أحد الاغبياء بالفيسبوك كتب لله يعين العايشين وياك شكَد تلغي.. | 𝕀𝕂ℕ𝔼𝕋

أحد الاغبياء بالفيسبوك كتب لله يعين العايشين وياك شكَد تلغي.. بالحقيقة دائماً الانترنت عكس الواقع.. أصلاً اني عندي صعوبة بالكلام لانني ما احچي بالحقيقة هواية يومي 24 ساعة ساكت بيه ماحجي غير امور يومية ومحادثات قصيرة ويه اهلي.. لكن لنفرض اني الغي هواية ف رح اكلكم مثال عن شنو تاثيري.. (بالمناسبة اني فعلا اهلي ميحترموني لان محد يعرف شاشتغل او شنو اعرف 24 ساعة ساكت ومكَابل الحاسبة هذا يعرفوا بس)

لكن اخواني التؤام متابعين هنا القناة مثلكم من فترة (عساس بالصدفة متابعين بس جذابين سوالف كبرياء مال مراهقين). ومرات رغم كبريائهم الثكيل عليه ميعترفون بيه اني جوة لله بشبر مقارنة بيهم لكن احس من اسئلتهم ينعجبون بجرايد او مواضيع ف افتح نقاشات وياهم بهدف اعلمهم بدون ما اصعبها عليهم..

رح احچيلكم ثمرة احدى الجرائد عليهم بالبزنز اني مكتشفها بنفسي من خلال تاثير عليهم..

باول ازمة اوكرانيا اخواني باحد المنتديات قرروا يفتحون عضوية بيه ببزنز جديد (جرايد المنتديات انصحكم بيها).. قدموا خدمة (ناشرها قبل) ونجحوا بجلب خوش زبائن تقريباً ربحوا 1000-1500 خلال شهرين وشوي الفرحة تقراء الف بس لانهم توام ف يتناقشون كثير بقراراتهم ف دائما نتائجهم تكون ذكية (اني احسدهم انهم تؤام يفكرون ويه بعض ك عقل واحد من امتع وارقى فوائد التوم هذه الشيء افضل من واحد يفكر ويحجي ويه نفسه مثل مخبل).. المهم راحوا سوو حركة انسانية وقذرة بنفس الوقت وهذه شي موجود بلجرايد مالتي... همه بالاساس كل زبون سوولة خدمة اكيد ايميله يمهم هنا همه عدهم 1400 دولار من 80-100 زبون تقريباً راحوا دخلوا على كل المنظمات اللي مختصة بازمة اوكرانيا (بداية الترند) وصلخوا كل منظمة بـ100$ خمس منظمات من خلال وايز خسروا 500$ ربحهم 900$ راحوا اخذوا انفويسات التبرع وفتحوا الInspect element وغيروا ال500$ الى 1400$ (الفلوس اللي ربحوها من منتدى عساس) واخذوا الPDF وحطوا بالSMTP وصلخوا ب رسالة شاعرية لكل زبائنهم بشكل مختصر فحواها ( هلو احنا بوجودنا ب فلان منتدى فرحنا كثير بخدمتكم, هذه الرسالة حبيت انبهك بيها ان الفلوس اللي صرفتها ويانة تم التبرع بيها بالكامل ل 5 منظمات لدعم العوائل الأوكرانية بظل الظروف الحالية أني واثق ان هذه الرسالة رح تسعدك مثل ما اسعدتنا.. أتمنى منك عدم مشاركة هذه الرسالة احنا منحب الشهرة وخليها سر بيناتنا)

خلال ازبوع تقييمات حسابهم صعدت من 3 بوزتف الى 73 وكل تقييم يحتوي على رسالة شاعرية جداً ماذاكرين اي شي بخصوص تبرع لكن يمدحون بالشخص بهدف افادة او رد المقابل له ورح اكلك ليش سوو هيج بعدين.. لكن اخواني بدل 500$ الخسروها خلال 3 شهر صعدت ارباحهم ل 7 اضعاف بسبب هالتقييمات..

مجرد ان ربحوا فلوس زيادة رجعوا تبرعوا بال900$ باقية وصارت كذبتهم حقيقة بعد ان تبرعوا ب 1400 اللي عساس تبرعوا بيها بلبداية إضافة لربح ضعف ال1400$ الجانو رح يبقوها بدون هالحركة ورانك + مبيعات اضافية وسيرفر دسكورد طش والاهم زبائن معجبين بيهم و "بانسانيتهم"

اخواني طبقوا الشي الدتسوي كل شركات التجارية والناس بالمقابل سوة مثل ما يسوي اي بشري وهو انه يأخذ مكان لله ويقوم ب رد الاحسان مضاعف للشخص الطيب اللي شهد عليه.. نعم الاله موجود بعقول البشر فقط اذا تسوي خير بدون ما ناس تعرفه مارح تحصل على اي شي. اما اذا سويت والناس عرفت انك طيب الناس رح تكرمك بدورها ك الهة وتحاول تساعدك بأمور بسيطة جانوا يكدرون يسووها بدون هالمنيجة كل طلب اخواني جان هو تقييم انت اشتريت شغلة + حطلي تقييم خرب ربك = لكن بهالطريقة فوكَ بعد ان شاف الأخير ان مقابل سوا خير شاف انه يستحق تقييم

نفس الشيء يصير ويه اي شي ثاني صدكَني اذا منتظر من لله شي ف تلكَاه بعقول الناس.. جرب هالفكرة ورح تبدع كثير اذا جنت غير مؤمن رح تلعبها صح اما اذا انت مؤمن ف رح يصير ايمانك بالرب مالتك Level +999 كونك دتشوف الاله شون ديردلك العمل الخير باضعاف..

سبب اخواني انهم سوو هالحركة جان اكو واحد خبيث رانكة اعلى من مالتهم ويبيع نفس الخدمة جان ماديكدر ينافس بشكل شريف فاستغل سلطته ورانكه وحظرهم مرة لكن رجعولة بحساب ثاني بهالخطة مال جلب الاعور حالياً همه رانك مالتهم الشخص ذاك ميكَدر يندك بيهم لان ديدرون فلوس للمنتدى مثل ما هو ديدر عكس حسابات الصغيرة او المجانية.

الـPS: اخواني التؤام نجحوا من سادس ابتدائي وبطلهم والدي بسبب ظروف بوقتها ومن يومها ما رجعوا واليوم همه ديجيبون مصرف للبيت اكثر مني بأضعاف ولحد الان الناس تكَللهم ماعدكم مستقبل لان ماعدكم شهادة او وظيفة حكومية!! هذا مو معناه اني داكَلك عوف الدراسة مثلهم بالعكس عانوا من أمور سلبية كثير أهمها عدم ثقة بالنفس لكن اذا كنت انحرمت من دراسة مثلهم بسبب ظروف ف لا تخاف انت فقط اخذت الطريق الطويل بس غنيمتك اكبر من الموظف