الفرق بين أنواع ال Fucidine وال Fucicort ____________ كريمF | انا صيدلي
الفرق بين أنواع ال Fucidine وال Fucicort ____________
كريمFucidine اللي فيه خط أحمر
مادته Fusidic acid كريم مضاد حيوي موضعي للالتهابات البكتيرية. يستخدم لحبوب الوجه والجسم الغير مصحوبه بحكه. يستخدم لعلاج حب الشباب لأنه بيقضي عالبكتيريا المسببة. بيعالج الدمامل اللي بتظهر عالبشره أو اَي منطقه في الجسم زي الرأس مثلاً. علاج الجروح ومع كريمات الحروق لتجنب حدوث إلتهاب وعدوي بالحرق. يستخدم بعد إزالة الشعر من المناطق الحساسة ليمنع ظهور الحبوب فيها ويحافظ عليها من البكتيريا والالتهابات اللي ممكن تحصل بعد إزالة الشعر. بعد الولادة بيتم وضعه علي منطقه الجرح والخياطه عشان نمنع تكوين أي بكتيريا. علاج الحبوب اللي ممكن تظهر بعد تقشير البشره . ____________
مرهم Fucidin اللي فيه خط برتقالي
مضاد حيوي... تركيبته Fusidic acid يعني تركيبته نفس تركيبه الكريم بالظبط وبالتالي نفس الاستخدامات ولكن موجود في صوره مرهم. كل الفرق بس ان الكريم بيستخدم ف الحالات اللي بتتطلب امتصاص سريع للماده الفعالة إنما المرهم بيكون لزج بيستخدم ف الحالات اللي بتتطلب إمتصاص بطيء للماده الفعالة . وفي كمان فرق مهم إن الكريم ينفع مع حب الشباب إنما المرهم لا يصلح لأن حب الشباب بتكون البشره دهنيه والمرهم تقيل فمينفعش تماماً مع حب الشباب إنما الكريم مناسب لأن تركيبته خفيفه وسهل الأنتشار وبيمتص بسهوله عن طريق الجلد وميسببش لمعان عالبشره ولكن المرهم مناسب مع البشره الجافه. ____________
كريم Fucidin ابو خطين أحمر وأسود
اسمهFucidin H Cream ...وتركيبته fusidic acid مضاد حيوي مع hydrocortisone كورتيزون خفيف. بيستخدم للحكه الجلدية والأكزيما اللي لونها بين البنفسجي والاسود . علاج التسلخات_الصدفيه_الذئبه الحمراء. كثرة استخدامه غلط لإنه ممكن يسبب ظهور شعر خفيف في بعض المناطق وظهور خطوط بيضاء بالجلد . ____________
كريم Fucicort اللي فيه خطين أحمر واصفر
اسمهFucicort cream...وتركيبته Fusidic acid مضاد حيوي مع Betamethasone كورتيزون قوي. يستخدم للإكزيما الملتهبة والالتهابات المزمنة والقوية المصحوبة بتحسس وتهيج. بيستخدم أحياناً بعد جلسات الليزر. بيستخدم ف علاج الالتهابات الجلديه القشريه في شعر الرأس والوجه . بيستخدم بعد لدغ الحشرات وبعد حروق الشمس . غلط تماماً اننا نستخدمه لعلاج حب الشباب لان الكورتيزون الموجود فيه ممكن يزود حب الشباب. وكمان غلط تماماً إننا نستخدمه علي الوجه والمناطق الحساسه وجلد الأطفال بسبب الكورتيزون القوي .
المصدر https://faq-blog.com/are-fucidin-and-fucicort-the-same
