دائما في أول مرة، و بتكون نفسها آخر مرة. مو معنى هالشي أنو مار | - ɢʀᴀᴠᴇʏᴀʀᴅ . ࿅
دائما في أول مرة، و بتكون نفسها آخر مرة. مو معنى هالشي أنو مارح تتكرر، لا، المعنى أنو الشعور المرافق مستحيل ينتسى أو يرجع يتكرر حتى لو تكرر الحدث.
في أول مرة بالحب، لما يكون الحب تجربتنا الأولى، و رغم أننا بس نكبر منضحك ع عبطنا بهداك الحب، بس حتى هاد العبط، و الولدنة، و الرحلة الطفولية ، مستحيل يتكرروا!
في أول مرة بالخذلان، لما حدا نتوقع منه كتير، و يكسرنا، حتى لو ندم، مستحيل ننسى شعورنا بهديك اللحظة، و كأنه التجربة سهم، بس طلع مستحيل يرجع!
في أول مرة بالحزن، و قديه ما إجى بعدها حزن، موت، فقدان، مهما كانت حدته، مستحيل ننسى أول مرة جربنا مشاعرنا و بكينا!
في أول مرة بالتخلي، لما تحس حالك وحيد، متروك، حتى لو رجعوا كل الأشخاص حواليك، بس تحط راسك ع مخدتك، مارح تقدر تنسى ألم هديك اللحظة، و كل ماتتطلع بعيونن بيجي عبالك تعاتبن و بتسكت!
ما ممكن نتحكم بديمومة أول مرة، بس ممكن نتحكم بهي التجربة الأولى بكلشي
