2022-07-27 10:57:43
انت الحبيب انت الطبيب
ــــــــــــــــــــــــــــــــــــــــــــــــــ
لا حبيب له انت وكلبي الجننته
بيك بس سالفته ياحبيبي الغالي
انت من رباني والعشك رباني
ما احبن ثاني اول انت وتالي
بيه عشت وانت صرت نسمه وسط ريتي
انت وطن روحي تضل يالمجلسك بيتي
باجي انا دمعه لك والله رفع صيتي
خادم لك ترضه علي هاذي انا امنيتي
انت الحبيب انت الطبيب
ــــــــــــــــــــــــــــــــــــــــــــــــــ
يالملكت احساسي ياشريج انفاسي
الله رافع راسي جي همت بعيونك
الوادم يقدروني وخادم يسموني
خل تروح اعيوني شلي بيها ابدونك
من أخذ كلشي تود انه لك خادم
ملكك ضل عبدك انا وانت لي حاكم
عمري نذر كله لك افدي ولا نادم
ادعي انا كون انسحك وانت تضل سالم
انت الحبيب انت الطبيب
ــــــــــــــــــــــــــــــــــــــــــــــــــ
شلون احبن غيرك وانه عشت بخيرك
يلـ صعب تصويرك ياعزيز الزهره
وحك لجمت جرحك بيه غزر ملحك
كون عيني اتلمحك حته لو بس مره
حلمي اجي الصحنك اطب وانت تلاكيني
انه لك ذني تره ناذرهن اسنيني
كلها جذب وانت صدك تبقه وسط عيني
يابوعلي جمره ردت بضلوعي تجويني
انت الحبيب انت الطبيب
ــــــــــــــــــــــــــــــــــــــــــــــــــ
يالعطائك دايم دلليت الخادم
انت اعظم حاكم ماتذل خدامك
رزق هاي الخدمه هيه هاي النعمه
انطيني يابو اليمه سهم من اسهامك
دمعي نزف صوتي هتف كلشي لك فدوه
انه اريد اتعب لك انت صدك تسوه
عشكي يضل لآخر نفس لامو عشك نزوه
ضامي عشك كلبي اجه وبنورك اتروه
انت الحبيب انت الطبيب
ــــــــــــــــــــــــــــــــــــــــــــــــــ
كل عزاء اتحضره ويانه تبجي الزهره
الدمعه تنزل حمره للي سحكو صدره
اشكد عظيمه الدمعه التنبحي عله البضعه
تضوي مثل الشمعه الخادم ابنص كبره
لطمي يضل ابكل عزه حد مايجي المهدي
منطي وعد خادم اضل ما اخلف ابوعدي
انه تره غير لطم صدكوني ماعندي
دمعي شرف في بمجلسك ينزل عله خدي
انت الحبيب انت الطبيب
ــــــــــــــــــــــــــــــــــــــــــــــــــ
حسين عبد الزهرة الدراجي
300 views07:57
ا
