مابين 20-40$ هي ثمن كل مليون مشاهدة مجانية على تيكتوك (تحققوا | 𝕀𝕂ℕ𝔼𝕋

مابين 20-40$ هي ثمن كل مليون مشاهدة مجانية على تيكتوك (تحققوا من موضوع)..

لنفرض العراق الCPV هو اقل شيء (ماعرف بلضبط لاني مامجرب) لكن رح افرضه اقل اقل شي اللي هو 0.02$ يعني لكل مليون 20$ هنا انت ك مستخدم فيسبوك وتيليجرام اعتبرت المليون مشاهدة شي عظيم وصعب... لكن للاسف شوف هنا مثال:

احد تعليقات فيسبوك كال دروح بالعراق ينطون 2 دولار عالمليون مشاهدة... سويت بحث بسيط وطلع اقل شي تكتوك تعطي 20$ عالمليون ورحت بحثت عن Iraqi Video طلعلي برهومي حلاوة ابن المدينة عطواني, الميعجبك هذه العطواني ديجيب يومية للبيت ماتقل عن 20$ اللي هي اذا تحولها للعراقي هي 30000 يعني يومية مال خلفة بنظاام السكلات والعمالة وبرهومي لانه مامكمل تعليمه كمثال مارح يكَدر يشتغل غير عمالة ف هل انت برائييك ان برهومي رح يشوف لل20$ مثل ماتشوفها انت مستصغرها ؟ قطعاً لا الفلوس تجمع تماماً

ال0.02$ تجمع والتيكتوك مشاهداته كارثية باليوم ملايين ناس تدخله وخوارزميته ماتتناكح مثل فيسبوك ولا عدد مستخدميه قليلين مثل تيليجرام والكونسبت مالته ميحتاج كلام هي فيديوات واغاني باليوم واحد عشرات السكرولات تصير بين فيديوهات وبرهومي حلاوة من يشوفوه الاميركان ويحششون عليه ف هم ربح اله لان مشاهدات الاميركان هي 0.04$ يعني برهومي بدل ان يضحك عراقي رح يدرله 0.02$ الأميركي والكندي حيدروله ضعف العراقي.. لهذا تشوف العينتين بكابشنات انكلش


ألتيكتوم اللي نحشش عليه كرنج اليوم هو مصدر ارزاق لكثير ناس بالشرق الاوسط واساس فكرة انهم يسوون ترندات حتى الكل يسوي نسخ اله من ثم ينشروه والكل يحصل ملايين مشاهدات بسبب الترند ورح يستمر ويستمر ويستمر لانه صار مصدر رزق ومن يصير ايشي مصدر رزق صعب رح تكَدر تواجهة بالمستقبل.

وهسه بعد الانتقاد انت ك شخص تقني حتفكر تروح تسوي تكتوك وتصير كرنج مثلهم ؟ ماعرف اذا عجبك موضوع ومابيك حظ تطلع فلوس اكثر من 20$ ف روح عادي لكن أتصرف ك IT كمثال صير Payment Holder الهم كثير منهم ميعرفون يسحبون ارباحهم او ميعرفون يسوون حسابات او انت بننفسك اكتشف ناس ينطلع بيهم ترندات تيكتوك وسويلهم حسابات.. او الاتعس سوي كوبي رايت لكثير اشخاص عالتيكتوك تنشر حقوقهم او علسوشل ميديا ككل تخيل الشيخ هذا الفوك خوما عبالك هو مسوي الكوبي رايت مالته ؟ قطعا اكو نغل IT مثلك هو اللي لازمله موضوع وديحصل نسبة من ارباح الشيخ لو يعرف يلزم ماوس ماجان صار شيخ ولا ذل نفسه يدرس انكَليزي ف انت دورك تستغل غباء المجتمع وتخيل وياي تلزملك فد 10 اشخاص كمثال وتاخذ منهم 20% هاي انت بكل بساطة صار عندك ارباح مال شخص تيكتوكر بنسبة 100% بدون متذل نفسك وتصير كرنج بتيكتوك مستغل خبرتك التقنية ومعرفتك العميقة باستخدام Google بالربح هيج اعمال ماكو شركات رسمية الها بالعراق وممكن تتطور مستقبلاً لبقية منصات بل ممكن ان تعتمد على نظرية العضروطية مال العراق رح يصير بخير مستقبلاً ومن هسه تبنيلك شركة الحقوق المستقبلية بخبرتك اللي تكَدر تاخذ بيها Copyright لموكليك وهمين تستغل كمية المحاميين الموجودين بلعراق همه وشهاداتهم وهوياتهم مال مزاولة المهنة وضاميها او مستخدميها بس ك معقبين معاملات تكَدر تجيب هذولة اللي يعتبرون جزء من المجتمع المتخلف وتكون انت الIT الشمعة اللي رح تنورلهم طريقهم وتغييرلهم وضعهم المهني مثل ما صار هسه عامل الخلفة تكتوكر يجيب اليومية من التلفون رح تكَدر تخلي المحامي يجيب فلوس بلاوي وهو ورا حاسبة وياك. هذا مشروع مو من طيزي وانما نسخة طبق الاصل من مشاريع قائمة حالياً