البداية بعد المغرب إن شاء الله الحمد لله بكرة أجازة يعني حتي | IN Madrid

البداية بعد المغرب إن شاء الله
الحمد لله بكرة أجازة يعني حتي مفيش عمل يلهي عن العبادة
مبدئياً من مغرب النهاردة لمغرب بكرة ٦ فروض
الستة انت ملزم تصليهم جماعة إن شاء الله بسننهم حتي ال ٤ اللي قبل الضهر اللي ساعات بتستتقلهم صليهم اليوم ده معلش
أقل حاجة في اليوم ده جزئين قرآن تقدر تقسمهم بعد كل صلاة واللي يزود يبقي خير ليه وثوابه أكبر
بعد صلاة العشاء لو عايز تنام شوية تفصل وهتصحي تصلي أقل حاجة ركعتين قيام ووتر واعتبر أن دول فرض اليوم ده والركعتين دول أقل حاجة
هتقوم ب١٠ آيات لم تُكتب من الغافلين
هتقوم ب١٠٠ آية تُكتب من القانتين
هتقوم ب١٠٠٠ آية تُكتب من المقنطرين
جزء عم وتبارك ١٠٠٠ آية تقريباً
خلص وادعي ربنا شوية بقي باللي غامم عليك ومضيق نفسك في الدنيا وشوف احلامك وطموحاتك بس بردو خلي اغلب الدعاء دعاء آخروي مش دنيوي
واتسحر آخر نصاية
الفجر يأذن وشوف مسجد تصلي فيه تكون بترتاح ورا الإمام بتاعه وبتخشع
هنخلص الفجر بإذن الله ونفضل لحد الشروق نذكر ربنا (أذكار الصباح)
بعد الشروق بربع ساعة هنصلي صلاة الأوابين صلاة الضحي وأقلها ركعتين
بعدها ممكن تنام شوية لحد الضهر وتصحي بعد الضهر بنشاط أكبر من نشاط بليل إن شاء الله
اليوم ده في حاجات لازم تتقال ١٠٠ مرة إن شاء الله وأقل حاجة ١٠٠ (سبحان الله وبحمده سبحان الله العظيم - لا إله إلا الله وحده لا شريك له له الملك وله الحمد وهو عليك ل شئ قدير - استغفر الله العظيم وأتوب إليه - لا إله إلا انت سبحانك إني كنت من الظالمين - لا إله إلا الله - يا حي يا قيوم برحمتك استغيث اصلح لي شأني كله ولا تكلني إلي نفسي طرفة عين)
كل حاجة ليها فضلها لو دورت عليه هتتعجب ازاي كل ذكر منهم مش بياخد ٥ دقايق في ال ١٠٠ مرة ونتايجه بالشكل ده
انت طبعاً مظبط كل فترة هتاخد ورد من القرآن عشان تلحق تخلص الجزئين متنساش دي
هتصلي العصر
بعد العصر الملحمة الكبري
وداع أعظم أيام الدنيا خدلك جنب من الدنيا واللي فيها واعزل نفسك في مكان هادي اتوضي وتضرع لله مالك الملك من لا يعجزه شئ في الأرض ولا في السماء
ابكي وتذلل واخضع لله وطلع اللي في قلبك اللي محدش عارفه غيرك واوعد ربنا انك من اليوم ده بقيت واحد تاني وادعيه يساعدك علي ده
تفنن في الدعاء مش عيب تحفظ ادعية معينة بتسمعها من الشيوخ اللي بتحبها
طبعا انت جنب الحاجات دي كلها شغال بالباقيات الصالحات مش بسكت لحظة (سبحان الله - الحمد لله - لا اله الله - الله اكبر)
اللهم تقبله منا واغفر لنا فيه واجعلنا من المعتوقين من النار

منقول من Mohamed Hady