2022-07-05 22:51:47
ليلة العاشر.
هنا حرگ خيم . من هوه العلم. والونه مسموعه
هنا شفت طفل. چفه بالحبل. ويهلن دموعه
حيره. بهاي المغربيه
خويه. كتله وكطع بيه
........
عيال وبنص الخيم. يرفرف اعلينه العلم
مدلله هواي. والحسين. يدك بيباني
عله داير خيمتي. عيون صارو اخوتي
لو يجي الليل. يصيرون. حرس خواني
تارسين الطف ضوه. وصار عباس الهوه
ليله وحده. اساهر. فلا خلاني
كربله ادريهه تاخذ. مني كلبي و كل اخوتي
شضامتلي الدنيا باچر. طولي يطلع مدري صوتي
العاشر اقترب. والزمن كتب. تحضّري يازينب
شيبقه حيل الي. حتى انولي. ومابيه حيل انحب
آنه . بوداعه مسبيه
كتله.خويه وكطع بيه
...........
حسين رد من النهر. چنه ضلع امي انكسر
شلون زينب. شكلهه. ويسولف حاير
الدم صبغ كل لحيته. وصل واسمع ونته.
شلون يتلفت. يدوّر. ولاناصر
چن اخو مات بكفاه. كلي زينب كتله ها
عفت عباس. يدوس اعله صدره الحافر
حسين شفته كتله منهو. الميت انته لو بو فاضل
هزلي راسه وكلي خويه. كبالي مات الچان كافل
عيالي تنتظر. شنطي ياعذر. شيقنع سكينه
عبدالله يون. بالعطش اظن. ماتنفتح عينه
تالي. شيصير برقيه
خويه. كتله وكطع بيه
........
كلشي ماظل من ابوي. بس اخوي وابن اخوي
بخيمه وحده للوداع جمعنه الغالي
ماكو ماي بهالوضع. بظهره طشيت الدمع
من التفتلي بچه وشاف هضيمة حالي.
لدائرة موته وصل. خبر منه ماحصل
من عله التل صعدت واشوفه كبالي
عمامته واحد شمرهه. وخنصره انكص من يمنته
واحد براسه يهوّس. وعشرة خيول اعله جثته
هدمه منسلب. ضلوعه تنحسب. ومطشره بكتره
بكثرة الطبر. ماسلم شبر. من رجله ولنحره
صاحت. من خيمته ابنيه
خويه. كتله وكطع بيه
.......
ردت حيل وانتهض. كربله رادت ركض
لا اهل عندي واخوان ولامن خيمه
دورت ريحة اخو. شصار بالطف وشكو
سبحه ونطشت عيالي وسط الهيمه
خويه تعبانه صحت.ومدري چم مره طحت
كلبي مشتاك يسولفلك شكد ضيمه
من الظهر للمغربيه. انه اصيحن ولم بيهم
كعدتي مو كعده طيحه. وزعت حيلي عليهم
ماغفه النظر. باچر السفر. ويا ربي اندله
اقره الفاتحه. لاهل المستحه. وانه بظهر هزله
روحي. لو تكعد بفيه
خويه. كتله وكطع بيه
........
وداعة الله يخوتي. ماشيه بلا رايتي
جابو النوك هزيله الكمر كللوله
بلايمينك صاعده. بلايه محمل كاعده
زينبك فرجة للناس اذا تحچوله
يطمئن خله الكمر. رغم كل هذا الخطر
الضعن آنه الاكفله وأنه المسؤوله
ولاتهون اخت ابوفاضل. امشي آنه وراسي عالي
لكن اللي يعز عليه. فرهدو عزي ودلالي
ينكضي اليسر. وراسه ينتصر. العالرمح عالي
لكن الصعب. واليسر درب. وشخله بحوالي
صعبه. بالسبي العلويه
خويه. كتله وكطع بيه
........
نسألكم الدعاء
حسين صادق العقابي
1.1K views19:51