#رسالة من بريد القناه حقيقة بظل كل الظروف والظغوطات الي جاااي | 🌹 رحلتي في الطب 🌹
#رسالة من بريد القناه
حقيقة بظل كل الظروف والظغوطات الي جاااي اعيشها ادركت حقيقة جدا مهمة والا وهي التفكير النمطي بهبوط مستوى الطالب بالكلية وقناعة الطلاب بهل الشي الي يضيع الحرص وتصير تشك بقدراتك وما تتعامل وي الدراسة مثل ما جنت تتعامل وياها قبل وهل شي خلانا ننسى شي كلش مهم الا وهو انو هاي هي المرحلة الدراسية الاخيرة …هاي محطتك الاخيرة الي من بعدها راح تنطلق لمواجهة عالم باكملة …راح تكون انسان يواجهه الدنيا بعلميته اكثر من شنو يكون مظهرك او شكد ثروتك …مرحلة لازم تبدي بيها تمنح وتصنع جيل قيادي وهاي تعتمد على طريقة تفكيرك وتعاملك بايااام الكلية شجنت تسوي بس تتونس واطب وتطلع وتضيع بالوقت لو جنت حريص وتعرف انو من هل المكان راح تنطلق لمواجهة عالم باكملة …كسرة الگلب اتصير لمن تتخرج وانتة مضيع الوقت وتجي ناس اصغر منك طورت نفسها عدل ومظبطة امورها و تعرف اشلون تناقش وتحاجج وتنطي ادلة وانتة تبقى بس تتصفن وبذاك الوكت ما راح تسعفك ايامك الي جنت بيها تضيع الوقت عبث ولا الساااااااعات الي كضيتها تفتر بالانستا و لا المنشورات الي تدعم الطالب الكسلان والي يقرة بليلة الامتحان وگالبة الموضوع تحشيش والطلاب لايكات وتاكات وناسين انو هذا هدر الهم ولاطفالهم بعد شكم سنه …واخيرا استغلو كل كتاب وكل صفحة وكل سطر وكل مقطع فيديو وكل سؤال وكل امتحان وكل فشل وكل نجاح حتى اطورون نفسكم …استغلوا كل لحظة وكل ملاحظة حتى توسعون فكركم. طالبة في كلية الطب /جامعة القادسية -منقول
