دلوقتي جالك عيان في غيبوبة و بيتشنج و أهله بيقولك دا باديء يا | Internal❤️ medicine
دلوقتي جالك عيان في غيبوبة و بيتشنج و أهله بيقولك دا باديء ياخد thiazide diuretics من 5 أيام بتقيس السيرم صوديوم لقيته أقل من 120 و مفيش سبب تاني لهذه ال manifestations غير ال hyponatremia فحضرتك شخصته أنه Acute and severe hyponatremia
( ايوه حضرتك اللي شخصته بتبصلي كده ليه ؟ ما انت لو قرأت البوست اللي فات و معملتش save و خلاص كان زمانك شخصتة دلوقتي و عرفت السبب كمان بس مش مهم دلوقتي نتعاتب بعدين )
المهم دلوقتي انت قررت تعالجه بسرعه ال chronic hyponatremia بتتعالج gradual إنما دا هتعالجه بسرعة
طب هتعالجه ازاي ؟
فيه طريقة سهلة و طريقه صعبة و الاتنين صح مفيش مشكله عالج بأي واحدة المهم متخرجش عن القاعدة الذهبية اللي قولنا عليها في البوست اللي فات ( اللي انت عامله save ) و اللي هقولك عليها كمان شوية
١_ الطريقه السهله هتقول للممرضة وزن المريض كام ؟ هتقولك و ليكن ٦٠ كيلو قولها علقي hypertonic saline 3% بمعدل ٦٠ سم في الساعة ( اللي هو وزن المريض ) هتسألك عاوز حاجه تاني ؟ قولها قيسي ال serum Na كل ساعة لو لقيت الصوديوم زاد من ( ١ الي ٦ ) خليك مكمل و قيس الصوديوم كل ساعة زي ما انت لغاية ما تلاقي الصوديوم زاد من ( ٦ الي ٨) قولها وقفي
٢_ الطريقة التانيه ( اللي موجوده في الصور) قولها علقي hypertonic saline 3% بمعدل ٦٠ سم في الساعة ( اللي هو وزن المريض) زي الطريقة الأولي هتسألك عاوز حاجه تاني؟ قولها قيسي الصوديوم كل ساعتين لو لقيت الصوديوم زاد أقل من واحد هتزود المعدل من ٥٠٪ الي ١٠٠٪ يعني احنا كنا ماشين بمعدل ٦٠ قولها مشي المحلول بمعدل ٩٠ سم في الساعة لو لقيت الصوديوم زاد من ( ١ الي ٦ ) قولها كملي زي ما انتي و قيسي الصوديوم كمان ساعتين لو لقيت الصوديوم زاد أكثر من ٦ وقف المحلول و قيس الصوديوم بعد ساعتين
بعد ما يعدي ٤ ساعات هنرجع نقيس الصوديوم تاني في الثلاث حالات لو لقيت الصوديوم أقل من ١٢٠ أو مازادتش غير أقل من ٢ من أول ما بدأت ال hypertonic saline هتزود المعدل من ٥٠٪ الي ١٠٠٪ يعني احنا كنا ماشيين بمعدل ٩٠ هتمشي بمعدل ١٢٠ و قيس الصوديوم بعد ٤ الي ٦ ساعات لو لقيت الصوديوم بقي من ١٢٠ الي ١٣٠ أو زاد لحد ٦ من أول ما بدأت ال hypertonic saline وقف المحلول لو الصوديوم زاد أكثر من ١٣٠ أو أكثر من ٨ من أول ما بدأت المحمول هنا بقي هتوقف المحلول فورا و تحاول تنزل الصوديوم تاني ( ايه الهبل ده ) ايوه ما حضرتك بتقول كده علشان نسيت القاعدة الذهبية * القاعدة الذهبية اياك ثم اياك ثم اياك ترفع الصوديوم أكثر من ( ٦ الي ٨) mmol في ال 24 ساعة
طب ليه ؟ وجدوا انك لما ترفع الصوديوم أكثر من ٨ في ال ٢٤ ساعة بيعمل حاجه ملهاش تفسير اسمها central pontine myelinolysis ( تدمير لل myelin sheath بتاع الخلايا العصبية اللي موجوده في ال pons و الموضوع بيبدء ب dysarthria بعدين muscle weakness و بعدين quadriplegia و بعدين coma و بعدين death ) حاجه خفيفة كده علي الماشي
يبقي هتحاول تنزل الصوديوم تاني طب ازاي ؟ هتبدأ oral fluid هتمشي dextrose 5% بمعدل ٦ مل لكل كيلوجرام في الساعه هتدي desmopressin 1_2 microgram سواء SC أو IV مش هتفرق سواء كل ٦ أو كل ٨ ساعات
و طبعا هتعالج السبب اللي قولنا عليه في البوست اللي فات ( اللي انت عامله save )
هتقولي اومال الصورة التانيه دي بتاعة ايه ؟ هقولك دي بتاعة ال chronic hyponatremia و خاصة للناس اللي عندهم euovolumic hyponatremia هتقيس الصوديوم و البوتاسيوم في البول و تجمعهم و تقسمهم علي السيرم صوديوم لو طلعوا أقل من نص الي واحد هتعمل fluid restriction لأقل من ١٠٠٠ مل في اليوم لو طلعوا من نص الي واحد هتعمل fluid restriction ل 500 ml/day لو طلعوا أكثر من واحد ادي tolvaptan ١٥ mg/day و نادي علي endocrinologist قوله انا مش عندي tolvaptan في مصر أعمل ايه ؟ هيقولك اعمل لايك للصفحة و اشترك في قناة اليوتيوب و قناة التيليجرام اللي هتلاقي اللينك بتاعهم في أول تعليق و متعملش save للبوست من غير ما تقرأه
