كان يا مكان في قديم الأمر والزمان في زمن الجاهليه Wirat : @tx_ | مدرسه الرعب
كان يا مكان في قديم الأمر والزمان في زمن الجاهليه Wirat : @tx_i6 - جان هناك 4 أشخاص واحد اسمه محمد والثاني علاء والثالث أمير والرابع حمدان ، هذوله 4 جانوا أصدقاء كلش حيل يروحون سوه يجون سوه ، مره من المرات اقترح علاء علئ حمدان كاله ليش ما نطلع نروح للبر نفتر لو نكتشف اشياء جديده ، كاله حمدان اي بس خلي نشوف الباقين ، راحوا واتفقوا كلهم يطلعون وكالهم أمير اكو مكان بالوادي بي ذهب وفضه واحجار هواي نروحله ، كالوله تمام نروح هناك ، الصبح أخذوا غراضهم وراحوا للبراري يدورون علئ هذا الوادي ويسولفون ويحجون . هنا محمد جان ماخذ وياه سم قاتل يموت الإنسان إذا لزمه ، ف من جانوا يمشون شافوا الوادي من بعيد كالوا نستريح هنا وشويه ونروح ، كعدوا شويه واخذتهم النومه كام محمد وراح للذهب ورش عليه سم كله ، رجع وانتظر نص ساعه كاللهم يله امشوا نروح قبل لا يجي الغروب ، راحوا للوادي طبوا يجمعون بالذهب وحمدان يجمع بس لازم وصله بيده ، تعجب محمد وخاف لا يعرف ويكلهم ، ضلوا يجمعون وره شويه أمير وكع وكام يعيط بعدين علاء وكع وياه ، اجه محمد اخذ خنجر وراد يكتل حمدان بس ما كدر لان حمدان قوي وضخم ، حمدان كاله ليش ولك تخونه هيج علمود الذهب ، محمد كال اني خليت السم اريد الذهب اليه كله ، رجع محمد يريد يكتل حمدان وجان يجرحه من ايده جروح بليغه ، حمدان اخذ محمد وجتفه بقوه وراح اخذ علاء وأمير علئ الحصان وانطلق بيهم للمدينه ، رجعوا ولكوا الناس جانت تدور عليهم وناسينهم وشافوا لافته مكتوب بيه أسمائهم ومفقودين منذ 10 سنوات ، والمدينه متغيره ، هنا حمدان بسرعه وده أمير وعلاء للطبيب ، بعد ما تعالجوا اجاهم شيخ ملثم ، كاللهم انتم فلان وفلان وفلان من بلده فلان كالوله صح منو انته كال اني احد الجن حارس الوادي وشفت واحد منكم رش ماده علئ الذهب ورجع الكم وانتم دخلوا للوادي دون حذر ، وهذا الوادي هو عباره عن مكان مسحور كلما اخذت منه شي كلما تقدم عمرك شهر دون أن تعلم . تعجب حمدان والتفت لجماعته رجع باوع واختفئ هذا الشيخ ، وعلموا الناس بقصه حمدان والاصدقاء 3 ، وانتهت بموت محمد المكار ونجاه أمير وعلاء وحمدان .
