2023-05-21 22:00:39
لو خايف من شغلك، ذاكر !
لو حاسس إنك أقل من غيرك في تخصصك، ذاكر !
لو حاسس إن غيرك بيقول لوغاريتمات، ذاكر !
لو خايف من المذاكرة ، توكل على الله وذاكر !
.
المذاكرة من المصادر المحترمة هتوصلك بإذن الله لمستوى الناس الكبيرة
.
ذاكر علشان تبقى كبير ومتحملش هم شغلك وتركز في باقي حياتك
طريقة مذاكرة 6 ساعات متواصلة خطوة بخطوة مجربة وناجحة بنسبة 100 %..:
Step 1 -
نظم مكتبك وحضر المادة اللي هتذاكرها
Step 2 -
حضر مشروبك المفضل وطلع وسائل المشتات برا الغرفة
Step 3 -
حط الغاية قدام عينك واعرف ان المذاكرة وسيلة والامتحان اداة لمقياس اجتهادك واللي وضعها بشر ممكن يكون ظالم وممكن يكون رؤوف فانت ونصيبك واعرف ان تقديرك مش مقياس لاجتهادك وذكائك لإن المصحح بشر ممكن يكون ظالم وممكن يكون بيتقي الله فانت وعلي قدر ابتلاءك
Step 4 -
ذاكر كويس في هدوء وانت حاطط الحاجات دي قدام عينيك ومالكش دعوة بالنتيجة هتكون اي
Step 5 -
حط راسك عالمخدة ومدد عالسرير ونام وارتاح ، انت عملت اللي عليك
**وبالنسبة للمذاكرة هوضحها فى 6 نقاط أساسية كيف تذاكر بطريقة فعالة و تركيز أكتر .**
1- Break and reward
العقل البشرى ما بيقدر يستحمل إنه يفضل مركز أكتر من خمسين دقيقة فى حاجة معينة عشان كدة الأفضل إنك تذاكر من ٢٥ ل ٣٠ دقيقة وتاخد بعدها من ٥ ل ١٠ دقايق راحة تعمل فيها أى حاجة أنت بتحبها عشان تساعد عقلك على الاستيعاب بصورة افضل وكمان تبعد فكرة الملل ال بتجيلنا ونحنا بنذاكر بس اوعاك تستخدم الموبايل او التلفزيون في فترة الراحة دي.
2- Studing area
لازم تعمل لنفسك مكان مخصص للمذاكرة بشرط إنه يكون بعيد تماماً عن المشتتات ويكون هادي.
3- Active learning
فى إستراتيجية للمذاكرة ما ينفع تكون بتذاكر من غيرها بيسموها SQ3R
وهى (survey-question-read-recit-review)
بإختصار يعنى إنك تفحص عنواين الدرس قبل ما تبدا تذاكر وتخط لنفسك أسئلة تحت كل عنوان منهم لإن دا هيحفز عقلك إنه يلاقى أجوبة للأسئلة دى أثناء المذاكرة وبعد كدة تبدأ فى إنك تقرأ الدرس بشكل تفصيلى بصوت مسموع عشان تبقا دخلت المعلومة لعقلك عن طريق السمع وأخر حاجة هى إنك تراجع على ال ذاكرته وتحل الأسئلة.
4- The best way to learn something is to teach it
فكرة إنك تحاول تعلم غيرك ال اتعلمته دا بيأكد على المعلومة فى دماغك وبيعرفك إذا كنت فعلاً فهمت المعلومة كويس ولا لأ
وعشان كمان عملية الحفظ هتكون أسهل بكتير، فلو فهمت الدرس عشان كدة لازم تتأكد الأول إنك فهمت واستوعبت الدرس كويس جداً.
5- Mnemonic
ودى عبارة عن استراتجيات بتخليك تحفظ بصورة أحسن وأسرع منها...
1) إنك تربط المعلومات الجديدة بمعلومة قديمة أصلا أنت عارفها
2) إنك تختصر الدرس على هيئة خريطة ذهنية بإنك تحط عنوان الدرس الرئيسي فى نص الورقة وتبتدى تعمل منها عنوايين فرعية لحد ما تختصر الدرس كله فى ورقة واحدة بالكتير
3) لو الدرس مكون من عناصر كتير تقدر تأخد أول حرف من كل كلمة وتكون بيها جملة تفكرك بالعناصر كلها .. زى مثلا لو قولنا لك التجربة دى" ضع سلك ملفوف بجوار بوصلة .. وصل السلك بتيار كهربى .. استخدم قاعدة فلمنج لليد اليسرى "
أكيد أنت هتاخد أول حرف من كل سطر فى الجملة وهتكون كلمة "ضوء" وكل ال هتعمله إنك تفتكر الكلمة دى بس وغير كدة
فى mnemonce كتير شديد يستحسن لو تفتش عليهم وتنقى أكتر حاجة مناسبة ليك اليوتيوب كنز أقرأ و فتش و أبحث.
6- perfect sleep
لازم تهتم بإن يكون ليك عدد ساعات نوم كافى كل يوم عشان المخ بيعمل معالجة للمعلومات أصلاً أثناء النوم.
ولو بتعاني من المذاكرة والقراءة ونفسك تلاقي حل ... يخليك تذاكر زي الدحيحة وما تملش من القراءة !!
جمعتلك الاجابات في ال3 مقالات دول ..هينقلوك في المذاكرة لحتة تانية
المقالات دي هتساعدك علي الدراسة بشكل افضل
1- 10 نصائح لمذاكرة فعالة وناجحة :
https://bit.ly/3UT5DQU
2-ازاي تقرأ اي كتاب وتستفاد منه
https://bit.ly/38cY6t8
3- ازاي تذاكر بأقل مجهود وافضل نتيجة حتي لو كنت صايم
https://bit.ly/3Ca2CUT
4-دليل شامل لازاي تتعلم عالانترنت وتتعلم لوحدك في البيت اي حاجة وتستفاد بالمعلومات
https://bit.ly/3AngNG5
وهنا لو حبيت اي كورس اولاين مجاني هيكون موجود علي قناه تليجرام
https://bit.ly/3V26TkK
شاااااارك المعلومات القيمة دي مع غيرك ياصديقي ..
يومك زي الفل :)
وأخيرا لو وصلت لهنا اتأكد من إنك تعمل شييير ولااف عشان الطريقة توصل لكل الناس
- Ahmed Shawki
1.8K views19:00
A
