Present perfect continues #ثانيه_ثانوي ' حتى شهاده تانويه | Improve ur English [ sireen_2005]

Present perfect continues

#ثانيه_ثانوي
" حتى شهاده تانويه تقدرو تقرو منه"

السلام عليكم كيف حالكم؟
اليوم باذن الله حناخدو
درس ال present perfect continues.
الدرس الي شوفت فيه اكتر تصويت
الدرس ساهل جدا يعتبر اسهل درس في الباب الخامس
غير ييي شويه تركيز
ونقولو بسم الله .

اول حاجه حني نحددو الأهداف متاعنا الي حنقروها في درس هادا زي كل مره

[ ] The meaning of the lesson ( معنى الدرس)
[ ] The rule ( القاعده)
[ ] The explaining ( الشرح)
[ ] The form ( التركيبه)
[ ] The translation ( الترجمه)
[ ] The use ( الاستخدام )

ونبدو
اول حاجه لما نبو نفهمو الدرس
نفهموه من عنوانه ..
شن معناه ي سيرين
Present perfect continues?
معناه

( المضارع التام المستمر )

باهي يا سيرين اني توا فهمت معناه .
نبي نعرف شن القاعده متاعه ؟؟

حاضر من عيوني

( the rule) = ( القاعده)

(We use the present perfect continues when we want to talk about something started in the past and is continuing at the present Time )

(نحن نستعمل المضارع التام المستمر عندما نريد أن نتكلم عن شيء حدث في الماضي ولازال مستمرا في الوقت الحالي)

توا اني عرفت القاعده متاع ال مضارع التام المستمر
و عرفنا الترجمه متاعها وشبه عرفنا لي شن نستعملو فيه

والله يا مس مفهمتش بالظبط لي شن يستخدمو فيها .

يا ودي تعالا نتعمقو

مش قتلك إن حني المضارع التام المستمر
نستعملو فيه لما نبو نعبرو على شي درناه في ماضي وقاعدين نديرو فيه لتوا
نعطيك متال بس و صدقني حتفهم .
لاكن قبل ما نعطيك متال.
تعالا نعطيك التركيبه متاع المضارع التام المستمر بش نمشو خطوه بخطوه

[ ] The form ( التركيبه)
(Subject + has / have + been + verb ( ing) )=
( ضمير + ( has/ have ) + ( been) + فعل ( ing)


طبعا
كان الضمير
( she , he , it )
نحطو
( has )
وباقي الضمائر نستعملو
Have


توا يا سيرين فهمت التركيبه
اعطيني المتال الي قلتي حتعطيهولي و حيخليني نفهم .

هي ركز معاي

( the example)

( Jane has been teaching at the university for 3 years)

( جين اشتغلت في الجامعه لمده تلاته سنوات )

ريت كيف؟
مش قتلك إن المضارع التام المستمر نستعملو فيه لما نبو نتكلمو ع حدث صار في الماضي ولتوا قاعد يصير
زي ما درتلك في المتال
قتلك ان جين بدت خدمه قبل تلاته سنين والي هو يعتبر شيء صار في الماضي .
ولتوا هي قاعده تخدم يعني مستمره

وهادا هو يا حنى
طبعا في المتال
استعملت
Has لان جين بنت وقلنا مع
( she , he , it) نستعملو ( has )
بعدين جبت
Been زي ما قلنا في القاعده
وجبت فعل
وزدته
(Ing )

( ملاحظه)
( ان المضارع التام المستمر لازم نحطو بحداه زمن معين ضررررروري زي ما درت اني في المتال قلت
( 3 years) + ديما تلقى فيه
( for , since)
زي ما في المتال .
وهادا هو درس اليوم يا حنى
بنعطيك كويز نختبر بيه مدا فهمك

وزي ما قلنا شعارنا هو سنصل
#we_will_get_to_our_target
#مس_سيرين