ازاي تشخص ال hyponatremia ؟ هتلاقي serum Na أقل من ١٣٥ هتحدد | Internal❤️ medicine

ازاي تشخص ال hyponatremia ؟
هتلاقي serum Na أقل من ١٣٥
هتحدد sever و لا mild
علي حسب لو CNS manifestation و لا لا ؟
زي coma و convulsions
لو فيه يبقي sever
لو مفيش يبقي mild
Acute or chronic?
لو أقل من ٤٨ ساعة يبقي acute
لو اكتر يبقي chronic
علشان تعرف السبب لازم تقيس ال serum osmolality
لو أقل من ٢٧٥ يبقي hypotonic hyponatremia
لو أعلي من ٣٠٠ يبقي hypertonic hyponatremia
لو ما بين ٢٧٥ الي ٣٠٠ يبقي isotonic hyponatremia و ليها اسم تاني pseudohyponatremia و دي نادرا ما هتشوفها الايام دي
لأنها باختصار كان غلطة من الأجهزة و كان ليها أسباب أهمها وجود triglycerides و immunoglobulins
لكن الأجهزة الحديثة دلوقتي بقت بتقرأ الصوديوم صح علشان كده معدتش هتشوفها
لكن لو شوفتها عندك استعداد تشخص multiple myeloma بمعلومة زي دي ( وجود immunoglobulins)

احنا كده خلصنا من ال isotonic
ال hypertonic معناها وجود عناصر في السيرم مزوده ال osmolality و هي اللي ساحبه الماية من الخلايا و مخففة الصوديوم
زي ايه ؟
الجلوكوز
المالتوز
المانيتول
يبقي لو طلع hypertonic هتقيس السكر في الدم و تسال علي باقي الحاجات اللي موجوده في الصورة (مش هتعرفها غير بالهستوري )

لو طلع hypotonic و دا أشهر سبب
دا معناه أن الصوديوم قل في الدم في عدم وجود حاجه تانيه ترفع ال osmolality
يبقي هنشوف المريض مورم و لا ناشف و لا عادي ؟
لو مورم أسبابه هتتعرف من الهستوري
زي فشل الكلي أو الكبد أو الكلي و المريض مجمع ماء
و دا سيبه في حاله و متصلحش ال hyponatremia اللي فيه حتي لو هي 120 طالما مفيش أعراض
لأنهم وجدوا أن مفيش فرق في ال mortality

لو طلع المريض ناشف
دا معناه أن المريض بيفقد صوديوم بكميات كبيرة
أما هيفقده عن طريق الكلي و أما عن طريق شئ آخر غير الكلي
و دا هتعرفه من الهستوري
عن طريق الكلي اما بياخد مدرات للبول بتعمل كده او عنده مشكله في الألدوستيرون
او عنده مشكله في المخ بيطلع BNP بكميات كبيره

طريق تاني غير الكلي
زي sepsis , burn pancreatitis, intestinal obstruction و دا هيكون واضح طبعا

لو المريض لا مجمع ماء و لا ناشف
يبقي اهم حاجه تدور عليها هرمون ADH و t3&t4 , TSH

بيتهيألي مفيش أسهل من كده
نكمل العلاج بقي أن شاء الله في بوست أخر
بس لو لاقدر الله مشوفتش البوست الجاي لانك مش عامل لايك للصفحة و لا مشترك في قناة اليوتيوب و لا جروب التيليجرام
عاوزك تعرف حاجه مهمة جدا و قاعدة تحطها حلقة في ودنك
اياك ثم اياك ثم اياك
تيجي تعالج ال hyponatremia ترفع الصوديوم أكثر من ٦ في ال ٢٤ ساعة
يعني لو قست الصوديوم و كان ١٠٠ و المريض قدامك في غيبوبة و بيتشنج و بيموت من نقص الصوديوم
اياك ترفع الصوديوم أكثر من ١٠٦ في ال ٢٤ ساعة
و تاني ٢٤ ساعه ١١٢ و هكذا
ليه ؟
لا دا بقي هنعرفه البوست الجاي أن شاء الله و هقولك تصلح ال hyponatremia ازاي
بس انت اشترك في قناة اليوتيوب و قناة التيليجرام