Reported question #شهادة_ثانوية السلام عليكم رجعنا بعد | Improve ur English [ sireen_2005]

Reported question

#شهادة_ثانوية

السلام عليكم
رجعنا بعد غياب

اليوم.باذن الله حناخدو درس ( Reported question ) نعتبر فيه اصعب درس في الكتاب وكل الطلبه يتلخطبو فيه

ف ركزو معاي ونقولو بسم الله


[ ] اول حاجه لازم تعرفها ان ال Reported question ميختلفش عن Reported speech الا في حاجات بسيطه بس

تاني حاجه خلي نحددو الأهداف الي بنقروها في الدرس هادا

[ ] The rule ( القاعده)
[ ] The statements of sentences ( زمن الجمل)
[ ] The explaining ( الشرح)
[ ] The use ( الاستخدام )
[ ] The examples( الأمثله)
ونقولو بسم الله

اول حاجه حني نبو نعرفو القاعده شن تقول ف ركز معاي

( the rule)

( we use it when we want to tell someone what another person asked .
To do this we can use direct speech or indirect speech)

( نحن نستعمل السؤال المنقول عندما نريد أن نخبر أحد بسؤال أحد آخر قاله ، ويمكننا استعمال الكلام المباشر والغير مباشر )


تمام هكي؟؟


توا تاني حاجه نبو نعرفوها هي الشكل الي يجي فيها (Reported question )


الجمله الاستفهاميه الي هي ( yes / no questions )
اي بمعنى جمله تكون ع هيئه سؤال والجواب لازم يكون ب yes or no)
وهادي هي ( yes , no questions )


باهي يا سيرين نبي نتعلم نغير بيها جمله كيف ندير؟؟
ركز معاي اني بنعطيك الخطوات وحده وحده

[ ] اذا كان السؤال بدأ بفعل مساعد مثل ( do, does, have ...)نتبع الخطوات التالية :

[ ] يتغير فعل said الي asked
[ ] نحدف الأقواس الي في الجمله ، وتربط الجمله ب whether / if ثم الفاعل ثم الفعل ثم باقي الجمله

[ ] يتغير زمن الجمله بالكامل زي كيف كنا نغيرو فيها في Reported speach
نستعمل أفعال قول أخرى مثل :
( wanted, wondered,to know, inquired)

توا هكي حني عرفنا الخطوات لتحويل الجمله إلى في yes or no question Reported question



باهي يا سيرين اعطيني مثال نفهم بيه الكلام هادا ؟؟

ركز معاي

Example

"He said, do you like pizza?."

In Reported question
" he asked if I liked pizza"

اني هني شن درت؟؟

اول حاجه مش قتلك فوق ان نبدلو فعل said to asked?
هادا الي درته
ثانيا
بعدها مش قتلك ان نجذف الفعل المساعد الي هو ( do) بدلته وحطيت بداله ( if)
و طبعا الجمله في المضارع البسيط رجعت خطوه بالزمن وغيرته للماضي البسيط

وهادا هو


( ملاحظه )
في Reported question ديما نحذفو في علامه الاستفهام
رد بالك تحطها لان خلاص بدي سؤال مش حقيقي .


هي خ نكملو.ع

تاني حاجه لو السؤال بدأ ب ( wh question )
شن معناها wh question??
اي سؤال يبدا ب wh زي
Where , when , what , who .....)

في خطوات التحويل تعالا نعرفوها

[ ] اول حاجه لو السؤال بدي باداه استفهام زي where , when ...الخ
نربطو السؤال بنفس اداه الاستفهام لما نبو نحولو Reported question بعدها نجيبو الفاعل ثم الفعل ونغيرو زمن الجمله


Example:

" he said to me, where did you go?"


In Reported question

he asked me where I went


شن درت هني اني؟؟

حولت من said الى asked زي ما قتلك فوق بكل + حطيت where زي ما هي
وطبعا لان نتكلم ع نفسي حطيت ( i)
رجعت للزمن التالي ودرته ماضي بسيط
نحيت علامه الاستفهام
والاقواس

وهادا هو

توا تعالا ركز معاي بنعطيك معلومه هلبا مهمه و يا ريت تركز عليها لان احتمال كبير تجيك في الامتحان



( if the saying verb is in the present ( say/ tell) or in present perfect
The verb does not change , only pronouns)

( اذا كانت أفعال القول ( say , tell) في المضارع البسيط او في زمن المضارع التام لا نغير زمن الجمله تبقى الجمله كما هي نغير فقط الضمائر)



شن معناه الكلام هادا يا سيرين؟؟

اني مش اعطيتك ( say, tell) وقتلك ضروري يتحولو في ماضي؟
او بالاصح ديما يجونا ف الجمله ع هيئه ماضي ع شكل هادا
( said , told)

ف اني لو لقيتهم محطوطين زي ما هما هكي ( tell , say ) متغيرش زمن الجمله بكل لما تبي تغيرها لي Reported question
غير الضمير بسسسسسس



وهادا هو

وهكي نكونو كملنا درس اليوم الدرس ساهل وبسيط جدا مش مستاهل ريكورد
ويعتبر اسهل ب هلبا من Reported speach
بناخدو كويز نشوفو كان فهمنا ولا

وزي ما قلنا شعارنا هو

#we_will_get_to_our_target