#كلية_الهندسة لو عارف روحك تقدر ع رياضيات والفيزياء توكل | Improve ur English [ sireen_2005]
#كلية_الهندسة لو عارف روحك تقدر ع رياضيات والفيزياء توكل ع الله وخش هندسة تنقسم للأقسام التالية: 1-قسم العلوم الهندسية قسم العام تقرا فيه سمسترين :: رياضه 1/2 فيزيا1/2 كيمياء 1/2 إنجليزي 1/2 رسم هندسي 1/2 عربي بالإضافة جبر خطي لينير دفرنشل معادلات تفاضلية لغة البرمجة C++
وبعدين اتخصص ::
التخصص الأول ونقولو عليه التخصص الأم اللي يشمل جميع التخصصات هوا #قسم_الهندسة_الميكانيكيه يعتمد علي فيزياء 1 بالدرجة الأولي يعتبر تخصص شامل تشتغل في شركات طياران في شركات نفطيه شركات كيميائيه مصانع مستشفيات في قسم الصيانه • • ثاني قسم #قسم_الهندسة_الكهربائيه ينقسم الي هندسة اتصالات وهندسة كهرباء وشغله جميع المحطات والشركات وشركات الاتصالات ويعتمد علي فيزياء 2 • #قسم_الهندسة_الكيميائيه وهو كذالك شغله في اغلب الشركات النفطيه والبتروكيماويات والتحليه ويعتمد ع الكيمياء #قسم_الهندسة_النفطية وتخصصاته حفر وتنقيب وشغله في الشركات النفطيه والآبار • #قسم_الهندسة_الصناعية إدارة هندسية قسم يعتبر خفيف رغم أهميته في اغلب المصانع والإدارات الصناعية والشركات • وتوا لأي حد يبي شغل الهندسة المدنيه والمعماريه لانهن يشملن ويكملن بعضهن #قسم_الهندسة_المدنية يعتبر قسم من اقوي الأقسام وفرص الشغل في بناء وتشييد وطرق والمهابط ويعتمد ع الأغلب ع رياضيات ويعتمد تاخذ دورات اوتوكاد وغيرها£ • نجي للقسم #العمارة_وتخطيط_المدن هوا مش حتقراء مواد عام حتخش بعد قبولك ف الهندسة ع امتحان المعماري وتخصصه ويكمل المدني رسم الخرائط والمعمار ويعتمد علي دخولك ع امتحان القبول وهوايتك وخيالك الواسع والتدريب واغلب شغله خاص ومكاتب خاصه • • نبذه حاولت نختصر فيها وفقكم الله ورعاكم واعتمد ع رغبتك وقدرتك في اختيار تخصصك
نسأل الله ان يوفقكم جميعاً الي هذا في طموحه ومستقبل الي يبيه موفقين:)