السلام عليكم #ثانيه_ثانوي #2005 اليوم بنكملو باقي درس | Improve ur English [ sireen_2005]

السلام عليكم

#ثانيه_ثانوي
#2005

اليوم بنكملو باقي درس " modal verbs "


المره الي فاتت كملنا " can , could, should "

توا بنكملو الباقي

ف ركزو معاي


اليوم بناخدو

" should, had better "

الزوز هادو قبل ما نتكلمو عليهم بالتفصيل

نبيك تعرف انهم خاصات ب " النصيحه"

اوك توا عرفنا هما بشني خاصات

توا نبدو نتكلمو عليهم بتفصيل

نبدو ب " should "

شن معناها يا سيرين؟

معناها " يفترض أن، أو ينبغي ان"

زي مثلا نبي ننصحك فنقولك

" ينبغي أن تكتب الواجب"

ف كيف حنقولها يا سيرين بالانجلش؟؟


" you should write your homework "

اني هني شن درت؟؟

مش قتلك ان should خاصه بالنصيحه؟

لو ركزت في الجمله حتلقاها فعلا ان اني نصحتك ان تكتب الواجب


اي حقا
" ملاحظه"

"مرات تجيك ع هيئة نفي"

كيف يا سيرين؟؟

توا نقولك

" you shouldn't borrow your sister's money when she is not here"


شن معناها الجمله هادي؟؟

الجمله هادي معناها ان مش مفروض ان تتسلف من فلوس اختك وهي مش موجوده"


الجمله برضو شني؟
برضو نصيحه زي ما قتلك مبكري

و طبعا لو تبي اديرها في حاله سؤال

جيب ال modal verb في البدايه وتمت
زي ما قتلك المره الي فاتت

Ex

" should I call him"?

هل ينبغي علي ان اتصل به؟؟

اني هني شن درت في جمله؟؟

جبت modal verb في البدايه و خليت الفعل في المصدر و الجمله زي ما هي بس و درت علامه استفهام .


توا هكي كملنا من should



توا جي وقت " had better "

هي نفس الشي نستعملوها للنصيحه لاكن الفرق الوحيد ان هادي نستعملوها للنصيحه المشدده


شن معنى كلامك يا سيرين؟

يعني حنقولك مثلا " ان من الأفضل ليك انك ادير هديكا الحاجه"

و خلي في بالك ان لما تسمع كلمه " had better "

الشي هذا يوحيلنا ان لو مدرتش الشي الي قتلك عليه حتصير مصيبه


باهي يا سيرين اني توا عرفت لي شن تستعمل باهي هي عندها ماضي ولا مضارع؟؟؟


نو نو تجي زي ما هي ع هيئتها هادي فقط


باهي اعطيني امثله


تعالا نقولك مثلا ان توا من الأفضل أن تمششو و تتمرنو


" but right now, you better go and practice "
علاش ؟

لان هذا في مصلحتهم

كيف نديرها في النفي؟

" you had better not" و تكمل الجمله متاعك و تمت



وهكي نكونو كملنا " modals verbs "

ساهل و بسيط جدا غير يبي شويه تركيز


ركز معاي في ريكورد لان بنشرح حاجات مهمه

متنسوش اديرو شير باش صحابكم يستفيدو معاكم


#we_will_get_to_our_target

#مس_سيرين
#ثانيه_ثانوي
#