' past continues ' part 2 السلام عليكم دفعه 2005 كيف حالكم | Improve ur English [ sireen_2005]

" past continues " part 2


السلام عليكم دفعه 2005 كيف حالكم؟
المره الي فاتت تكلمنا ع جزء واحد من درس الماضي المستمر و تعرفنا عليه شويه و اليوم باذن الله حنزيدو نتعمقو فيه و نعرفو شن استعمالاته اكتر و اكتر

و نقولو بسم الله

ركز معاي

" use " = الاستخدام

تاني استخدام للماضي المستمر ان نستعملو فيه لما نبو نتكلمو عن حدث كان مستمر في الماضي و جي حدث و قطعه!!

حتقولي يا سيرين شن معناه كلامك هذا؟

تعالا نعطيك مثال بالفلاقي باش تفهمني


"اني كنت نكتب في الواجب بالامس، لما نور اتصلت بيا !"


لاحظ ان اني كنت ندير في شي ، بعدين جتت نور قطعت الي كنت ندير فيه

باهي اعطيني مثال بالانجلش يا سيرين باش نفهم اكتر

يا ودي تعالا نقولك !

Ex:
" I was writing my home work when nour called


دقيقه بس حتقولي يا سيرين علاش درتي " nour called " يعني علاش درتي في ماضي؟

شوف خلينا متفقين ان الحدثين صارو في الماضي يعني لما كنت نكتب في الواجب و لما نور اتصلت تمام؟

لاكن شوف ديما الحدث المستمر نحطوه في past continues و الحدث الي قطعه نحطوه في past simple
زي ما درت في المثال فوق

هذا تاني استعمال كملناه


نجو لي ثالث استعمال

ثالث استعمال للماضي المستمر هو ان لما نبو نتكلمو ع حدثين قاعدين يصيرو مع بعض في نفس وقت!

كيف يا سيرين مفهمتش !!!!

تعالا نقولك

نعطيك مثال وتوا تفورم منه

" I was doing my homework while my family was watching TV "

ركزلي ع " while "
شن معناها " بينما " أو " لما" او " عندما "
و هي الي ربطتلي الكلام
" كنت اكتب واجبي المدرسي عندما كانت عائلتي تشاهد التلفاز "

يعني زي ما قتلك حدثين ماشين مع بعض في نفس وقت


و هكي نكونو كملنا درس اليوم
حنكفتو بالجزء هذا اليوم بس

نكلموه غدوه بعون الله

ركز معاي في ريكورد لان شرحت حاجات مهمه
وزي ما قلتلكم معاكم معاكم في الشهاده لين تفورمو

#مس_سيرين
#2005
#we_will_get_to_our_target