمة وهب
شنهو السبب دون النصاره
ربنه الوهب صار اختياره
شنهو السبب
____
أسأل ردت. عنه وشفت
وهب متأهب يضحي بحياته
شاف العشگ. حسين الصدگ
ومامش مثل الحسين بغلاته
لمحبته. ولنصرته
مايغله العمر وارخص مماته
بحبه ربح. دينه صبح
حب حسين صار بكل صفاته

هيج اليحب. من الكلب
لأجل العشگ گلبه إماره
ربنه الوهب صار اختياره
شنهو السبب
____
ربنه الوَهَب. دينه وِهَب
جيفن عاف دينه واعتقاده
واده الحمد. وصار العبد
لدين حسين اعلنهه العباده
وفه وصدق. ودينه اعتنق
من اختار عن حب الشهاده
نال العله. واثبت اله
طيب المرضع وطيب الولاده

طيب الاصل. وطيب الحمل
من للحسين اصبح قراره
ربنه لوهب صار اختياره
___
سَلَّم گلب. نبضاته حب
تدگ نبضاته صارت بيد الحسين
وكل النظر. لشوفه ذخر
لطلة حسين فدوه تروح كل عين
لحبه وفه. وماخالفه
وعنده حسين تارس شوفه صوبين
وانطاه عمر. فدوه ونذر
الجنه حسين عنده مانشد وين

لا همته. ولا شغلته
چي بالحسين يشوف اجاره
ربنه الوهب صار اختياره
______
ضحى وزهد. عن معتقد
مسيحي وصار اسلامه حسيني
للمعتقد. صار السند
باسم حسين كال يصير ديني
ومنه أغترف. وباسمه أنعرف
حسيني اصبح لمن اذبح سنيني
وعندي الشهد. موتي وعد
شهاده ويه الحبيب تقرلي عيني

عند المحب. ماي العذب
من يرتوي بنضرة بشاره
ربنه الوهب صار اختياره
____
ومادورت وماناشدت
ولا أسأل بعد شنهو السبب چان
صار العِلم. عندي وفهم
الوهب حب الحسين يصير عنوان
ويه العاطفه. چان الوفه
لأن وافه الحبيبه وصار انسان
وذكره يضل. رغم الحصل
رغم مات وتعيده تضل الازمان

تخلد لأن. لإبن ام حسن
خله العمر رهن الاشاره
ربنه الوهب صار اختياره
____
#حسين_علي_الياسري باز کردن / نظر دهید

2022-07-30 15:00:51 إن الذي قد شَم ريحُكِ كربلاء
رئتاهُ فيكِ تكتفي عن كلِ ريح
فالريحُ فيكِ قد تزكت بالولاء
لأنها قد حُمِّلت عطرُ الضريح

شهگة نفس  تعني امان
والريه تتنفس  حنان
ماتلگه منهه بكل مكان
مزكيهه الحسين
شهگة نفس تسوه الحياة
والريه تحسبهه صلاة
تنقيهه من المهلكات
مزكيهه الحسين

الهوه من كربله يعافي
والكلمن مِرض شافي
هوه اليمر ضريح حسين
من عنده وبعد كافي
__
نسماتُ عطركِ كربلا ليست كما
في غيرِ ارضٍ عطركِ فيه الدَوى
هو بلسمٌ للقلبِ لو شوقاً قضى
في شمةٍ من عطركِ استغنى الهوى

نسمة عطر تسوه الهوه
وگلب ال يحب بيهه ارتوه
والبيهه حس گلبه انچوه
چي بيهه دخان
نسمة عطر من المزار
تبعث امان وانكسار
بارد نفسهه وبيهه نار
چيه بيهه دخان

بيهه احتارت الحيره
بيهه من الحزن ديره
بيهه اجتمعن الضدين
الحزن وشموخ ابو الغيره
___
ان الذي زارَ الحسينُ ما يرى
كلُ الوجودِ لا يساوي منضره
ذا منضراً ليس كمثلَهِ في الدُنا
في جنةِ الباري تجلى حائره

هذا القبر روضة جنان
لا ينتهي بمر الزمان
بي يشعر اليشتم دخان
ويتلفظ حسين
واللي يزوره وبي يطوف
ينسى دنيته وما يشوف
غير أربعة من الحروف
ويتلفظ حسين

هنياله اللفظ اسمه
يعني مسته الرحمه
واليذكر اسم الحسين
يعني يشكر النعمه
__
من زارَ ارض الطفِ فيها ما يجد
روحٌ وريحانٌ ودمعٌ وبكاء
فالروحُ والريحانَ من عطرِ الحسين
والدمعُ يجري والبُكى حزنُ السماء

تضهره الارض حزن السماء
بعاشر محرم بالدماء
بدم اليواسي كربلاء
بالدم بقت دوم
من دم الحسين الشهيد
رواهه من مجرى الوريد
وعاشت على مصابه تعيد
بالدم بقت دوم

الراح لكربلاء يشاهد
ضلت للزمن شاهد
رضخت للدماء سيوف
عن ميت صبح خالد
     ___
ذي كربلاء تبقى ملاذَ الحائرين
من يلتجئ في علمها وجدَ الدليل
سرَ الوصالُ دمعةٌ من مقلةٍ
معراج دربٍ للعلى دمعٌ يسيل

بالدمعة معراج العُلى
والجفنُ حزناً اذ تلى
دمعٌ تدنى ودلى
اليعيش الجروح
وگليبه مكسور وحزين
ولسانه ترتيله بانين
آ ياحسين آ يا حسين
اليعيش الجروح

هنياله النذر روحه
يبچي وينعه مذبوحه
الينصر قائم أهل البيت
كل صبح ومسه نوحه
____
#حسين_علي_الياسري باز کردن / نظر دهید

2022-07-30 15:00:51 حضر يا جفن دمعات العيون
وابچي ويه الينوحون
گرب حزن اليحبون
انت ودمعتي ما الكم حساب
للغالي ترخصون
اكداً مو بالضنون

ترجم ياجفن دمعات الجروح
من تنزل حزن ويأذن النوح
مايغله البچي وشهر الحزن جاي
شهر بيه الحسين اتسمه مذبوح

ادخل عالم العشاگ.   من ابچي اعله معشوگي
شهر فگد العشگته جاي.    اريدن ينفضح شوگي
دمع ياجفني ابچيله.     ودمي يچوي بعروگي
       __
وحضر ياگلب بجروح الاحساس
خلي جروحي تنجاس
والطم صدري والراس
گرب شهر المحرم ياگلب هاذ
شهر بي يصفر الياس
بمصاب الماله مقياس

شهر بيه الحزن واجب للأحباب
شهر بمصابه ابد ماشابه امصاب
شهر بيه الحسين تحضنه الرمال
وغريبه بلا وطن عايلة الاطياب

غريبه بلا وطن تصبح.     اصل كل الوطن واهله
وسفه الغربه تاخذهه.     بسبي لا بعده لا قبله
لا تبرد ولا ترضى.         جرح من عندك تقله
         __
ادعيلك يگلبي بالحزن دوم
واذا ابرد علي لوم
خل دمعاتي كل يوم
اريدن بس حزن اگضي العمر كون
واريدك كلبي مالوم
طبع ماريده تعلوم

اريدك ياگلب تتطبع احزان
وتصبح للحزن ياگلبي ميدان
ومااريدن حزن دنيا يطب بيك
وبس لأجل الحسين احزاني عنوان


احزانك فقط لحسين. لاتقبل حزن غيره
وتترس كل جزء منك. اصبح للحزن ديره
ديرة تسكنك الاحزان. حتى اتمسك الغيره
__
وتحضر بادمع عيني للالام
كرب شهر السبي وشام
معدودات الايام
احرگني السبي عايلة الحسين
وعفة دين الاسلام
اريدك دمعة الايتام

انزل بادمع لاجل السبيات
لاتبرد اذا تسمع غريبات
اريدك حار كون تچوي الاخدود
احر من الجمر من تجري دمعات

يادمعي مصابك هاذ. بمصابك فلا تبرد
ماريدن احشم بيك. وحدك يادمع تنهد
بالك لا تقل بيوم. شماتنزل اريد ازود
_
#حسين_علي_الياسري باز کردن / نظر دهید

2022-07-30 15:00:50 ها يرايح عني يدواي وياعلتي
اليوم الم كل ذكرياتك
ارد اگعدهن واعاتب
من غيابك تارسه الدنيا وحدتي
شلون لمن يگبل الليل بغيابك
ياهو اليسدلي وحشته
وچانت عيونك تسد خوفي ووحشتي.
وتدري بعيونك كشختي
وصارت الكشخه بعد مافاركتني
دموع تترسلي وجنتي
يالجنت يمي واريدك
تدري مااحمل فراگك
وادري ماتحمل فرگتي.
وانه بس لعيونك اشكي
وهسه عينك فاركتني
ياهو اليسكت عبرتي
وعلگت صورة رجعتك
الرسمتهه من خيالي.
بالخيال الماتحده
تطول لوتكصر نضرتي
ووسط هاي الفوضويه
يفز ضجيج شچم سؤال
ليش راحت عني جفينك يغالي
وَكلهه حاجه
لحضنة جفوفك دمعتي
وهم اشوفك جايني وجايب ضحكتي
ياوطن روحي وغربتي
ياراحتي السكنت حسرتي باز کردن / نظر دهید

2022-07-30 15:00:50 ياصاحبَ الثأرَ الكبيرِ اما دنى
فيكَ اللُقى يا رحمةُ الرحمٰنِ
ما آنَ نسمعُ صوتَ قرآن السما
بلسانِكَ الرحمٰنُ يا قرآنِ
بلسانكَ القرآنُ يصدحُ صوتهُ
ولدينكَ التسليمُ والإذعانِ
ما آن نسمع للحسينِ مُطالباً
ويرتلُ الثاراتِ كلَ لسانِ
ياصاحبَ الثأرَ اما حانَ اللقى
في ضوءِ وجهكَ تنجلي الاحزانِ
انّى نرى ضوءا ونورك غائبٌ
من نورِ وجهك ترتوي الاجفانِ
يامن بكفيكَ العلومً واصلها
من فيضِ كفكَ تُملَأ الاذهانِ
ياغائبٌ لكنَ نوركَ بازغاً
قد بانَ في قلبي المحبِ حنانِ
في القلبِ انتَ برغم طولِ غيابكَ
في القلبِ تبقى رغمَ طول زمانِ
من هذهِ الفوضى و وحشةَ دُنيتي
من مهلكاتِ الدهرِ انتَ امانِ
ياثائراً للضلعِ قلبي منتظر
في يومِ تصلبُ جبتيَ الاوثانِ
يامالكَ الحبِ تُرى هل من أمل
عيني تراك مُجليَ الاشجانِ
وانا عُبيدك تائقُ فيك لقى
وبرغمِ سوئي ارتجي الاحسانِ

#حسين_علي_الياسري باز کردن / نظر دهید